Numbers 24:1 - Ohiatonhseratokénti

¹ Kí ó꞉nen ne Balaam roteriéntare nètho Roiá꞉ner tsi tehothonwenhtsóni nashakohiatatériste nonhkweshón꞉ʼas NÍsraerʼró꞉nonhke, káti iáh tshiehawé꞉non naréshake ne iótkons, tsi nihoiéren ne tsiotierénton. Iahonwentsatʼthénhke nòkwah niahatiérate

Numbers 24:1 Iomraidhean Croise

Numbers 22:13

Tsi wahó꞉renhne ne Balaam thóh niahá꞉re tsi thónhnes ne Balak rahonkwetaʼshón꞉as ratirihwakarénies tánon wahénron, “Wáhs shasewaténhti; ne Roiá꞉ner iáh tehothontáton nahitewatenhró꞉sen.”

Numbers 22:7

Sók kíʼ ne sakotihenténhse ne Moabró꞉nons ó꞉ni ne Midianró꞉nons iahatíhawe nahathikáriakʼte ne karewatátshera, tsi thénhteron ne Balaam niahónhne, tánon thahónhion ne Balak roterihwanietonhátie.

Numbers 23:15

Ne Balaam wahawénhase ne Balak, “Kénʼen téstann ákta tsi satéskonhte, tánon ahéren ítken thóh nónhwe natenhiatiaʼtátken ne Rawenni꞉io.”

Numbers 23:20

Hionkenáhon natiatatéristhe, Tánon nó꞉nen ne Rawenni꞉io enhahiatatéristhe, iáh thakʼkwéni ne tahontakákʼthate.

Numbers 23:23

Iáh othènen ne iótkon akénhake, iáh thahóten tekáien natenhennaráhtshera akénhake, Né꞉ne ahónsthonke tsi ratiʼtiókwahien Isarerʼró꞉nons Nónhwa tsi nenhiaiéron nonhkweshón꞉ʼas tsi nòkwah Israerʼró꞉nons, ‘Sewatʼkátho tsi nihoiéren ne Rawenni꞉io!’

Numbers 23:28

Káti iahohiaténhawe ne Balaam onontoharáke ne Peor iahonwentsaʼthènke nokwáhti niehiotieráton.

Numbers 23:3

Ethòne ne Balaam wahawénhase ne Balak, “Kénʼen téstann ákta ne tsi satéskonhte, tsi nikaríhwes enkatʼkenhséra tó꞉ka kén ne Roiá꞉ner tenhiatiaʼtátken khès ne iáh.” Káti rahonháhak khók iahanonhtárane,

Numbers 23:30

Ne Balak thóh kíʼ naháiere tsi nahonwaró꞉ri, tánon iasakohiatarónhnion ne teró ó꞉ni ne teiotinakaronhtónʼa ratítsinn ne skát꞉tshons ne ietsienharakwáhke.

Numbers 31:16

Sewé꞉hiare ken tsi tsionatʼthonwísen onhnón꞉ha konhtísehrene ne Balaam rahorihonhnienhnítsheras tánon né Peor nónhwe wahakotihenténhse nonhkweshón꞉ás ne iáh thahiakorihwatokénhake rahonháke ne Roiá꞉ner. Né kíʼ aoríhwa thakáhawe ne kannrhaʼtarihnétsera rononháke ne Roiá꞉ner rahonkwetashón꞉ʼs.

Revelation 2:14

Ók thó꞉kara niiorì꞉wake tsi konhiát꞉konte: ní꞉se otià꞉kes ne nón꞉we ne ronatienawáston ne raorionhnienhní꞉tshera Balaam, raónha rorihonhnién꞉ni ne Balak tsi ní꞉iot tsi ashakoterístaièʼn nonkwehó꞉kons Nisraeró꞉nonke, ne káti ne ahón꞉neke ne kákhwa né꞉ne konwateskontá꞉ni kaiatonhniʼshón꞉as tánon ne ahonteriwathéntiaʼte ne kanakwaiesá꞉tshera.

1 Samuel 24:20

Ó꞉nenh kiʼ onkateriéntarane ní꞉se kwáh oriwiʼiohónwe tsi ensatenontí꞉ioste, tánon nètho tsi kanakeraseráien ne Israerʼronónke kwáh í꞉se shatshanáke enshiatakwení꞉ioke.

1 Samuel 26:2

Káti ne Saul wahthá꞉tahne tánon thóh niahá꞉re tsi tiahonwenhtsatʼténhake ne Ziph, ne rónhne náhsen natewenhniawehettseráhsen niháti ne kaiatará꞉kwen ronhnón꞉kwe ne Israerʼronónke, ne nahonwahiatisákhe ne Táwit thóh iahonwenhtsaténhake ne Ziph nón꞉we.

1 Samuel 26:25

Ehʼthó꞉ne ne Saul wahawénhase ne Táwit, “Sahiatateristón꞉hak, konién꞉ha Táwit! Ní꞉se kwáh wé꞉so iorihwákes tsi nenhsátiere tánon kwáh ensahiá꞉nerase.” Káti ne Táwit wahatʼthahítha ne tsi iohá꞉te, tánon ne Saul tsi thohnón꞉shote neh nionsáreh.