Numbers 24:16 - Ohiatonhseratokénti

¹⁶ Ónhka aiekwéni nahiakothóntene tsi nahó꞉ten rathónhnions ne Rawenni꞉io Tánon nahieiéna natohkhátshera tsi nitewé꞉tha ne kwáh éhneken nónhwe. Tiatewaʼtkarotáhon atetʼtshenhserákon Thiʼhiothasátare tsi ríhkens ne Roshatstenserowánen Rawenni꞉io.

Numbers 24:16 Iomraidhean Croise

Genesis 14:18

Tánon ne Melchizedek né ronnontí꞉io í꞉ken ne Salem tahanaʼtarénhawe tánon otsí꞉tsa tahanekénhawe; ráonha ne ratsihènhstatsi kén꞉ne, ráonha roiotʼénhse ne Rawenni꞉io ne Kwáh É꞉neken Thótte.

Genesis 17:1

Ne nó꞉nen ne Abram tióhton niwáhsen tánon tióh-ton shaʼtehaohseriiá꞉kon, ne Roiá꞉ner wahototáhshien ne Abram tánon wahawènhahse, “I꞉i ne Ní꞉io wakeʼshaststenhserowá꞉nen; takewèn꞉narahk tánon kwáh tóhsa ohthé꞉non iesarihwatshènriaʼs.

Numbers 24:15

Ethòne wahatróriathe kí꞉ken iekarihwáken: “Ne raoterihwanotátshera ne Balaam né roʼní꞉ha né꞉ne Beor, Né꞉ne rahowenhnahókons ne rónhkwe ne rakwénhnies nahatkátho ne wé꞉ne íken

Numbers 24:17

Katkáthos tsi niahawenonhátie, Tánon khékens ne rahotitiókwa ne Israerʼró꞉nons. Ne ronhnonhtíio, kwáh tsi ní꞉ioht ne tehiotsistokwaswát꞉the, tsi entewatkétsko nètho kentiókwahien. Kwáh tsi ní꞉ioht ne katsisthokowánen Israerʼró꞉nonke nénhtewe. Enshakóienhte ne sakotihenténhse ne Moab Tánon enshakononhwenhserário ratikwékon nonhkweshón꞉ʼas ne Seth nónhwe.

Numbers 24:3

tánon waharóri kí꞉ken iekarihwáken: “Ne raoterihwanotátsheras ne Balaam né roʼní꞉ha ne Beor, Né꞉ne raowenhnahó꞉kons ne rónhkwe ne rakwénies nahatkhátho ne wé꞉ne,

Numbers 24:4

Né rakwénies nahothóntene tsi nahoténsons ne Rawenni꞉io ratónhnions. Né tshiatewatkharotáhons atetʼtshenhserákon tsi wakatkátho Honhkatashatáhrase ne Roshatstenserowánen Rawenni꞉io.

1 Corinthians 13:2

Tó꞉ka ó꞉ni ahionkáwiʼke nakʼkweniésehke akaterihwahnót꞉take; akʼkhá꞉wahke akwékon natokhátshera ó꞉ni ahonkenikonrahientásehke ne ioterihwahséhtons; ahontiéntahke ne tewetákwen tsi nahteiotonwenhtióhon nahʼiorhiá꞉neron tsi ionontarónnions—ók tóhka iáh tewáhtien ne kanoronkwátshera, kwáh kíʼ iáh thènen thekástha nakonháke.

1 Corinthians 8:1

Nónwa, takeriwahseráko tsi nahóten sewahiáton tsi nòkwa ne kákhwa ne ronwahtinóntens ne kahiatónʼnis. Tóh꞉kenske, kíʼ-ó꞉ni, nètho “tewahkwékon ionkwáien natʼthokhátshera,” tsi nihónton. Nètho atʼthokhátshera, ne káti, iakoweráhtahas nónkwe nahiontatonní꞉ne; ónk kanoronkwáhtshera ne iakokétskwas.