Numbers 21:7 - Ohiatonhseratokénti

⁷ Nonhkweshón꞉ʼas Mahís tsítres niahá꞉en tánon wahonníron, “Wahakwahrihwánerake nónenh sahakwarihwakáthate tsi nòkwah ne Roiá꞉ner ó꞉ni tsi nókwah níse. Ónen kíʼ ionhkwahterénhnaien rahonháke ne Roiá꞉ner néhren ahonsashakohiatenháwite kí꞉ken óniares.” Sók kíʼ ne Mahís washakoterenhnaiénhase nonhkweshón꞉ás.

Numbers 21:7 Iomraidhean Croise

Genesis 20:17

Eʼthó꞉ne ne Abraham Rawenniió꞉ke iahaterén꞉naien; tánon ne Rawenni꞉io sahótsenʼte ne Abimelech, tánon ó꞉ni sahátsenʼte ne ró꞉ne tánon ne tsonathonwí꞉senʼs ne ráonha shakonahskón꞉niʼskwe né naón꞉ton naiotiwiraién꞉taʼne.

Genesis 20:7

Ó꞉nen ká꞉ti, ionsasató꞉ri né rón꞉kwe ró꞉ne; asèken rotokénhse nahaiaʼtó꞉ten, tánon ká꞉ti enhiaterennaién꞉hahse tánon kíʼ enhsónhnheke. Ók kíʼ tóka iáh tshiaonsahsató꞉ri, kwáh kíʼ saterién꞉tarak kwáh orihwiioʼón꞉we tsi enhsíheie, ní꞉se tánon kwáh swatsirakwé꞉kon tsi ensewénheie.”

1 Kings 13:6

Ronhnonhtí꞉io Jeroboam wahawénhase ne rotó꞉kense, “Asatʼthontátʼtseke takwahterenhnaiénhas rahonháke ne Roiá꞉ner Saní꞉io, tánon tserihwanónhtons nahonsaháakétsienʼte ne kenenhtsáke!” Né rotó꞉kense rahonháke ne Roiá꞉ner iahaterénhnaien, tánon kíʼ ne ronhnonhtí꞉io ranenhtsáke sahaiewénhtaʼne.

2 Kings 13:4

Ethòne ne Jehoahaz iahaterénhnaien rahonháke ne Roiá꞉ner, tánon ne Roiá꞉ner, rokʼkhatonhátie tsi nihaniakátste ne ronnontí꞉io Syriaró꞉non tsi nisakoronhiakénton Nisraeʼró꞉nons, wathorihwaserákwahse ne raʼoterénhnaient.

Job Tánon ne Raoronhiakensera 42:10

Tánon ne Roiá꞉ner thón꞉tahótkawenhnionhase ne kahiá꞉tateritseras ne Job nó꞉nenh shá꞉sakoterienhnaièn꞉hase ne rontenró꞉shonhas; tánon ne Roiá꞉ner thón꞉tahawen ne Job teiorí꞉wake sénha wé꞉so tsi ní꞉ioht tsi thóh ientatseraién꞉takwe.

Job Tánon ne Raoronhiakensera 42:8

Nón꞉wa ne iahè꞉tsiiathenhaf tsáta niháti tionhnonskwarons ratítsinn tánon tsáta niháti teiotinakarontón꞉has ratítsinn, tánon tsitʼthenteron naʼkenhá꞉tshera Job niahá꞉sewe, tánon ne iahitsitats sewatát꞉tsahathen. Tánon naʼkenhá꞉tshera Job entsisewaterién꞉naienhase, asèken entié꞉na ne raoterén꞉naient né꞉ne tó꞉sa tho nakwahierase tsi naʼtesewathention. Ní꞉se iáh tesewaʼtá꞉tihon noriwí꞉ioonwe í꞉ken tsi nó꞉kwáh ní꞉i, tsi ne nioié꞉ren nakenhatshera Job.”

Psalms 106:23

Né káti aoríhwa wahén꞉ron kwáh kíʼ ensakótonʼte— tó꞉ka iáh ne Mahís, ne roiatará꞉kwen, thaʼtahontahotáhon né tahotiʼtharáhon ne Rawenni꞉io tánon nahó꞉re, ne tahonsahakarahténi ne raonakwátshera ne tó꞉sa asakononwaʼrhiákon.

Psalms 78:34

Né nó꞉nen nón꞉kak tsi niháti ensakononwariákon, ne ronátiakes rahonháke iénhsonhne; enshontatʼréwate tánon ronaterénhnaien thotinikonhrakonthákwen rahonháke.

Exodus 10:17

Ó꞉nen kíʼ saʼskenihʼnikónhrens nakeriwahʼnerahákʼtshera kíʼ꞉ken ènskak iewáhterats tánon iaʼtsiaterénnaien rahonhàke ne Roiá꞉ner ne senhiʼNí꞉io né꞉ne éren shaʼháwit kí꞉ken kenhèiat karewahtátshera nahkonhàke.”

Exodus 32:11

Ók ne Mahís wahoniténhthase ne Roiá꞉ner Raoní꞉io tánon wahénron, “Saiá꞉ner, nonhtiéren tsi thóh nióre tsi asehnákwahse ne shonkwetasónhas, tsi nikáien ne sesheniakénton ne Egypt né꞉ne kashatsʼtenserowánen ó꞉ni kashatsténsera?

Exodus 32:30

Nó꞉ia sahió꞉renhne Ne Mahís washaʼkawénhase nonhkweshón꞉ʼa, “Iorihowánen sewariwanerahákthon. Ók kíʼ nónhwa shé꞉kon kíʼ ieskenonhtárahne tsi ítres ne Roiá꞉ner; tó꞉ka nónhwa enwáton natiéna nahonsakanikonhrénʼen ne sewariwanerahák꞉tsera.”

