Numbers 18:8 - Ohiatonhseratokénti

⁸ Ne Roiá꞉ner wahawénhase ne Aaron, “Sehiárak tsi tkhonhiawíre akwékon ne katokénston tkaʼiesthánion ne tsionhkáwi né iáh tewatʼtsaháton ne karihwihiosehoʼkónhas nahoténsons. Í꞉se khonhiawìre tánon tsi niensatwatsiríhne ne tsi nikáien níse shaʼtienawáston ne tsi nènhwe enhkénhake.

Numbers 18:8 Iomraidhean Croise

2 Kings 12:16

Nowístas ne tewatʼkáʼwens nahonsakaʼkariátonke tsi nòkwah ne tkaiesthánions ó꞉ni ne karihwánerens aorihwá꞉kes iáh né kaʼnerókwahkon tseiakosénhton; ratitsihénstatsis né rahonawenhkhónʼwe í꞉ken.

2 Chronicles 31:4

Tánon ishiʼnónhwe shé꞉kon, né ronnontí꞉io washakoró꞉ri nonhkweʼshón꞉as né Jerusalem nón꞉we nahontahonwénhnon ne tkaiesthánions né ratiʼtsihénstatsis ó꞉ni ne Leviró꞉nons tsi nihonáwenk, né kí nahón꞉ton kwáh né ahotihióten tsi kí nikarihwanónhtons ne Roiá꞉ner raoianerénhsera.

2 Chronicles 31:5

Kwáh kí tsi niʼiostóre né waʼhonwatirihónhten, Nisraeʼró꞉nons tahatihásehron ne raonathatawí꞉tsheras né kwáh tkanatsí꞉ios, nonenharatashehontsherákeri, iakenhiewátha kénʼies, otsinakonhthá꞉kwahne otsikhé꞉ta, tánon noiásons nihiothá꞉nions né ratiʼiéntʼthos rotiʼientwáhkwen, tánon ó꞉ni tahatihásehron noieríhaton iéken kwáh tsi nahotiʼiénhthake.

Exodus 28:43

Ne Aaron tánon ne sakohiohʼokónhas ónenk tsi tsiókonhte né enhonásthonke nó꞉nen ienhontá꞉wehiate natosehràkon tsi nónhwe nikíteron tó꞉ka ó꞉ni nákʼtha ahónhnete ne tsi ientsenharákwah nahiontiótense tsi ratiʼtsihénsʼtatsis ne tsi iotoʼkénti nónhwe, né káti ne tó꞉sa ahonwatiʼnonhwarhiakhónʼnion tsi enhonthotási. Né kí꞉ken ne iehiokonhtákwen kaianerénsera ne Aaron rahoriwàke tánon tsi nienhatwatsiríne.

Exodus 29:21

Ethòne iahásaf nonekwénhsa ne ietsienharakwáhke káhere tánon ostónha ne kènhie ne ronhwatiʼriwaniratstákwa ne ratiʼtsihénsʼtatsis, tánon tesatsʼtaró꞉kwat ne Aaron rahotseronhniaʼkwáhke ó꞉ni ne sakohiohʼokónhas rahonatʼtseronhniaʼkwáhke. Raónha ó꞉ni ne sakohiohʼokónhas, tánon ne rahonatʼtserónhniat enhiotokentíke nakeriwáh꞉ke.

Exodus 29:28

Né꞉ne iáh thaʼtesehwakateriwaʼteniénhnis natiatoreʼtátshera né nó꞉nen nakonhkwetashón꞉ʼas sahotiríwa tsi ienhatíthate, né꞉ne oronhkwéna, tánon ne ranhitsàke ne katshénen né nènʼneʼe ne ratitsihénsthatsi rahonáwenhk. Né kí꞉ken nonhkweshón꞉ʼas wahónkon, ne Watiá꞉ner.

Exodus 29:29

“Ne Aaron né rahotsherónhniat tsi ratsihénsthatsi íken sakohiohʼokónhas entʼthonwénhnon nó꞉nen enrénheie, ronónha enshónsthe nó꞉nen enhonwatiriwaʼníratʼtse.

Exodus 40:13

Ne Aaron né tserónhniat ne rotiʼkharesnéha atserón꞉niat, kènhie tshieró, tánon thóh kíʼ ní꞉ioht tsi tshiaʼterenhnaiénhas, né káti nahónton nahatiótenhse tsi ní꞉ioht ne rokháres.

Exodus 40:15

Ethòne seriwaʼnírats, kwáh tsi nitieriwaniráhti ne ronhwaníha, ne káti nahónton nahiontiótense tsi ní꞉ioht ne rothiʼkháres. Kí꞉ken kariwanirátʼtshera né꞉ne tsi nénhwe enkénhake tsi enhothiʼkharésonhke.”

