Numbers 5:15 - Ohiatonhseratokénti

¹⁵ Ne kwáh tsit nahiotónhake ne rónhkwe ónenk tsi ratsiʼhenstatsíʼne niensakohiaténhaʼwe ne ró꞉ne. Ónenk tsi ienháhawe tsi niwaterihwanónhtons ne iahióntkaʼwe tekakonhtshérake tehiotikonhstónres othèsera, ók iáh kíʼ thènen tahonthahoʼienónhti ne iakeniewá꞉tha kènie khès ne kanetanó꞉ron, tsioríhwa tsi ne ienwatkaʼwénhke tsi natehatenikónhraras ne roniákon, ne naʼrónhni ne orihwihioʼónwe ahoʼtóhkenhse.

Numbers 5:15 Iomraidhean Croise

1 Kings 17:18

Wahawénhase ne Elijah, “Rón꞉kwe Ní꞉io rahonkwéta, onhnontséren kíʼ tsi thóh nastséraʼse? Kenʼthonʼnonhtháse nahonsatsehiarákwen ne Rawenni꞉io nakerihwanerahát꞉tseras tánon né wakarihónhni ne rihiénha tsi warénheʼie?”

Ezekiel 21:23

Ne Jerusalemró꞉nons iáh tahonthahonʼnhétakwe tioríhwa tsi nihotísons ne ateriwahsehronhniátsheras. Ók kí꞉ken ne iekariwáhken né nahonsahonwenhnehiaráhkwen ne raotiriwahneraháktsheras tánon nahonwahthitokáten tsi enhonwahtiʼiéna.

Ezekiel 29:16

Israel iáh nonhwénton shé꞉kon ne thaʼtahonsakonhwatkáneren nahiakoiénahwahse. NiʼEgypt tsi nahohiátawen kwáh enhiawehiaráhkwen ne Israel tsi nióre tsi tehioterienthawenhréhon tsi ne ioniahé꞉senhne. Ethòne Nisrael enhioteriéntharahne tsi Í꞉i ne Wakenonhtí꞉io Watiá꞉ner.”

Hosea 3:2

Káti watsata꞉ní꞉non wísk iawén꞉re nikahwístake kawistará꞉kens tánon tsáta nikawinotserá꞉ke tehiotikonstónhres.

Leviticus 1:2

né꞉ne Israerʼró꞉nons nahatiʼkwéniensʼthe nónen henthatíʼiesthe ne karihwiʼiosehokónhas. Nónen enthésesʼthe ne katshénen akonwateskónhten, tó꞉ka nónh꞉wa kaknikáien tsi nikónhti ne senáskwahiens tó꞉ka ó꞉ni kakʼnikáien ne satshénens teiotinakaronhtón꞉a tó꞉ka ó꞉ni kahiatákeras.

Leviticus 2:1

Nónen ne ónhkak tsi nítsion iaháthate nonátsias ahontaháiesʼte rahonháke ne Roiá꞉ner, ónenk niáreʼkwe tsi ensétʼtheʼte nasatʼthenserónhni. Ónenk tsi iakenieʼwátha kénhie enteshá꞉weron tánon ne kanetanóron

Leviticus 5:11

Tó꞉ka iáh taskarakwéni ne tekatsitenhseráke tó꞉ka ó꞉ni ne tekenihiáse norítes, ónenk kíʼ tsi tekakonhtseráke othèsera enthésaʼwe né꞉ne iahontkáwen ne sarihwanerahák꞉tshera aorihwáke. Kwáh tó꞉sa othènen tasáti ne iaʼkeniewátʼtha kénhie tó꞉ka ó꞉ni ne onéta, tsioríhwa tsi karihwáneren aorihwáke íken, iáh onátsa tehiorihwáke tsi ienwatʼkáwen.

Numbers 5:16

Ne ratsihénstatsi ohénton nienshaʼkohiaténhawe ne iakónhkwe tánon enshaʼkahónhnien ohénton thaʼiétanne ne ietsienharákwahke.

Hebrews 10:3

Kwáh kíʼ tsi ní꞉ioht, kíʼ ó꞉ni, ne iontienkwahronniatákwahs ronterihwahtentsáthaʼkwe niaʼteioseráhke nahonsahonwennenhiaráhkwen nonkwesónha ne raotirihwahneraháktsheras.