Numbers 3:12 - Ohiatonhseratokénti

^12-13 “Né Levites ónenh kíʼ Í꞉i akonhkwéta wahónton. Nó꞉nen shaʼkhenonhwariákonh ratiʼkwékon ne tahontiérenhte wahonhnákerate ne Egyptró꞉nons, wahiʼhiatatoʼkéntiste tsi shí꞉ken ní꞉ioht ne kwáh Í꞉i riʼiénha íken né thakowánen ne skawatsiʼráʼtshons enhotiʼwiraiénhtaʼne NʼIsraerʼró꞉nons kawátsires tánon nenhtewatiérenhte enhonnákerate ne katshénens. Nónhwa, khèʼkok nenhtewatiérenhte enhotiwiraiénthaʼne NʼIsraerʼró꞉nons tsi ní꞉ioht Ní꞉i riʼiénha akénhake, Levites kíʼ khehiaʼtienawáston; roʼnónha kíʼ nakonhkwetaʼshón꞉ʼas enhónton. Í꞉i ne Watiá꞉ner.”

Numbers 3:12 Iomraidhean Croise

Exodus 13:2

“Ieʼtsihiathonʼnahéras ratikwékon ne thonahtierénton roʼnahnakeráton roʼtiskenrakète nakonhàke, asèken ne toʼnahtierenton roʼnahnakeráton ne roʼtiskenrakète ne lsareró꞉nons ó꞉ni ne toʼnahtierénton roʼnahnakeráton ne ratísinn konhtitshénens Í꞉i aká꞉wenk.”

Numbers 18:6

Kwáh Í꞉i khehiatarákwen ne sewatátenons ne Levites tsi skát꞉ke ratinákeres NʼIsraerʼró꞉nons tsi watsionhkwéton níse. Kwáh íken tsi rotirihwatóken tsi nòkwah Ní꞉i, né káti nahónton nahotiʼhióten tsi nihotiʼhiotenhserótens natohserákon.

Numbers 3:11

Né Roiá꞉ner wahawénhase ne Mahís,

Numbers 3:45

“Ó꞉nen sehiatatérist ne Levites tsi Í꞉i akonhkwetaʼshón꞉ás í꞉ken tsi ní꞉ioht ne thoʼnatierénton ne Israerʼró꞉nons rahotiʼnekenteronhtsheraʼsónhas, tánon sehiataʼtériste ne Levites rahotiʼtshenenhókons né꞉ne tahonsahonwatiʼnakthákwen ne thoʼnatierénhton roʼnanakeráton ne Israerʼró꞉nons rahotiʼtshenenhó꞉kons.

Numbers 8:14

Kèn ní꞉ioht tsi tesheʼkháshion ne Levites tsi nòkwah ne ronátsiaʼkes NʼIsraerʼró꞉nons, ne káti nahónton ne kwáh Í꞉i akonhkwetaʼshón꞉ʼas ahónton.

Numbers 8:16

Kwáh roʼnónha khehiataráhkwen tsi ní꞉ioht ne thóh natierénhton ronahnakeráton ne Nisraerʼró꞉nons rahotiʼnekenhteronhtserasónhas, tánon kíʼ kwáh akonhá꞉a khók akonhkwetashón꞉ʼas íken.

Numbers 8:18

Ónenh kíʼ Levites shaʼkathonkwetaráko tsi ní꞉ioht ne thóh natierénhton ronanakeráton NʼIsraerʼró꞉nons,