Numbers 4:15 - Ohiatonhseratokénti

¹⁵ Nó꞉nen ienkáhewe ne tahonshonhnatáhkwenhke, né rahotiʼtiókwa ne Kohath ne entʼthónhne niaʼhiatíhawe ne iotokéntis íkens thóh ne khók kíʼ tsít enhontíhsonhke ne Aaron tánon ne shaʼkohiohʼokónhas tsi ratiʼróroksʼkwe tsi niwatsʼthasónhas. Ne Kohath rahononhkweʼtashón꞉ʼas iáh tehiówenk né thènen iahatiʼiéna ne iotokéntis íkens, thóh kaʼthonenhatí꞉iere enhonhníheie kíʼ. Thóh kíʼ nihotiʼhiotenhseró꞉tens ne Kohath rahotiʼtiókwas nó꞉nen natóhsehra tahonshaʼkonhwanathákwahte.

Numbers 4:15 Iomraidhean Croise

2 Samuel 15:24

Ne Abiathar tá꞉re, ó꞉ni ne Zadok, ratikweʼkonhátie ne Levites, ratihá꞉wi noneró꞉kwah ne raoteriwaseronniátsera Ní꞉io. Ehʼtàke wahatí꞉ien ne raoneró꞉kwah Ní꞉io, tsi niʼió꞉re nonkweʼókons wahontóhetste ne kanatowanénhke.

2 Samuel 6:13

tánon nó꞉nen tsi nihá꞉ti ne ratinhorokwenháwine ne raoʼteriwaseronniátshera ne Roiá꞉ner tewáhsen-wísk (mile) niió꞉re shieʼoné꞉non, ne Táwit wateshakótaste tsi nikarí꞉wes wahó꞉tenaskwatsahaten ne Roiá꞉ner ne ne teoná꞉kares tánon ne ró꞉rehsen tionhnónskwaron rátsinn.

1 Kings 8:3

Nó꞉nen ratikwékon ne sakotihéntenhse shiʼhonatsataró꞉ron, ne ratitsihénstatsis watatinerókwahkwe naʼterihwasehronhniátshera thóh í꞉wa

1 Chronicles 15:15

Né Leviró꞉nons watonhtenahkaro꞉tarok tsi wahonnenhsá꞉ren, tsi kí nihorihwatháton ne Roiá꞉ner rahonháke ne Mahís.

1 Chronicles 15:2

Ethó꞉ne waʼhénron, “Teiotonhontsóʼon ne Leviró꞉nons khók kí꞉ken ahatiʼnorokwénhaʼwe, tsioríhwa tsi Rawenni꞉io ronónha sakoiataʼráhkwen nahatinorokwénhaʼwe tánon né꞉ne tsi nénhwe enhonwaiótenhse.”

1 Chronicles 23:26

Ká꞉ti iáh othén꞉nen tatetshotonhontsóʼon ne Leviró꞉nons nahonsahatíhaʼwe nathóhsera tsi nón꞉we nihénteron ne Roiá꞉ner ó꞉ni akwé꞉kons tsi niwatstasónhas ne ionsthákwah naʼionhterén꞉naien.”

Exodus 19:12

Sehwaierónhnits sehwaserihiétent tewakwahtáset ne tsi iónonhte né nonhkweshón꞉ʼa tó꞉sa tahionthawènhrahthe, tánon iehʼtshiró꞉ri tó꞉sa iehathinonhtárat iekaníhare tó꞉sa ákta niehónʼne. Tó꞉ka ónhka tsi nítsion ne iahisewaráhtaʼne, kwáh enietʼtsinonhwarhiákon;

Exodus 19:21

tánon ne Roiá꞉ner wahawénhase, “Wáhs iasanonhtátsnent tánon sehiaronhkáten nonhkweshón꞉ʼas ne tó꞉sa tahonthawènhrahthe ne waʼserihieʼthatátie nahontháhonʼne nahonthahiontsatisákʼkha; tó꞉ka thóh nenhatí꞉ieʼre, ronahtiokowáhnen enhonhníheʼie.

Exodus 27:7

tánon thóh thetsóhetste ne tsi iokakwenhʼtanenhtákʼtons ne skatíshons nokwáhti ne ietsienharáhkwah ne énhonsthe né nónen enhatíhaʼwe.

Leviticus 16:13

Thóh rahohénton ne Roiá꞉ner enhát꞉tsahaʼthe ne kanetanó꞉ron ionhtsienkwaronhniaʼthákwa, tánon tsi nihioiénkwaroʼthe ne kanetanó꞉ron né enwaséhthaʼkwe nahotenontékʼtha Naʼterihwaseronhniátshera Ohneró꞉kwa né káti ne tó꞉sa ahatkátho tánon narénheie.

Numbers 1:50

Khéʼkenk, ne Levites né sehrihónten nahonterihwatsʼtériste Natóhsehra tsi nónhwe niʼkíteron tánon akwékon tsi niwatsʼtasónhas. Ronhnónha enhatíhawe tánon tsi niwatsʼtasónhas, thóh enhotiʼhióten, tánon thóh aktóntie enhontená꞉taien.

