Numbers 28:2 - Ohiatonhseratokénti

² nasakorihónhnien NʼIsraerʼró꞉nons nahonthahonwawísehke ne Rawenni꞉io kwáh wató꞉ken tsi nenhkaháwiʼke né꞉ne kákhwa tó꞉kens iahióntkaʼwe né rawerientiʼiostákwah.

Numbers 28:2 Iomraidhean Croise

Genesis 8:21

Tánon nó꞉nen ne Roiá꞉ner shahoienʼkwaráhsho tsi naʼtewenserateníhonhs tsi niwenhserá꞉kon, ne Roiá꞉ner, raonhá꞉ke khók tsi wahén꞉ron, “Kwáh iáh nonwén꞉ton shé꞉kon thaonsakatkón꞉ten nonhwentsà꞉ke ne nonkwehshón꞉ʼa akorihwá꞉ke, asèkenh tsi nikarihwáksen tsi nihonnonhtónnions ne raonerià꞉ne kwáh kenʼk nentiakó꞉ionke; Iáh ó꞉ni shé꞉kon nonwén꞉ton thaonsakheiáhtonʼte ne ronnonhnhénions, tsi nón꞉wa ná꞉tiere.

1 Chronicles 23:31

tánon nó꞉nen né thonwawíhon ne Roiá꞉ner nahontsahathá꞉nionhke nawenhtatokentíkes, Noráhkwahse tsi natehiontenonweráhtons, tánon noiásons nahoténsons né tehiontenonwerahtónkwas. Kaianerenhseríhson watróris tsi niháti ne Leviró꞉nons ronhwatiríhonte nahotiʼióten kí꞉ken kahioténhsera nó꞉nen ienkáheʼwe. Né Leviró꞉nons né ronhwatiríhonte ne tahatirihwásniehne né tiotkonhónwe tsi ahonwasenhnaiénsehke ne Roiá꞉ner.

2 Chronicles 23:18

Né Jehoiada washakorihontónhnion ne rahtitsihénstatsis tánon ne Leviró꞉nons nahotihiótenh ne kahioténhseras Nononsatokentiʼkówaʼne. Né enhonterihwatstériste né kahioténhseras tsi ki nisakoríhonhte ne Ronnontí꞉iokwe Táwit tánon nahonteskónt꞉taʼke tsi ahonwátatʼtse ne Roiá꞉ner né enhatísehre tsi nikaianerenhseró꞉ten ne Mahís thesakówi. Né ó꞉ni ronateríhonte tsi nòkwah ne karenhnasónhas o꞉ni naʼtenikonhrorhiátsheras.

2 Chronicles 31:3

Né꞉ne kwáh rahónha raoʼtshenenókons ne ronnontí꞉io tashakoiésten nahonteskónhtakwe noronhkeʼnéha ó꞉ni nokarasnéha nikahá꞉wis, tánon ó꞉ni né tkaiestánions nawenhtathokentíkes aorihwákes, tánon ó꞉ni norá꞉kwaʼse tsi nenhkatʼkhwarahke, tánon noiásons tsi nenhatikhwáren tsi kí nikarihwanónhtons ne Roiá꞉ner raoʼianerenhserákon.

Ezra 3:2

tánon ne Joshua né roʼní꞉ha né꞉ne Jehozadak, né꞉ne skátke ronaterihón꞉te tsi tenitsihénsthatsi, tánon ne Zerubbabel ne roʼní꞉ha né꞉ne Shealtiel, ratikwé꞉kon ne ronhthatenónkwes, sahonhnón꞉ni ne ratsienharáhkwa ne Sakoní꞉io ne Israerró꞉nonke, ne káti nahónton é꞉tho ahonsahonteskónhten tsi entsohianénhawe tsi nikahiá꞉ton ne Mahís rahohianerenhserá꞉kon, ne Rawenni꞉io rahonkwè꞉ta í꞉ken.

