Numbers 2:18 - Ohiatonhseratokénti

^18-24 Ne tsi iatewatʼtshénhthos nokwáhti, tsi niháti né thóh ratíteron tsi nónhwe nihonateniataróhare ne Ephraim rahotiʼtiókwas skát꞉ke kíʼ tsi enhontenáthaien ne rahotiʼtiókwas, skát꞉ke ne shaʼkotihéntense, ken ní꞉ioht, Ne Raotitsióhkwas Shaʼkotihéntense Tsi nihá꞉ti Ephraim Elishama né roʼníha né꞉ne Ammihud 40,500 niháti Manasseh Gamaliel né roʼníha né꞉ne Pedahzur 32,200 niháti Benjamin Abidan né roʼníha né꞉ne Gideoni 35,400 niháti Ne tiokwékton tsi nihá꞉ti: 108,100 Ne sohtiʼnenhrátʼtshons ne Ephraim né nasénhaton ienhonnéthake tsi enhatiʼnenhraserónhni.

Numbers 2:18 Iomraidhean Croise

Genesis 48:5

Eʼthó katiʼ ne tehniiáhse sheioʼokón꞉ʼa, ne shenakerátston tsi ionhontsá꞉ien ne Egypt ne nohén꞉ton tsi tehsí꞉teron ne Egypt shiahá꞉ke, ó꞉nenh kiʼ í꞉ʼi akhwá꞉tsire ronatón꞉ʼon; ne Ephraim tánon ne Manasseh kwáh kiʼ Í꞉i kheioʼokón꞉ʼahs enkénhake, kwáh kiʼ tsi ní꞉ioht ne Reuben tánon ne Simeon.

Jeremiah 31:9

Nakonkwetahshón꞉a tsi enshón꞉neweh tenhonsentʼthósehke, roʼnahterennaʼienhthátie tsi niʼsehkheʼhiashá꞉rihne. Kwáh thóh nienʼkhehiaténhaʼwe tsi nónhwe ne watnekíne, tsi nónhwe ne iohahí꞉io ne ne iáh tahonthahonaʼshí꞉tsiaʼke. Thóh niwahkathatiéren tsi ní꞉ioht ne khehienhokónhas ne Israerʼró꞉nons, tánon ne Ephraim ne ne thaʼkowáhnenh rihién꞉a.”

Numbers 10:22

Nó꞉ia, né tsi waniataróhare tsi nónhwe nihatíteron ne rahotitiókwah ne Ephraim ienshontásawen, skénhtsiokwáʼtsions kenhátie, né꞉ne Elishama ohénton iérate né roʼní꞉ha né꞉ne Ammihud.

Deuteronomy 33:17

Ne tewenhniaweheʼtseráhsens niháti ronhterí꞉ios ne tsi ratiʼtá꞉raiens ne Ephraim ó꞉ni ne Manasseh ratikowá꞉nens tánon ratiʼshátstes tsi ní꞉ioht ne tionhnónskwaron rátsinn. Kwáh tsi ní꞉ioht ne karahkónha tehonakáres rahonakáre rátstha tsi tenshakotenakarotsiénthe ne tehontà꞉tsons, káti kwáh tenshakotinakarotsiénthe ne tehontà꞉tsons tánon ienshakotí꞉reke ne tsi iehiontohontsiokʼthaní꞉hon.”