Numbers 30:2 - Ohiatonhseratokénti

² Nónen ne rónhkwe waʼharáratsʼte ne thènen ahontahá꞉wenh ne Roiá꞉ner khès ne waharihwanírate né knahótenk ahateweiénton, iáh kíʼ tehiówenk ne tahonsahá꞉hiake tsi nihorarátston, ók ónenk tsi enhateniénhten orihwakwékon thóh nenháiere tsi kíʼ nihá꞉wen.

Numbers 30:2 Iomraidhean Croise

Job Tánon ne Raoronhiakensera 22:27

Ní꞉se kwáh iensaterénhnaien raonhà꞉ke, tánon enhiathón꞉teʼne, tánon enshatienawástonhke tsi nisararátston tánon akwé꞉kon ensheseriwahserón꞉ni tsi nisariwahetkénton.

Psalms 116:14

Tsi nón꞉we nihiakokʼkenhníson ne rahonkwetaʼshón꞉has enthíhion tsi niwakararátston.

Psalms 116:18

Kwáh entkariá꞉ke tsi niʼíh꞉hiarahratstenhni ne Roiá꞉ner akohénton ne rahonkwetaʼshón꞉has,

Psalms 119:106

Kwáh iohrihwaníronh tsi wahkarahrátston tánon wakerihwaniráhton, kwáh kí enkatewénhnarahkwe ne saianerénhseras.

Psalms 15:3

Ne rawenhnáson iáh tewatátis ne karihwahét꞉ken í꞉ken. Khés nashakokarónhni nakóren, khés nashakonikonrakaréwate ne tehononsanéken.

Psalms 22:25

Kwáh thóh tsi nihiakotiokowánen iakoterénhnaien tenkonhnonweráton tsi nisatieráhnion; raotihénton ne iesahsénhnaiens kwáh entʼthíhion ne Rawenni꞉io ne khehiatéskonte ne kattsénenhs.

Psalms 50:14

Ítstats ne Rawenni꞉io ne kariwiʼioseokónhas ne tehionhtenonweratónhkwa, tánon thá꞉tion ne Roshaststenhserowanenkówa akwékon tsi nisararátston.

Psalms 55:20

Né tiontsatenhró꞉honʼne iasakotsatónhti ne ronténros; wathaiáke tsi nihoraratsthánion.

Psalms 56:12

Ó Sewenní꞉io, kwáh thóh nénhtsere tsi kíʼ niwakarahrátston; Kwáh ent kónhion tsi ientʼkát꞉kaʼwe nakenonweratónhtsera.

Psalms 76:11

Tátion ne Roiá꞉ner Rawenni꞉io tsi nahó꞉ten tsiarahratsténhni; iatsawí꞉ten natathawí꞉tsheras, ne ákta ratinakeréhnion nonkweshón꞉has. Né Rawenni꞉io sakahonniénhnis nonkweshón꞉has nahonwatsánike;

Exodus 20:7

“Tó꞉sa énsatsthe naksénhna ne kariwahétken ahoriwàke, asèken Í꞉i, ne Watiá꞉ner Sewaní꞉io, kwáh enkheréwaʼthe nónhka enhiesenhnaiésaʼthe naksénna.

Proverbs 20:25

Seʼnikón꞉rarak tsi nahò꞉ten enhsanonhtónnionhwe ohén꞉ton nenhtshaʼrharátsten naontahtsion ne Rawenni꞉io. Tókaʼ nón꞉wa ensehsatateriʼwáhsten ohnaʼkèn꞉kha.

Leviticus 5:4

Tó꞉ka enserihwaníraʼte iáh tieshanikonhraientáʼhon, iáh tewatsʼterístha nahó꞉ten akénhake, shaʼníkonhʼkiʼ kwáh tsi niʼiostó꞉re ensátʼtoʼke tsi nashá꞉tieʼre.