Isaiah 10:27

Né thóh enʼtewenhniseráteʼke né raoriéna kwáh enharáhko ne snhensá꞉ke, tánon ne raotsientaniáksta kwáh enhwatón꞉tonke ne seniaràhke. Heniehawénon tho iehotohétston Rimmon, tánon ne iontsientaniátstha ne seniaráke káhere kwáh enwatóntonʼke ne enkarihónhni ne iorésenhs

Leviticus 21:10

“Ne Ratsihenstowánen ne rohiathatokenhtíston tsi kénhie tewá꞉weron ne ranonhtsíne tánon tsi rohiathatokenhtíhon né kíʼ enhatʼtserónhniaʼte ne ratitsihénsthatsis rahonatʼtserónhnias, né káti aoríhwa iáh kíʼ thahónton nahaniskwahráko né iáh thaʼhotkorothíhen khés naharátion ne rahotserónhnia né naréneste tsi ahotsiónhnionʼke.

Leviticus 23:20

Ne ratsihénstatsi rahónʼa ienhát꞉kaʼwe ne kanátaro skátke ne tenihiáse teiotinakaronhtónha owíras né꞉ne katokénston athatawítshera rahohénton ne Roiá꞉ner né꞉ne ratitsihénstatsis rahothirihwáke. Kí꞉ken ienwatkáʼwen iotokénti íken.

Leviticus 6:16

Tánon ne iothaténron nonátsias Aaron tánon ne rahoneʼkenteronhtsheraʼsónhas né enhónʼneke. Enkanatharonhniá꞉tonke né꞉ne iáh othènen thaʼtakaiéstonhke ne watʼtenkwáhtha tánon thóh nónhwe nenhónne꞉ke tsi nónhwe niʼiotokénti íken, né꞉ne atenhénrakon né tsi watóhsehrothe tsi nónhwe nihénteron ne Roiá꞉ner. Ráton ne Roiá꞉ner ratiʼtsihénsthatsis tetkheʼhiáwi né꞉ne áhonsthe nahionkʼtátʼtse né tsi iotékʼkha. Kwáh íken tsi iotokénti, tsi kíʼ ní꞉ioht ne karihwáneren tsi iehiontkháwas ó꞉ni ne nahonshaʼkakarhiákonʼke aorihwá꞉ke.

Leviticus 6:18

Né꞉ne tsi nienhwenhniserathénionʼke nónhka tsi nienhatwatsiríhne ne Aaron enwáton nahónhneke tsi nienhatikónhthaʼkwe nénhonste ne kákhwa nenhonwátatʼtse ne Roiá꞉ner. Nónhka akóren ne iáh Aaron rahoneʼkentheraʼsónhas akénhake niaʼhatiʼiéna ne ká꞉khwa ne iewakʼkáwen enhatitʼtsénri naʼteraswatsénhtshera né tsi nihioshastsʼtenserowánen ne iotokénti.

Leviticus 6:20

nahonwarihwaníratʼtse ne Aaronite ratsiʼhénstatsi. Né wenhniseronhthákwen nenhonwarihwaníratʼtse, ienhát꞉kaʼwe nahontháhaʼwe ne Roiá꞉nerʼ tekakonhtseráke othèsera (kwáh ne satenhiotónhake tsi ní꞉ioht tsi tieiéstha nonátsias niaʼtewenhnisehráke), asénhnon noronhkéne tánon asénhnon nokarasné꞉ha.

Leviticus 6:26

Ne ratsihénsthatsi tsi rahónʼa roteskónhten ne katshénen ónenk tsi thóh nónhwe nenhráke tsi nónhwe nihiotokénti, né꞉ne atenhénrakon tsi nónhwe niwatóhsehroʼthe né꞉ne tsi nónhwe nihénteron ne Roiá꞉ner.

Leviticus 7:14

Ónenk tsi né entesesthánion ne skátʼtsions tsi nikanataró꞉tens né꞉ne katokénston tsi enthétion ne Roiá꞉ner; ratsihénsthatsi ne rahó꞉wenk tsi rahónʼa tenrakwe ne katshénen ahonekwénhsa tsi iohó꞉ti aktónhtse ne ietsienharaʼkwáhke.

Leviticus 7:28

Ne Roiá꞉ner tahá꞉wen ne Mahís ne tehioteriwasonhterónhnions kaianerénseras

Leviticus 7:6

Kwáh tsikʼónhka ne rónhkwe ne ratsihénsthatsi rahowátsire enwáton nahónhneke, ók ónenk kíʼ tsi thóh nónhwe nenhónneke tsi nónhwe nihiotokénti íken, tsioríhwa tsi nihiotokénti.

Leviticus 8:30

Ne Mahís iaharáko kénk níkon ne shaʼkoienaróstha kénhie tánon kénk níkon nonekwénhsa né thóh kahé꞉re ne ietsienharákwaʼke tánon watatstarokwathánion rahonatʼtseronhniákwahke ne Aaron tánon ne sakohiohokónhas. Thóh kíʼ ní꞉ioht tsi waharihwatokéntisʼte ne rahonatʼtserónhniat rahonháke ne Roiá꞉ner.