Numbers 1:51

Né nónen tenhtsiʼsewanáʼthakwe, ne Levites ronhnónha enshonʼtohsheraʼríhsi tánon enshonʼtohsehró꞉ten ne á꞉se tsi nónhwe ientsiʼtewaʼtenátaien. Nónkha akó꞉ren nákta nahontáhien tsi waʼtohsehróte kwáh kíʼ enhionthaʼtenonhwariákon.

Numbers 10:21

Ethòne ne Levites né꞉ne tsi ratiʼtáraien ne Kohath ienshontásawenh, ratiʼhawinónhtie ne iotokéntis nahoténsons. Tsi nióre niahónhnewe tsi nónhwe ienshontenátaien, nathósehra khá꞉ha shonatosehróthe.

Numbers 18:3

Kwáh enhatirihwaieríʼtsheke tsi nihotihiotenhseró꞉tens ne sonháke tánon tsi nihonaterihwaiénhni tsi nó꞉kwa natóhsehra, ók kwáh kíʼ iáh tehiówenk ne thènen iahatiʼiéna ne iotokéntis tsi nónhwe ne Iotokénti íken ó꞉ni ne ietsienharákwah. Tó꞉ka thóh nenhatí꞉iere, sehwakwékon kíʼ tsi enhietʼtsinonhwariákon.

Numbers 3:38

Ne Mahís tánon ne Aaron ó꞉ni ne sakotiʼhioʼokónhas ohénton ne tsi watóhsehrote né nónhwe nenhontenáʼtaien né꞉ne tsitʼkarakwínekens nòkwahti. Né nènhne roʼnaterihwaiénhni nahonterihwatsʼtériste tsi niʼhioterihwaʼtiéren tsi nónhwe ne Iotokénhti íken né nonhkweshón꞉ʼas NÍsraerʼró꞉nonke akorihwáke. Nónhka akóren nahionʼteniénten né nahiéiere kwáh kíʼ enhionhthaʼtenonhwariákon.

Numbers 4:14

Thóh èhneken enhatirónh꞉nion akwékon tsi niwatsʼthasónhas né ronhstákwahs ne ietsienharáʼkwahke: ienatsiará꞉kwas, oniókwas, raʼkhareniáthas, tánon ne watʼnekarákwas. Tánon ne iontsioharetáhkwa onhtaksónha. Ethòne ne kwáh kenhní꞉io enhatiʼrórksʼte tánon enhatiʼshionʼtónhnion nahontʼtsiónhthaʼkwe tsi enhatíhaʼwe.

Numbers 4:19

nahonwatiʼnonhwariákon tsi ákta ienhónhne ne iotokéntis íkens. Né tó꞉hsa kí꞉ken thóh nahiáwenhne, ne Aaron tánon ne sakohiohʼokónhas ienhontáwehiaʼte tánon shaʼtihiatáʼtshons enhonwatiʼhiotensehrawíhon tánon enhonwatiʼró꞉ri tsi nahó꞉ten ahatíhaʼwe.

Numbers 4:20

Ók tó꞉ka ne Kohath rahotiʼnénhra ienhontáwehiaʼte tánon enshakothíken ne ratiʼtsihénstatsis ratiʼweienéntas ne iotokéntis tsi natahonhnatakwáhthonke, kwáh kíʼ enhonhní꞉heie.”

Numbers 7:9

Ók kíʼ ne Mahís iáh nènhne thènen theteshaʼkówi ne wennhí꞉seres iáh ó꞉ni ne tehothinákares tsionónskwahrons ne Kohathites, tsioríwa tsi nahoténsons ne iotokéntis ne ratiʼnikónhraʼre tsi enhonʼnenhshá꞉ren tsi ienhatíhaʼwe.

Deuteronomy 31:9

Káti ne Mahís wahahiatón꞉nion ne Rawenni꞉io raoianerénhseras tánon né꞉ne Levitical rotikhá꞉res thashaká꞉wen, ne tsi ronónha ratiʼnikónhrare ne nonerówa Roiá꞉ner raoteriwaʼseronhniá꞉tshera í꞉wa, ó꞉ni ne shakotihéntenhses ne Isaerʼró꞉nonke.

Joshua 4:10

Ne rokhá꞉res thóh ratà꞉kwe ne satekaniataríhen ne Jordan tsi nió꞉re akwé꞉kon é꞉tho naháwenhne tsi ki nihorihónte ne Roiá꞉ner ne Joshua nashakohró꞉ri nonhkweshón꞉as tsi nahatí꞉iere. Ne kí꞉ken tsi nihotenhnàhon ne Mahís. Nonhkweshón꞉as watotisteríhen wathatiniatarihiáke.

1 Samuel 6:19

Tsi nithotwatsirí꞉non ne Jeconiah kwáh iáh skátne tehonaʼtonnáhere nónkweʼókons ne Beth Shemesh nó꞉nenh tenhontátken tánon washaʼkononwaʼrhiákon tó꞉ka ní꞉hati nonkweʼókons ne Beth Shemesh, tsioríwa tsi iahontkehtó꞉ten raoʼneró꞉kwakon ne Roiá꞉ner; tánon waʼshakononwarhiákon wísk niwáhsen niwenhniawehetsherásen tánon tsá꞉ta niwáhsen niháti ronhnón꞉kwe. Nonkweʼókons wahontsónnion tsioríwa ne Roiá꞉ner tsi naʼthatenonhianíton washakowéntho nonkweʼókons.