Numbers 22:6 - Ohiatonhseratokénti

⁶ Kwáh hionkhitiokwahkénhnion, káti asatʼthontá꞉tsheke tá꞉se tánon sehréwat nakerihwáke. Ethòne tó꞉ka nónhwa enwáton nahiakhisénhni tánon èhren ahonsahiakhiʼiatenháwite nonhtsionhontsáke. Waʼkateriénthare nónenh ensehrihó꞉wanate ne kahiatateríhtsera, nonhkweshón꞉ʼas tsi iakohiataʼterístha, tánon nónen ensehrihó꞉wanate ne karewatá꞉tshera, thóh kíʼ nónhwe nenhonatátere ne karewathatsherákon.”

Numbers 22:6 Iomraidhean Croise

Genesis 12:3

Enkheiaʼtaté꞉rihste, nónhka eniesaiaʼtaté꞉rihste, ók enkhehré꞉wahte nónhka aiesahré꞉wahteʼ; tánon sonhá꞉ke non néntewe ne tsi iehwatsiraién꞉ton nonkwehshón꞉ha naiakoiaʼtaté꞉rihsteʼ tsi ionhwentsáte.”

Genesis 27:29

Aiá꞉wens nonkwehshón꞉ʼa aiesaióʼtenhse, ó꞉ni nonhkwehshón꞉ʼa taiesatentshóthahse. Sheiatiaʼtakweʼní꞉ohst tsi nokwá ne sewatatekenʼokʼón꞉ʼa, tánon aiá꞉wenʼs né saʼnisténha akoioʼokón꞉ʼa taiesatentshóthahse. Ónhka akénhake naionhskanéksheke wahétken tsi naesaia꞉tawen eʼthó꞉ne kíʼ enhihré꞉wahte tánon rotiiaʼtaté꞉rihsts nónhka aiesaiaʼtaté꞉rihste!”

1 Kings 22:13

Tsi nikaríhwes, ne ronaterihóntons tsi niháti ne Micaiah ronhwenhnónkʼson, “Ratikwékon ne ronátsakes ne rotitó꞉kense iahatirihwáken tsi enhohianerásthen ne ronhnonhtí꞉io, tánon ioiánere nonhní꞉se thóh náshiere.”

1 Kings 22:6

Sók kíʼ ne Ahab iashakonónhkʼkon ne rotitó꞉kense, ká꞉nonh né kaiéri tewenhniáwe niháti, tánon washakorihwanónhthonhse, “Iakhehiatsatónhti onhtèken ne Ramoth, khés ne iáh?” “Iasheʼhiatsiathónhti,” wathatirihwaseráko. “Ne Roiá꞉ner énthion natesenhniétsera.”

1 Kings 22:8

Ahab watharihwaseráko, “Shé꞉kon saiáta rothathénron, né꞉ne Micaiah né꞉ne roʼníha ne Imlah. Ók kíʼ ríhsons nenhné꞉he tsioríhwa tsi iáh nonhwénton tsehorihwáken né thènen ahioianeréhake nakerihwáke; tiotʼkonhónwe knahótenk karihwahétken í꞉ken.” “Iáh tehiówenk né꞉ne ashí꞉ron!” ne Jehoshaphat watharihwaseráko.

Nehemiah 13:2

Ne ki aorí꞉wa tsi iáh tesakotinhataranónhten iáh ó꞉ni tesakotinekanónten ne ratitsataó꞉kons Nisraeró꞉nonʼs, ók ne wahonwanhane Balaam sashakoronhiákente; ók ne Ní꞉io né꞉ne tonsahakaraténiate ne karonhiakénhsera ne kaiathateríhtshera.

Psalms 109:28

Enhatikwéni nahiontʼkarónhni ók í꞉se kíʼ nenhsestiaʼthatérisʼte. Aiáwens ne ionhkeronhiakéntha ahonwaʼtisénhni; tánon aiáwens ní꞉i ne sanhátshera í꞉ken nakatʼtsenhnónhni.

Proverbs 26:2

Aiesakenhrenʼserón꞉ni iáh thaiesakaré꞉wahte tsik tókaʼ tesatèn꞉tshon. Tsi ní꞉ioht ne otsítenha kotitse tánon iáh thaʼtakontà꞉senhte.

