Numbers 18:5 - Ohiatonhseratokénti

⁵ Í꞉se tánon ne sehiohʼokónhas iatesewahiátis ónenk tsi ensewarihwaiérihte tsi nihioterihwaiénhni tsi nónhwe ne Iotokénti í꞉ken tánon ne ietsienharakwáhke, né káti nakenakwahtshérha ne tó꞉sa shé꞉kon ahonsahotíraʼne nonhkweshón꞉ʼas NÍsraerʼró꞉nonke.

Numbers 18:5 Iomraidhean Croise

1 Chronicles 23:24

Né kí꞉ken tsi nithonatwatsiríhnon ne Leviró꞉nons, né tsi nihothitarótens ó꞉ni tsi nihatiwatsiró꞉tens, kwáh kíʼ satihiatátʼtshons tsi ratisenhnarónhnion. Né꞉ne satihiatátʼtsons tsi nithonatwatsiríhnon, né꞉ne tewáhsen natehonoserihiákons khés ne sénha thotí꞉ions, ronsniénons ne kahioténhseras ne Roiá꞉ner Raononsatokentikó꞉waʼne.

1 Chronicles 23:32

Ronónha thonwanáwi tsi ronaterihwaiénhni nahontenhnikonhráhren nathó꞉sehra tsi nón꞉we nihénteron ne Roiá꞉ner ó꞉ni Nononsatokentiʼkó꞉wa, tánon nahonwatiʼiénawaʼse ne ronhthátenons, ne ratitsihénstatsis tsi nithonatwatsiríhnon ne Aaron, tsi ronhterénhnaiens Nononsatokentiʼkó꞉waʼne.

1 Chronicles 24:5

Tsikʼsénhak Nononsatokentiʼkówa tsi iahonkwétaiens ne ronhterihwatsʼterístha ó꞉ni ne karihwiʼiostónhtshera sakotihéntenhse ne rahotitsiókwahkons né tetsarónhkwen nòkwahti ne Eleazar ó꞉ni ne Ithamar, wahatiwasthótsi tsi ní꞉ioht tsi wahonwatirihonthónhnion.

1 Chronicles 9:19

Né Shallum, né꞉ne ronikénʼen ne Kore tánon ne roteráhaʼkwe ne Ebiasaph, skát꞉ke ne ratiʼiátare ne rahotiʼtárahkons ne Korah, ronónha ronaterihwaiénhniʼne nahontenhnikonhráren tsi iehionhtawehiatákwa ne watohsehróte tsi nón꞉we ne Roiá꞉ner, kwáh kíʼ tsi ní꞉ioht tonhne ne sakotisokthonkonkénʼen tsi ratinikonhrárahkwe né Roiá꞉ner tsi rothathosehró꞉te.

1 Chronicles 9:23

Ronónha tánon tsi rahtiʼwatsiraʼthátie iahonthasónhteren tsi wathontenhenranónhna Nononsatokentiʼkówahne.

1 Chronicles 9:33

Ótiakes ne Leviró꞉nons kawátsires né꞉ne ronaterihwaiénhni Nononsaʼtokentikówaʼne karenhnasónhas. Nononhtsiʼkowátʼtsions kí꞉ken kawátsires tsi kanonshó꞉tons ne ononsaʼtokentikówaʼne nónhwe nihatiterónhtons tánon iáh nóia tekahiotenhserótens tehotíhiote, tsioríhwa tsi kwáh tsík niʼkaháwi nenhtsékeʼne ó꞉ni tsi niwashóntes ienhonwatíkonhke.

Exodus 27:21

Aaron tánon ne sakohʼiohokónhas enhatiʼkwahtáko ne kahá꞉sehra natohsehrákon ne tsi nónhwe níkes nátsthe nokwáhti tsi ioharénton né nohénton tsi kanorhóʼkwahien naʼteriwasehronhniáʼtshera. Thóh nakʼkhénton enhiotétʼkhake okáras entewathasákwen né꞉ne tsi nióre ienhiórenhne. Kí꞉ken kariwahtátʼtshera thóh nenhiotónhake né꞉ne tsi nénweh enhonteweiénton ne Israerʼró꞉nons tánon tsi wahatiʼwatsiratátie.