Ezra 3:3

Iawerohátien; ne sóhti ne ronanahkerá꞉kwenhne tsi sakothitsá꞉niskwe ne thóh nón꞉we nihiohontsá꞉ien nihatinákereʼkwe, sahonhón꞉ni ne ietsienharáhkwa tsi ki nón꞉we nikahióthakwe ne orihwaká꞉ion. Ethò꞉ne ki thontahontháhsawen sahonteskónhten tsi nihiorenhnahón꞉ne noronhkeʼné꞉ha ó꞉ni noʼkarasné꞉ha nikahá꞉wi.

Nehemiah 10:34

Tánon ohontsá꞉kes wahonkwahnenhiontseshé꞉ronʼs ne kanenhiatokenhatonʼs né꞉ne tsi nón꞉we nihón꞉nes ne ratiʼtsihénstatsis, ne Levites tánon nonkweʼokón꞉ʼs tsi ahontakaiestonhke nó꞉ièn꞉tes, tsi iakahiontón꞉ke ne raononskon nonkwah Ní꞉io, ó꞉ni tsi rotinónshote nonkwahní꞉seras, ne tsi nenhkarakwénhke ne iatehiosehrákes, ne nahontekatón꞉ke ne ratienharáhkwake ne Roiá꞉ner onkwáh Ní꞉io, tsi kiʼnikahiá꞉ton ne kaianerenhserá꞉kon.

Psalms 81:3

Sewaʼhonráwat nó꞉nen enskarakwáraʼne, nó꞉nen ieiorakwaieríhon, né tsi nitewaʼtenikonhró꞉ris.

Exodus 23:15

Tsi niwenhnítes ne Abib, né wenhnitarákwe shaʼthontesewahiáʼkenhne ne Egypt, sewatenikonhró꞉ri ne katkhwáhere ne iáh tewatʼthenkwáhton kanátaro né꞉ne tsi ní꞉ioht tsi kwanháhon. Tó꞉sa othènen sewanáhtarak ne takaiéstonke ne iontʼtenkwáhtha tsi nikaríwes ne kí꞉ken tsáta nónhta kaʼkhwáhere. Tó꞉sa nonhwénhton tásehwe naskwasénhnaien ne iáh othènen tástsion.

Exodus 29:18

Ietsienharakwáhke rahiatakwékon sátʼtsahat ne teiotinakaronhtónʼa rátsinn né꞉ne ká꞉khwa ahoriwáhke tsi ienwakʼkhá꞉wen. Tsi natenwenhserathenihon kíʼ ken iewakʼtkáwen enwaʼkerientí꞉iosthe.

Ezekiel 16:19

Khonkhwanónhten—né꞉ne kwáh katʼthesehrí꞉io, iakeniewáh꞉tha kènhie, ó꞉ni notsinahkonhthakwáhne otsikhéta—ók né taséhion nahshatkonsehrahkhónhonste ne kahiathonhnisónhas.” Ne kíʼ tsi nahoténsons ne Ronhnontí꞉io Roiá꞉ner ratónhnions.

Ezekiel 20:41

Nónenh tetkwahiatínekenwe ne tsi kanakerahserahkéronhs tsi nonhwéson iateietʼtsiʼiareniáton tánon skátke sakwahiataró꞉rohke, kwáh entiéna ne sewariwiʼiosehokónhas ne sewatʼtsahathánion, tánon nonhkweshón꞉ʼa enhontkáto tsi watiatatokénti.

Ezekiel 45:17

Kwáh raónha roríwahien nahontahátʼkawe ne kontitshénenhs nakonhwanatsatátsahate ne tsekonhtihiathaʼkwékon, ne onátsias karóhronhs, tánon ne otsítsias ne kanekaró꞉ronhs né nonhkwetakwékon akoriwáhke Nisraeró꞉nonhke né꞉ne oráhkwahse tehiontenonhwerahthóntha, né Awenhthatokentíke, tánon noiásonhs tehiontenonhwerahthónkwa. Rahónʼa enhakwatháko ne kariwáhneren ahontkáwen, ne onátsia karó꞉ronhs, ne tewatkáwen ne konhtihiathaʼkwékon ahontsahathónhake, tánon ne sakaríhwa í꞉ken kharóron, nahéren akahawíton ne raotiriwanerahákʼtsheras Nisraeró꞉nonhs.”