Ezekiel 13:6

Ne rahonahtetʼtsénsehra kwáh iáh thó꞉kenske tèhken, tánon tsi iehatiriwáhkens kwáh ohnhówenh í꞉ken. Akénhake akateriwanhotátshera ronahteriwáhnhothe, ók iáh ki Í꞉i tiekhehiateniéton. Étho kíʼ sána rothiráhre ne rahothiwenhnasónhas norihwí꞉io ahónton!

Micah 6:5

O akonkweʼtashón꞉as, sasewehiáran ó꞉nen tsi nahó꞉ten ne Ronhnontí꞉io Balak ne Moab sakotenikonrá꞉wi, tsi nahó꞉ten ne Balaam ne roiénha ne Beor waʼthorihwaʼserá꞉kwahse, tánon tsi nitsawénhen ne Shittim tsi nió꞉re ne Gilgal, ne nahónton ahisewahterienʼtá꞉rahne ne iakonónstats rahoiaʼtaterí꞉tsheras ne Roiá꞉ner.”

Numbers 22:12

Ne Rawenni꞉io wahawénhase ne Balaam, “Tó꞉sa sewateró꞉sen, tánon tó꞉sa seréwat nonhkweshón꞉ás NÍsraerʼró꞉nonhke, tsioríhwa tsi roʼnónha natiathateríhtshera íken.”

Numbers 22:17

Kwáh íken tsi iókwats tsi ní꞉ioht tsi tenhkonhrihwasehrákwahse tánon thóh nénhtiere kwáh tsi nahó꞉ten enshí꞉ron. Tá꞉se káti tánon sehréwat kí꞉ken onhkweshón꞉á nakerihwáke.”

Numbers 23:13

Ethòne ne Balak wahawénhase ne Balaam, “Káts ìtene nó꞉ia tsiokwénhrare né nónhwe nék khók ne Israerʼró꞉nons enshé꞉ken. Seréwat ne nónhwe nakerihwáke.”

Numbers 23:27

Ne Balak wahénron, “Káts íteʼne, tánon ó꞉ia tsiokwénhrare nónhwe nienskonhiaténhawe. Tó꞉ka nónhwa ne Rawenni꞉io enhathónthate né nónhwe naseréwathe nakerihwáke.”

Numbers 24:9

Ne rahotiʼtiókwah kwáh né꞉ne rashátste kénreks; Né nónen rótas, iáh ónhka tháʼienre nahonwáiete. Ónhka akénhake nahonwatiʼhiatatériste Israerʼró꞉nons kwáh kíʼ entionhtatiatatéristhe, Tánon ónhka nenhonwatihiésate enhtionhtatiésate kíʼ.”

Acts 16:16

Énskat weniserátekwe tsi niahonkweʼnonhátiene tsi tionterennaientákwa, wahonkhinontérane nitiakohión꞉a nehne ienáskwa ótkon iakotsiénni neh kakwénieskwe ne iaieriwáken. Kawistowánen ronwaʼwistonnienníhakwe ne sakotiatakweniʼióstonne neh tsi hiontʼhiathonseratʼkenséhakwe.

Deuteronomy 23:4

Iáh tehonaʼthontáton nahieʼtsikwahnonhténhtke ó꞉ni naieʼtsinekanonhténhke ne tsi nathontésewe ne Egypt, tánon ne wahonwánhane ne Balaam roiénha Beor, né꞉ne tsik kaná꞉taien ne Pethor né꞉ne Mesopotamia nón꞉we, ne naieʼtsihiatkónhten.

Joshua 24:9

Ethòne ne ronhnonhtí꞉io ne Moab nónhwe, né꞉ne Balak né roiénha ne Zippor, thá꞉tsisehwatsiathonti. Iahó꞉terihwanieten ne rotó꞉kenhse Balaam né꞉ne roiénha ne Beor tánon wahó꞉rihwanonhthonse natsisehwarewathe.

1 Samuel 17:43

Ne Philistiaró꞉non wahawenhá꞉se ne Táwit, “Érhar ken natiatóten, nètho ní꞉se tsi tá꞉se nakonháke kwáh tashenienháwi?” Tánon ne Philistiaró꞉non tsi nahokenrenhserónhni ne Táwit thóh raotisenhná꞉kons ne Philistiaró꞉non raoniʼioʼókons.