Numbers 24:13 - Ohiatonhseratokénti

¹³ shé꞉kon nahontáskon akwékon ne kawistarákens ó꞉ni nowistanórons ne sanonhtiʼiotsherákon nónhwe nikáien, iáh kíʼ takʼkwéni nahiwenhnónhti tsi nihorihwatáton ne Roiá꞉ner nakonháhak khók iathahonkerihwaiéntase. Nék khók enhkíron tsi kíʼ nahó꞉ten ne Roiá꞉ner enhatróri nakíron.”

Numbers 24:13 Iomraidhean Croise

1 Kings 13:8

Né rotó꞉kense watharihwasehráko, “Iekaníhaʼre nahontásʼkon asénhnon tsi nisatʼtsokowátsera, iáh kíʼ tahonséhteʼne khés nákeʼke khés nakʼnekíra skát꞉ke ní꞉se.

1 Kings 22:14

Ók ne Micaiah watharihwaseráko, “Tsi nironhnheʼhónwe ne Roiá꞉ner waʼkararátsthe tsi né enkíron tsi nahó꞉ten enhá꞉rori nakíron!”

Numbers 16:28

Ne Mahís washaʼkawénhase nonhkweshón꞉ʼas, “Thóh kí꞉ken ní꞉ioht tsi ensewató꞉kenhse nètho Roiá꞉ner tsi thakateʼniéton nahontióten orihwakwékons kíʼ nahorihoténsons tánon tsi iáh í꞉i tewakatenikónhra tsi thóh nátiere.

Numbers 22:18

Ók ne Balaam tsi watharihwasehráko, “Shé꞉kon ne Balak naʼonthahákon akwékon tsi níkonh káien ne kawistarákens ó꞉ni nowistanórons ne tsi ronhnontiʼioseráien nónhwe nikáien, iáh takʼkwéni nahiwenhnónhti ne rahorihwatáʼtsheras ne Roiá꞉ner Akení꞉io shé꞉kon ne kwáh kèn niatetsorihwáha akénhake.

Numbers 22:20

Ne tsi niwashónhtes ne Rawenni꞉io wahohiatórenhne ne Balaam tánon wahénron, “Tó꞉ka kíʼ kén ronhnónh꞉kwe thonénon nahiesarihwanónhtonhse nahisehwatenró꞉senh, satateweienénhta tánon iahá꞉se, ók nék khók thóh nátier tsi nahó꞉ten enkonhró꞉ri.”

Numbers 22:8

Ne Balaam washakawénhase, “Kénʼen sewasonhtí꞉iak, tánon enhiórenhne enkwahró꞉ri kwáh tsi nahó꞉ten ne Roiá꞉ner enhakró꞉ri.” Káti ne Moabró꞉nons sakotihenténhse skát꞉ke wahonsonhtíhiake ne Balaam.