Nahum 1:15

Satkátho! Thóh tsi ionnontáhronhnions ne ne ratsitákes tsi niká꞉ien ne raónha thá꞉has ne karí꞉wiios, raónha ratró꞉ris ne skén꞉nen í꞉ken! Sateʼnikonhró꞉ri tsi nisakhwáhere, O Judah, iatesót꞉ten tsi nisararátston, asè꞉ken iáh shé꞉kon ne kwáh rotiriwanéren nahonsaiesanénhrenhte; ne ronónha kwáh ne í꞉ken tsi ronwatiiátʼse.

Numbers 21:2

Ethòne kíʼ Israerʼró꞉nons wahonwaraʼrátsten ne Roiá꞉ner: “Tó꞉ka enskwaríhon nahiakhisénhni kí꞉ken onhkweshón꞉ʼas, kwáh iáh othènen thatakenínerenke tsi sonháke nónhwe nenhiakihiatatéristhe tánon ne rahotinatowánens tánon kwáh enhiakhihiáthonte.”

Numbers 30:10

Tó꞉ka ne ioniákon enwaráratsʼte khès né knahótenk ahonteweʼiénton,

Numbers 32:24

Káti sehwatenatonhníhon tánon ientsihiatenhenrónhnien ne sewatʼtshenenhókons teiotinakaronhtónʼa, ók tó꞉ki nasehwáier tsi nisehwararátston!”

Matthew 23:16

Seȣententasere ise ne teieronȣekon ietsiiasarine! Seȣatons enʼsʼ: iah othenon tekariȣa nʼononsatokenti aieriȣanirastte; kenh kaien enhiakonontannhake nenhieriȣanirastste tsiniiostston noȣistanoron.

Matthew 23:18

Oni Seȣatons enʼsʼ ȣahiken; onkakiok enhariȣanirastste tsi Iotsienharakȣa, iah othenon teiotieren; kenh kaien kariȣa naieriȣanirastste tsinahoten kaere.

Acts 23:12

Nóia sahiórenʼne ótiakes ne Sitaeró꞉nons wahontʼkennísa tánon nahontenikonrónni. Kwáh wahonráraste tsi iáh thènen tathahonskáʼon iáh ó꞉ni tahatinikíra tsi nío꞉re ienhonwanonwariákʼkon ne Kór.

Acts 23:14

Ehʼthóhʼne ratsihenstowánenke tánon ne rotikstenhokónhas niahónne wahonníron, “Kwáh ioriwaníron tsi skátʼne ionkwatathararasténni tsi iáh thènen taiákwaʼke tsi nió꞉re iensakwanonwariakʼkon ne Kór.

Acts 23:21

Nók tóhsa seiatahónsatat, tsioríhwa tsi isinónwe ne kaiéri-niwásen niháti enhonatasétonke ó꞉ni enhonwaráreke. Ronahrahráston tsi iáh tathahonskaʼon iáh ó꞉ni tahathinikira tsi nióre ienhonwanonwariákʼkon. Ónen ronatateweiennentáʼon tánon rothiráre niaʼtahisariwaiéntase.”

2 Corinthians 1:23

Rawenni꞉io se wahakerihwahnirátshe watháktaste tsi iáh thiewaké꞉non ne Corinth, né꞉ne tóhsa sótsi akwateʼniakatstháhse.

Judges 11:11

Sók kíʼ ne Jephthah sahónhne ne sakotihéntenhse ne Gileadró꞉nons, tánon rahónha wahonwakorasthe ó꞉ni nashakohéntenhse ne ratishó꞉tar. Ne Mizpah nónhwe rahohénton ne Roiá꞉ner, ne Jephthah thontahatnanétha tsi nishakoró꞉ri ne ohénton iehonhnéton.

Judges 11:39

Shiaʼkáhewe ne tewenhníthake ronhwaniné꞉ha sahiónhwe. Thóh kíʼ nahá꞉iere tsi kíʼ nihoraratsthéni ne Roiá꞉ner, tánon tsi wahahé꞉heie á꞉re khók tehiakoniákonkwe. Ne ki aoriwà꞉ke thóh nikarihoténhne Israeronónhke