Exodus 8:28

Ne Ronhnonhtí꞉io wahénron, “Enkwahríhon niaʼhísehʼwe ne kahentaʼkeʼkowá꞉ne tó꞉ka iáh ahí꞉non nióre tsiaʼhisehwe, nahtsiʼsehwatsiaʼtatʼtsaʼáhten ne katʼtshénen ne Roiá꞉ner, sehwaʼNí꞉io. Taʼkwaterienhnaiénhas.”

Exodus 8:4

Kwáh iatenʼiesaniʼtsónhʼkwahʼkwe, shonʼkweʼtaʼshónha ó꞉ni, tánon rahtiʼkwékon ne sanhátsheras.’”

Exodus 8:8

Ne Ronhnonhtí꞉io iahó꞉nonhke ne Mahís ó꞉ni ne Aaron tánon wahénron, “Iatsiaʼterenhnáien rahonhá꞉ke ne Roiá꞉ner èhʼren asakohiaʼtenhawíthen kí꞉ken otskwà꞉rhe, tánon káti ienkhehiá꞉kaʼwe ne shonʼkwetashónʼa, káti né nahónton niaʼhonwátatse ne konhwatsʼatatʼtsaʼáton ne katʼtshénen ne Roiá꞉ner.”

Isaiah 26:16

Ó Saiá꞉ner, aterientakariahtserákon tsi wahesahiatíshaʼke, tahonwéron naʼterenhnaientátshera nó꞉nenh ne sáwenk karehwatátshera sahotíraʼne.

Jeremiah 15:1

Ethóhʼne ne Roiá꞉ner wahakénhase, “Shé꞉kon ne Mahís o꞉ni ne Samuel né kénʼen aníthake ahionkanitenthaséheke, kwáh iáh thaʼkhenatónhase kí꞉ken onhkweshón꞉a thènen ne kenténron. Sehiónnien ne ahéren ahónnhethe; sehiónnien ne éhren rónnhek tsi nónwe níhkes.

Jeremiah 37:3

Ne Ronnonhtí꞉io Zedekiah iahoterihwahniéthen ne Jehucal ne rohníha ne ne Shelemiah tánon ó꞉ni ne rohkháres Zephaniah ne ne rohníha ne Maaseiah nahakerihwahnónhtonʼse niakaterénnahien rahonháke ne Roiá꞉ner onhkwahNí꞉io né rahotiʼrihwáhke nonhtionkwetaʼshón꞉a.

Hosea 5:15

Kwáh shé꞉kon thóh iénske tsi nón꞉we tewakatená꞉taien tsi nió꞉re ienhatiriwaní꞉rate tsi rotiní꞉kon tánon enhonhnésake ne kontsá꞉ke. Ne tsi nihotironhiá꞉ken kwáh enhionkanithénthen nahatiié꞉na nakithénrat:

Numbers 11:2

Nonhkweshón꞉ʼa iathotihénreʼte ne Mahís nashaʼkosniénon; rahonháke ne Roiá꞉ner iahaterénhnaien, tánon nótsire sónsʼwa.

Matthew 27:4

Ratonne: onkennhike kanekȣensanoron ȣakatenninon. Tahonniron ii kati ken onkȣariȣa? Satateriȣaseronnien ki ȣahi nise.

Acts 8:24

Simon wasakawénhaʼse ne Tiér tánon ne Sawátis, “Aitsiatʼthontátʼtseke astiaterenʼnaiénhase rahonháke ne Roiá꞉ner, nehne tóhsa thènen nahontiátawen tsi nahoténsons weseníron.”

Romans 10:1

Tewahtorohsónhas, ohtsikwáh keriasakwékon tsi kaskáneks nah katatekénseras nahónton ahatiniákenʼne! Tsi nióre tsi wakhaterénʼnaien neh Rawenní꞉io꞉ke neh rahotiriwáke!

Deuteronomy 9:20

Ne Roiá꞉ner iaʼtehkaié꞉ri nónhne tsi nihotenakwawenhrá꞉ti nahononwarià꞉konke ne Aaron, sók ki iaʼtiéstakwe wahihiaterenhnaiénhase nónhne ne Aaron.

Ne꞉ne Sák Rohiaton 5:16

Ne káti, tesewatatróri tsi nisewariwáneren tsi natesewáterhe ó꞉ni sewataterenʼnaiénhas tsi natesewáterhe, né꞉ne ahonsehsewakʼkwatáko. Ne rahoterénʼnaient ne tronkwetaiéri kwáh íken tsi kasátsʼte.

1 Samuel 15:24

Ne Saul wathorihwaserákwahse ne Samuel, “Ní꞉i wakeriwanerahákskon; asèken wakerihwaiésate ne raotiawenhrátsheras ne Roiá꞉ner ó꞉ni ní꞉se sawenhnahʼó꞉kons, tsioríhwa tsi wakhetsánike nonkweʼó꞉kons tánon ne wakatewenhnará꞉kwe ne raotiwénhna.

1 Samuel 15:30

Eʼthóhne ne Saul wahén꞉ron, “Ní꞉i wakherihwanerahákskon; nék kík sá꞉ka taʼkwénienst nón꞉wa raotihén꞉ton ne tonhnonkweʼtaions ne nakonkwetashón꞉ʼahs tánon raotihénton NʼIsraerʼró꞉nons, tánon ietsitiaterósen, nètho nahón꞉ton ahisénhnaien ne Roiá꞉ner Saní꞉io.”