Leviticus 1:13

Ónenk tsi ensenó꞉hare ne kahiathaʼkónsons ó꞉ni nonàken kashinakésons, tánon ne ratsihénsthatsi enhotátʼtse ne Roiá꞉ner nahonteskónhthake tánon akwékon enwatʼtsahatónhaʼke ne ietsienharákwahke. Ne tewenhseratheníhons ne tkaiéston kákhwa ne rawerientiʼióstha ne Roiá꞉ner.

Leviticus 1:17

Enhaiéna ne rahonerahónhtsas tánon enharáhtions ne rahoierónhta tsi tenhakháshion, iáh thaʼharáhtion ne rahowèhia, tánon ethóhʼne rahiathaʼkwékon tsi enhátʼtsahathe ne ietsienharáhkwahke. Ne tsi tewenhseratheníhons ne rawenhrientiʼióstha ne Roiá꞉ner.

Leviticus 1:9

Ónenk tsi ensehnó꞉hare ne kahiathaʼkónsons tánon ne onàken kashinaʼkésons, tánon ne roʼterihwatsʼteríston ratsihénsthatsi kahiathakwékon tsi enhateskónhten ne ietsienharákwahke. Tsi tewenhserateʼníhons kí꞉ken kákhwa ne tkaiéston né rawerientiʼióstha ne Roiá꞉ner.

Leviticus 21:6

Ónenk tsi enhohiathatokenhtíhake tánon iáh tehiówenk nahatsenhnátsaʼte. Ne Ká꞉khwa rakthátis, tánon káti ónenk tsi enhohiatatokenhtíke.

Leviticus 21:8

Nonhkweshón꞉as ónenk tsi thóh ní꞉ioht tsi enhonwananonhthónhnionʼse ne ratitsihénstatsis tsi rotihiathatokénti íken, tsioríhwa tsi rahónha rakʼthátis ne ká꞉khwa. Í꞉i ne Watiá꞉ner; Watiathatokénti tánon Í꞉i kheʼhionhniénhnis naʼkonhkwetaʼshón꞉as nahononhkwetathokenhtíke.

Leviticus 3:11

Ne roteriwatsteríston ne ratsihénsthaʼtsi akwékon kíʼ enhátʼtsahathe ne ietsienharákwahke né꞉ne ká꞉khwa iotenathónkwenh tsi ronhwatáti ne Roiá꞉ner.

Malachi 1:12

Ók í꞉se iáh tesewakweniènhston tsi wesewén꞉ron ne Roiá꞉ner raotekhwá꞉ra tánon ne kahikshón꞉ʼa tsi tekenʼtsónhston; iaʼkaníhane ne kákhwa iáh tekakweniènhston.

Malachi 1:7

Ne tsi iahesewá꞉ren ne teiokhwáʼtson ne tsi ktsenhahráhkhwa. Tánon sewá꞉ton, “Oh ní꞉ioht tsi teionkwenʼtsónhston?” Ne tsi sewanonhtónnions nétho Roiá꞉ner raotekhwahráhne aón꞉ton naiontkèn꞉raʼte.

Numbers 15:24

Ók tó꞉ka tewaterientawenhriéhon tsioríhwa ne iená꞉kere tsi iáh teierihwaientérihkwe, ónenk kíʼ tsi teró ienhonwát꞉kawe nahonwateskónhten, né ahónsehra né rawehrientiʼióstha ne Roiá꞉ner, né꞉ne tkarihwaiéri nonátsia iewatkáwen ó꞉ni nonenharatasehontsherákeri iewatʼkáwen. Né꞉ne iehiowénhte íken, ónenk tsi kaiatákeras rátsinn ienhonwát꞉kawe né꞉ne karihwáneren aorihwáke.

