Numbers 18:9 - Ohiatonhseratokénti

⁹ Né꞉ne kwáh iotokéntis íken ne tkaiesthánion ne iáh tewatʼtsaháton ne ietsienharakwáhke, ne kén iotiétons íse ne sáwenk: nonátsias tkaiesthánion, ne karihwáneren aorihwáke tsi tkaiesthánion, tánon ne ahonsakakariákonke aorihwáke tsi tkaiesthánion. Orihwakwékon tsi nahoténsons hionkawíhon ne iotokénti íkens íse tánon ne sehiohʼokónhas sewákwenh íken.

Numbers 18:9 Iomraidhean Croise

2 Kings 12:17

Eh shiʼkaʼháwi ne Ronnontí꞉iokwe Hazael né Syriahne nón꞉we iahatsatónhti ne kanatowanénhke ne Gath tánon wahasénhni; ethòne ó꞉nen iathorihwaiéntase niahatsatónhti ne Jerusalem.

Nehemiah 10:36

Tánon nenhtón꞉tierente enhón꞉nakerate nonkwanekenteronhtserashón꞉as tánon nonkwahtsenenhó꞉konʼs tionhnónskwahronʼs, tsi kíʼ nikahiá꞉ton ne kaianerenhserakon; tánon nenhtewatsérenhte enwatewí꞉raien nonkwahtsé꞉nen tionhnónskwahron tánon nonkwahtsenenhó꞉konʼs teiotinakarontónhas ó꞉ni kahiaʼtákeras enthonwatihiathenhá꞉we raonónskon nonkwah Ní꞉io, raotihenton ne ratiʼtsihénstatsis ronón꞉ha ronateriwátsteriston tsi ronónshote nonkwáh Ní꞉io.

Ezekiel 42:13

Ne rónhkwe wahakénhase, “Tetsáron kí꞉ken kanonhshó꞉thons iononhsatokénti í꞉ken. Thóh nónhwe ne rothikháres nienhontháwehiate rahohénton ne Roiá꞉ner né rónhneks ne kwáh tsiohiánere nathatawítsheras né nónhwe: nathatawítsheras né꞉ne onátsia ó꞉ni ne konwanatsatatʼtsahátons ne katʼtshénens iehóthithe né꞉ne kariwahnerahákʼtsheras tó꞉ka ó꞉ni nahonsahathikárhiake nathatawítsheras.

Ezekiel 44:29

Nonátsia tkaró꞉ron, ne kariwanerahákʼtshera tkaró꞉ron, tánon ne ahonsakhakarhiákon tkaró꞉ron ne nènhʼne ne rahothíkwah enkénhake ne rothikháres, tánon kwáh akwékon enhatiʼiéna ne Israerʼró꞉nonhke né karáhkwen nakeriwáhke.

Leviticus 10:17

“Onhnihiotséren tsi iáh thóh nónhwe thaʼtesewatskáhons tsi nónhwe nihiotokénti íken ne karihwáneren aorihwáke tsi iewatkáwen? Kwáh íken tsi iotokénti íken, tánon ne Roiá꞉ner í꞉se theʼtsisewáwi né nahón꞉ton né꞉ren ahonsakahawíthonhke naʼkorihwanerahaʼkʼtsheras ne ienákere kanakeraserákon.

Leviticus 14:13

Enhononhwariákon ne teiotinakaronhtónʼa owíra ne tsi iotokénti nónhwe tsi nónhwe nikonhwatirhiostakwa ne konhtitshénens nenhkonhwanateskónhten ne karihwanerahák꞉tshera ahorihwáke. Ónenk kíʼ tsi thóh nenháiere tsioríhwa tsi né꞉ne enskakariákʼthonke ahorihwáke, tsi kíʼ ní꞉ioht ne kariwanerahák꞉tshera iewatkáwen ahorihwáke, né꞉ne ratsihénsthatsi rahó꞉wenk tánon kwáh íken tsi iotokénti.

Leviticus 2:10

Né kenhiotsétons ne iewatká꞉wen ratsihénsthatsi né rahó꞉wenk; kwáh íken tsi iotokénti, tsioríhwa tsi thóh nónhwe nitká꞉ha ne ká꞉khwa né tsi Roiá꞉ner ronhwawíhon.