Jeremiah 23:15

“Ehthóh káti, éhtho kíʼ ní꞉ioht tsi nahó꞉ten ní꞉i, ne Watiá꞉ner Keshastsʼtenseroʼwáhnen, kheienni ne rotitokénhse ne Jerusalem nónhwe: Ne entekhéhion ne tehiohontahiótsis kaientʼthótsera nahónneke tánon kanonhkwahtsheʼráksen ne iakorhiótha ahatinekírah, tsioríhwah tsi tehonahrehniátons ne iáh thènen tahkaiénthake ne Ní꞉io ne tsi ionwenhtsáte.”

Ezekiel 44:15

Ne Ronhnontí꞉io Roiá꞉ner wahénron, “Thí꞉ken rothikháres né nónhwe nihatihiáthare tsi kentárahien ne Levi ne tsi nithonatwatsirínon ne Zadok, ók kíʼ, iahathikónthakwe ioriwahtó꞉ken tsi wahontsiótenhse ne Ononhsatokentiʼkówahne nónen ne ronáhtsiakes Nisraeró꞉nonhs wahonkatʼkarahthéni. Káti nónhwa roʼnónha kíʼ ónenh enhiontsiótenhse tánon entʼthónhne nakʼkénton nahionktátʼtse ne ióreseh tánon né raothinhekwénhsa ne konwanatsatatʼtseháthon katʼtshénenh.

Ezekiel 44:16

Kwáh ronónhaʼkhók enhontháwehiate Nononsatokentiʼkówahne, nahionkateriwatsterísthaʼse ákta naktsienharáhkwake, tánon nahonteriwatstéristhe Nononsatokentiʼkówahne aterénhnaient.

Leviticus 10:6

Ethòne ne Mahís washakawénhase Aaron tánon ne shaʼkohiohokónhas Eleazar tánon ne Ithamar, “Tó꞉sa ne iáh thaʼhisehwatkhorothíʼen tó꞉ka ó꞉ni nahisehwaʼraʼtsiónko ne sehwatʼtserónhnia nahisheʼwénestʼte nahisewatʼtsiónhnionhke. Tó꞉ka thóh nensehwá꞉iere, kwáh kíʼ enshewénheʼie, tánon ne Roiá꞉ner kwáh kanakeraserakwékon tsi enshaʼkonákwahse. Ók ratikwékon ne roná꞉tsiakes Nisraerʼró꞉nons enwáton né nahontsiónhnion tsi nòkwah kíʼ kén kenhéiat tsioríhwa tsi ótsire thóh naká꞉sa ne tsi Roiá꞉ner thotʼtsiratheniéton.

Leviticus 24:3

Iatehiokaraʼtsheráke ne Aaron enhahaserótʼthaʼke tánon ahiorihwatokénhake tsi enhiotékhaʼke tsi nióre ienhhiórenhne, thóh tsi nónhwe nihéntehron ne Roiá꞉ner násthe nòkwah tsi ioharénhton ne nahohénton ne aterihwasehronhniátshera oneró꞉kwa, tsi nónhwe nikáien ne kwáh íken iotokénti. Kí꞉kén kaianerénhsera né꞉ne tsi nénhwe tsi enhierihwatokenhtístake.

Zechariah 10:3

Ne Roiá꞉ner ráton, “Khenáhkwase né꞉tho thihononhontsá꞉tes tsi rohnónha tsieshakotihiaʼthakwehní꞉io nakonhkweʼtahshón꞉ʼa, tánon kwáh enkheré꞉wahte. Nonhkweshón꞉ʼa ne Judah Í꞉i akonhkweʼtashón꞉ʼas, tánon í꞉ih ne Watiá꞉ner Wakeshatstenhserowá꞉nen, enkhehiatenhnikónhraren. Kwáh rohnónha enkénhake ne konhthiʼshátses koshá꞉tens né꞉ne iakoshaténhstas tsi wahterí꞉io.

Numbers 1:50

Khéʼkenk, ne Levites né sehrihónten nahonterihwatsʼtériste Natóhsehra tsi nónhwe niʼkíteron tánon akwékon tsi niwatsʼtasónhas. Ronhnónha enhatíhawe tánon tsi niwatsʼtasónhas, thóh enhotiʼhióten, tánon thóh aktóntie enhontená꞉taien.