Numbers 18:9

Né꞉ne kwáh iotokéntis íken ne tkaiesthánion ne iáh tewatʼtsaháton ne ietsienharakwáhke, ne kén iotiétons íse ne sáwenk: nonátsias tkaiesthánion, ne karihwáneren aorihwáke tsi tkaiesthánion, tánon ne ahonsakakariákonke aorihwáke tsi tkaiesthánion. Orihwakwékon tsi nahoténsons hionkawíhon ne iotokénti íkens íse tánon ne sehiohʼokónhas sewákwenh íken.

Numbers 5:9

Káti ó꞉ni kwáh tsi níkon ne katoʼkensthánions tshiaʼkoiesthánion né Israerʼró꞉nons thonwáwi ne Roiá꞉ner ratiʼtsihénstatsis káti rahonawenhkʼónhwe tsi roʼnónha kíʼ ronhwaná꞉wi.

1 Corinthians 9:13

Oriwiʼiohónwe sewahteriéntare né rónkwe nononsatokentíke rohióthe thóh nitáhas ne rahókwah tánon nónka tiontkáwas ne kahienawahséhtshera ne tsi ientsienharáhkwah iehiénas ne kahriwiʼiosehokónhas.

Deuteronomy 12:11

Ne Roiá꞉ner kwáh sewatenatá꞉kok tsi nón꞉we nenhará꞉ko né꞉ne tsi nón꞉we nahonwasenhnaién꞉seke, tánon thóh nón꞉we akwé꞉kon entisesewáhawe tsi nikwahró꞉ri: né꞉ne sewariwihiosehʼokónhas nahontsahaʼtónhake tánon noiáhsons ne sewariwihiosehʼokón꞉as, ne sewawístas ó꞉ni ne sewaienthó꞉tsheras, tánon ne sewatokenstánions ne tsi sewarahratstén꞉ni ne Roiá꞉ner.

Deuteronomy 12:6

Thó꞉nonhwe niensewátkaʼwe ne kariwihiosehʼokón꞉as né꞉ne ahontsahathónhake ó꞉ni noiáhsons sewáwenk ne kariwihiosehokón꞉as, sewawístas tánon ne sewaienʼtóhseras, nahtatawí꞉tsheras ne tsiararatstén꞉ni ne Roiá꞉ner, tánon ne kwáh tsi nitesenónhwes niasátkaʼwe, tánon nentewatiérenhte enhontewì꞉raien ne tionónhskwaron ó꞉ni ne teiotinakaronhtòn꞉a.

Deuteronomy 18:1

“Tsi nihatitsihenstanónhwe ne tsi ratiʼtá꞉raien ne Levi iáh nénhne thé꞉nen tahotihiaʼtáhesthe nohóntsa ne Israerʼró꞉nonhke nón꞉we; khé:khók, ne enhonhnonhnè꞉kwen tsi niwateró꞉roks ó꞉ni nohiásons nihiotánion ne kariwihiosehokónhas ne Roiá꞉ner ronhwawíhon.

Deuteronomy 26:13

Tsró꞉ri ne Roiá꞉ner, ‘Iáh othé꞉nen ne iotokénhtis noieríhatons iéken tetsiothaténrons nakenónskon, tekhehiawí꞉hons ne Levites, ne tihononhontsá꞉tes, ne tehontonnakhárias, ó꞉ni ne ionateréhons, tsi ki nisetró꞉ri tsi nátiere. Iáh tekonwenhnónhtion iáh ó꞉ni othé꞉nen tesewakeʼnikonhrén꞉en tsi ní꞉kon takerihónte tsi nokwáh ne oieriháton iéken tsi ahontátiesthe.

Hebrews 1:9

Sehnorónkwah nahóten ne tkariwahiéri tánon skenrónni nahóten ne iáh tetkariwahiéri. Né ká꞉ti aoríhwa ne Rawenni꞉io, ne Shaʼní꞉io, í꞉se iahiatará꞉kwen nahisanontí꞉ioke tsi ní꞉ioht nón꞉kak akóren rónkwe, tánon sénha wé꞉so thowéron natʼtsenhnonhniátshera ne shonháke sénha tsi ní꞉ioht ne ronátsiakes roʼtinontí꞉ios.”

1 Sawátis 2:20

Nók sewaientáʼon ne Ronikonriʼióston tsi nitotórion ne Kerístos, nekáti aoríwa sewakwékon sewateriéntare noriwiʼioʼónkwe.

1 Sawátis 2:27

Nók kíʼ níse, Kerístos thóweron ne Rahonikónra tionháke. Tsi náhe ensewakwekónhake ne Rahonikónra, iáh ónka tatesewathonwentió꞉ni naietʼtsirihónnien. Asèken ne Rahonikónra neh sewarihonniénnis kwá tsík nahoténsons, tánon tsi nahóten sakorihonniénnis neh꞉ne oriwí꞉ioh, iáh onówen tèken. Satewénnarak tsi nisarihonniénnis nonikónra, ehʼthón꞉ne, ó꞉ni iaskóntak tetiateriwasónterak ne Kerístos.