Numbers 23:12 - Ohiatonhseratokénti

¹² Watharihwasehráko, “Tók tentkwéni nakíron tsi nahó꞉ten ne Roiá꞉ner enhakró꞉ri nakíron.”

Numbers 23:12 Iomraidhean Croise

Exodus 4:15

Enwáhton tahiʼsehniʼtháren tánon tsióri tsi nahó꞉ten ahénron. Kwáh tesehnitsaron enkeniʼiénahwaʼse nahiʼtsatáti, tánon kwáh tesehnitsáron enkeniró꞉ri tsi nahitsiátiere.

Proverbs 26:25

Tókaʼ nón꞉wa ioiánere tsi sathón꞉te, tóhsa kiʼ tatshéhtahk, ne tsi rawerià꞉ne titkáhere ne atswènhsera.

Numbers 22:20

Ne tsi niwashónhtes ne Rawenni꞉io wahohiatórenhne ne Balaam tánon wahénron, “Tó꞉ka kíʼ kén ronhnónh꞉kwe thonénon nahiesarihwanónhtonhse nahisehwatenró꞉senh, satateweienénhta tánon iahá꞉se, ók nék khók thóh nátier tsi nahó꞉ten enkonhró꞉ri.”

Numbers 22:38

Ne Balaam watharihwasehráko, “Tá꞉ke, iáh kén? Ók nónhwa, onhniʼkashatstensheró꞉ten wá꞉tsien? Ne khók entkwéni nakíron tsi nahó꞉ten ne Rawenni꞉io enhák꞉rori nakíron.”

Numbers 23:13

Ethòne ne Balak wahawénhase ne Balaam, “Káts ìtene nó꞉ia tsiokwénhrare né nónhwe nék khók ne Israerʼró꞉nons enshé꞉ken. Seréwat ne nónhwe nakerihwáke.”

Numbers 23:20

Hionkenáhon natiatatéristhe, Tánon nó꞉nen ne Rawenni꞉io enhahiatatéristhe, iáh thakʼkwéni ne tahontakákʼthate.

Numbers 23:26

Ne Balaam watharihwasehráko, “Iáh kén tekonhró꞉ri tsi ètho nènhtiere tsi kíʼ nenhakróri ne Roiá꞉ner?”

Numbers 23:3

Ethòne ne Balaam wahawénhase ne Balak, “Kénʼen téstann ákta ne tsi satéskonhte, tsi nikaríhwes enkatʼkenhséra tó꞉ka kén ne Roiá꞉ner tenhiatiaʼtátken khès ne iáh.” Káti rahonháhak khók iahanonhtárane,

Numbers 24:13

shé꞉kon nahontáskon akwékon ne kawistarákens ó꞉ni nowistanórons ne sanonhtiʼiotsherákon nónhwe nikáien, iáh kíʼ takʼkwéni nahiwenhnónhti tsi nihorihwatáton ne Roiá꞉ner nakonháhak khók iathahonkerihwaiéntase. Nék khók enhkíron tsi kíʼ nahó꞉ten ne Roiá꞉ner enhatróri nakíron.”

Romans 16:18

Asèken ónhka ne thóh niʼieweiennóten iáh kíʼ Kerístos sonkwaiáner tehonwahiótense, nók nek khók ronnonthónnions tsi nahóntiere ó꞉ni nahóten ahónneke. Kawenníʼios rónstha ó꞉ni tekarénsaron tsi ní꞉ioht tsi rontátis sakotinikonrahténnis ne tionkwetaiéris.

Titus 1:16

Rónton ronwahientéri ne Rawenni꞉io, nók tsi nihatiweiennóten ó꞉ia ní꞉ioht tsi watʼróris. Kwá ronaʼkenronhniáskon ó꞉ni iáh tehontewennarákwa, iáh tehathikwéniens ne thènen ioiánereh tsi nahontiéreh.