Numbers 1:53

Ók kíʼ ne Levites thóh ákta tsi watóhsehrote enhontenátaien ne naʼhontenhʼnikonhráren, né káti ne tóhsa ónhka ákta nahontháien tánon ahierihónhni nakenakwáhtshera ahotí꞉iente ne tsi ratiʼnakerasehráien ne Israerʼró꞉nons.”

Numbers 16:46

tánon ne Mahís wahawénhase ne Aaron, “Iahásaf ne sónhtak waʼtsironhtákwa, wísk niwaswénhtake séhtha né꞉ne ietsienharakwáhke sráko, tánon kanetanó꞉ron sèh roséhron noswénhtas. Ethòne iatesasteríhen tsi thónʼnes nonhkweshón꞉ʼas niaháse tánon ne saterihwaténhtsiat ne orihwakahionhnéha tsionhʼthonhnakanonhnitákwah ne rahotirihwáke. Tesasteríhen! Ne Roiá꞉ner rahonakwáhtshera ónenk tsiotásawe tánon ne kannratarihnétsheras ónenk thontásawen.”

Numbers 18:4

Ónenk tsi skát꞉ke ensehwahióten níse tánon nahatirihwaiérihte tsi nihonaterihwaiénhni tsi nikahiotenhsehráiens ne atohserákon, ók iáh kíʼ ónhka ne iáh tehiakohiotenhserarenhnáhon ne skát꞉ke níse ahisewahióten.

Numbers 4:18

“Tó꞉sa seríhon ne rahotiʼtiókwah ne Kohath

Numbers 8:19

tánon Aaron tánon ne sakohiohʼokónhas wakheʼrihónten nashaʼkonatenhnikonhráren ne Levites, né꞉ne NʼIsraerʼró꞉nons rahonathatawítsheras, né natohsehrákon ahotihióten né Israerʼró꞉nons rahotirihwáke tánon nahontahonwátiʼne NʼIsraerʼró꞉nons tsi nókwah ne kariwaiesátsheras nenhotíienthe tó꞉ka sóhtsi ákta nentʼthónne tsi nónhwe né kwáh Iotenatatokénti íken.”

Numbers 8:2

“Tsró꞉ri ne Aaron ne nó꞉nen enhahaseranihiontónhnion ne waʼthaseroharákwahke, thóh ní꞉ioht tsi ahakwahtáko ne kaháseras né ohénton nónhwe iatahióiake.”

1 Timothy 1:18

Timothy, akheksátha, Í꞉se wahkonniáhese kí꞉ken ahontaseniarótarohke, tsi teskaieróntare nowennasónhas neh iekariwáken tsi nikataráh꞉kwen tsi nòkwa níse. Í꞉sas thíken owennasónhas nahioianeréhake nasatherí꞉iosʼte,

1 Timothy 3:15

Nók tóhkaʼ enkatennískwaʼte, ne kí꞉ken kahiatónsera ensaróhri tsi ní꞉ioht tsi ahitewahthoriáneron ne Rawenni꞉io rahonónskon, neh꞉ne raónha rahonnonsatokénti ne ronnheʼónwe Ní꞉io, neh kanawaháthoʼthe ó꞉ni tioswahnónn e ne tewetákwen.

1 Timothy 5:21

Rahohénton ne Rawenni꞉io ó꞉ni ne Kerístos Ié꞉sos tánon ne rotithokentísons ratironhiakerónons kwáh tewakenikonrakontákwen iakonʼnáton nasatewénnaraʼkwe kí꞉ken karihonniennítseras neh kwáh tóhsa thènen aisatʼkenronniákskon tóhkaʼ ó꞉ni tsi nashátiere nahontaseriwáhrakwe.

1 Timothy 6:20

Timothy, senónstat tsi nahóten iesathakweniaiénni. Satiatatískwak ne kariwaiesátsera tsi nahiontáti ó꞉ni ne tehiotenonwaroríhtonte takariwakénen tsi nahóten ne iáh tetkaiéri nótsakes nónkwe ienáthonkwe “Atʼthokhátsera.”