Numbers 15:3

Né꞉ne teró, teiotinakaronhtónʼa rátsinn, teiotinakaronhtónʼa, khès ne kaiatákeras enwá꞉ton nahónhion ne Roiá꞉ner nahonwanateskónhten khès né꞉ne karihwiʼiosehokónhas ahorihwáke tsi akanánonhke ne wararáts꞉ton khès né꞉ne tsi kwáh ehʼnihiakonikonhró꞉ten tsi iahóntkaʼwe khès né꞉ne ahontakaiéstonhke ne iorihwató꞉ken karihwiʼiostónhtshera tsi nisehwakhwahéra; ne ahonséhra kí꞉ken káhkhwas né rawenhrenhtiʼióstha ne Roiá꞉ner.

Numbers 15:7

skát꞉ke ne áhsen nikatshétake ne onenharatasehontsherákeri. Né tewenhserateníhons né rawerientiʼióstha ne Roiá꞉ner.

Numbers 28:1

Ne Roiá꞉ner wahorihónten ne Mahís

Numbers 29:39

Né kí꞉ken tsi nikaianerenhseró꞉tens tsi ní꞉ioht nahionteskónhten, nonátsias aorihwáke, nonenharatasehontserákeri aorihwáke, tánon ne skaríhwa aorihwáke íken thóh nenhsewáiere rahohénton ne Roiá꞉ner tsi nisewenhnisehraʼráhkwen tsi nisewatenikonhró꞉ris. Né kí꞉ken ne iehiowenhté꞉nions tsi entisehwá꞉iestʼte nienhsewát꞉kawe nakanánonhke tsi nisewararátston khès né kwáh ètho nisehwanikonhró꞉ten tsi tisehwaiéstʼton.

Numbers 9:13

Ók tó꞉ka ónhkak tsi nítsion ne shiʼhiorihwakáion satesehwahiatátsion tánon iáh kaʼnèka tshieʼsehwénon tánon iáh tesewenhtanorónstha ne èhneken watohetstáhkwa, iáh kí ónenh né tahonseʼsewatenaʼtónkwen Í꞉i akonhkwetashón꞉ʼas akènhake, tsioríhwa tsi iáh othènen teteskwáhwi ne shiaʼkáhewe. Ónenk kíʼ tsi ensewaronhiáken tsi nienhiáwenhne ne sewarihwaneraháktsheras aorihwáke.

Numbers 9:7

tánon wahonníron, “Iáh tehionkwatʼkwéniens tsioríhwa tsi kenʼniehionhkwaiéren nawenhehiónhtha, ók onhkáti nènhne nahó꞉ten aoríhwa tsi iáh thaʼhónton nahiakhiʼhiatiatáraʼse ne ronátiakes NʼIsraerʼró꞉nons ne thènen iahionhkwáʼienhke rahohénton ne Roiá꞉ner?”

2 Corinthians 2:15

Asèken tho nitewaiaʼtò꞉ten tsi ní꞉ioht ne kwáh tewenserákon ne teshonkwahwi Kerístos rahonhà꞉ke ne Ni꞉io, tsitenwaré꞉ni tsi í꞉iens ne onkweʼshón꞉ʼa, ne ne tsi niká꞉ien ne tiakotatrewaton tánon tsi niká꞉ien ne iakoniatatonʼon.

Ephesians 5:2

Tsi sónnhe ónenk tsi kanoronkwátshera entioniarótarohke, kwáh tsi nisonkwanoronkwáʼon ne Kerístos ó꞉ni tesonkwáwi tsi rónnhe tsi síken ní꞉ioht ne kwáh tehiotsikhétare tsi niwenserákon tánon ó꞉ni tahionréniaʼte tsi nitánonwes ne Rawenni꞉io.

Philippians 4:18

Kwá akwékon sewakatkarhiákʼse, ó꞉ni tsiníkon ioteiarónhon. Kwá íken tsi wakerientí꞉ios tsi nahoténsons waskwawíhon neh Epaphroditus thakawitén꞉ni. Neh teskaieróntare ne kwá teiohtsikhétare tsiniwenserákon ionthatáwis tóhka ó꞉ni ne kwá tkariwhaiéri ne hiontsenkwaronniathákwa ne rawehrienthiʼióstha ne Rawenni꞉io.