Leviticus 22:11

Ók kíʼ ne ratsihénstatsi ronhwahiótenhse, né kwáh rahónha rahowístha sakohiathaninónhton tó꞉ka ó꞉ni ne rahonónskon ronahnakeráton, enwá꞉ton nahónhneke neká꞉khwas ne ratsihénstatsi roienáhon.

Leviticus 22:7

Tsík ienkará꞉kwenhne thóh né khók enshotkwenienstónhake, tánon ethòne kíʼ enwáton nahonshá꞉raʼke ne iotokénti iewatʼkáwen, né꞉ne rahónʼa rahó꞉khwa íken.

Leviticus 4:22

Tó꞉ka rakóra waharihwánerake tánon wahó꞉nhike tsi watháhiake nénska ne Roiá꞉ner rahorihwatátʼtsheras né꞉ne iáh tehonikonhrónhni,

Leviticus 4:27

Tó꞉ka ónhkak tsi nítsion ensewarihwánerake tánon ensewánike ne tsi tesewahiákon ne Roiá꞉ner rahorihwatátʼtsheras né꞉ne iáh tesewanikonhrón꞉ni,

Leviticus 5:1

Tó꞉ka nónhkwe waherihwánerake tsi iáh tiehiakokʼkáwen noríhwa nónen ienhionthatenáton naierihwaníraʼte. Tó꞉ka tkarihwaiéri tsi ieshahiatonhseráwi naʼserihwanírate tsi tehiehiatoretákwa tánon iáh thasatró꞉ri tsi nahó꞉ten satkáton tó꞉ka ó꞉ni sarihwarónhken, ónenk tsi enseronhiáke tsi nenhiáwenhne.

Leviticus 5:6

tánon tsi eniesakaraiénhaʼse ne sarihwanerahák꞉tshera ónenk tsi entetsawíten ne Roiá꞉ner teiotinakaronhtónha onètsien tó꞉ka ó꞉ni kahiatákeras ientsiátkaʼwe. Né ratsiʼhénsthatsi né ienhát꞉kaʼwe ne karihwiʼiosehokónhas ne sarihwanerahák꞉tshera aorihwáke.

Leviticus 6:19

Ne Roiá꞉ner tahá꞉wen ne Mahís ne tekarihwasónhterens kaianerénsehras

Leviticus 6:30

Ók tó꞉ka thènen nonekwénhsa ienhiéhionte natohsehrákon tánon né áhionsthe ne karihwiiosehokónha nahéren ahonsakahawíthonʼke ne karihwáneren, ne katshénen iáh kíʼ tahónton naiewáraʼke; ónenk tsi enwatʼtsahatónhake.

Leviticus 7:1

Né tekariwasonhterónhnion kaianerénseras ne nahonsakakarhiákthonhke tsi karó꞉rons, né꞉ne kwáh íken tsi iotó꞉kentis

Leviticus 7:6

Kwáh tsikʼónhka ne rónhkwe ne ratsihénsthatsi rahowátsire enwáton nahónhneke, ók ónenk kíʼ tsi thóh nónhwe nenhónneke tsi nónhwe nihiotokénti íken, tsioríhwa tsi nihiotokénti.

Leviticus 7:7

Énskak ne kaianerénhsera ká꞉ien né꞉ne tetsáron né꞉ne karihwáneren tánon ne ahonsakakarhiákonʼke tsi iewatkáwen: nowáron ratsihénsthatsi né rahówenk né tsi rahónha raʼteskóntʼtha.

Numbers 18:10

Ónenk tsi thóh nónhwe nénhsewake tsi nónhwe ne iotokénti íken, tánon nek khók ne rotiskenhrakéte enwá꞉ton nahónhneke; né kénhak tsi iotokénti íken.

Deuteronomy 18:1

“Tsi nihatitsihenstanónhwe ne tsi ratiʼtá꞉raien ne Levi iáh nénhne thé꞉nen tahotihiaʼtáhesthe nohóntsa ne Israerʼró꞉nonhke nón꞉we; khé:khók, ne enhonhnonhnè꞉kwen tsi niwateró꞉roks ó꞉ni nohiásons nihiotánion ne kariwihiosehokónhas ne Roiá꞉ner ronhwawíhon.