Numbers 18:21 - Ohiatonhseratokénti

²¹ Ne Roiá꞉ner wahénron, “Tekhehiáwi ne Levites akwékon tsi nihatikáriaks NʼIsraerʼró꞉nons ne tsionhkáwi. Né kí꞉ken ronatkariakténhni tsi nihotihióte tsi nihatinikónhrare natóhsera tsi nónhwe nikíteron.

Numbers 18:21 Iomraidhean Croise

Genesis 14:20

tánon tehonwanonhwerá꞉ton né Rawenni꞉io né kwáh Thótte, ráonha tahshakoiaʼténhawe ne tesewatátswenʼs ne sahtsaʼná꞉ke!” Tánon ne Abram tahá꞉wen orihwakwé꞉kon ne oieríhaton nié꞉ken.

Genesis 47:24

Tsi niieientwákwas ne wískhaton ié꞉ken Pharaoh ne entetshítson, tánon ne kaié꞉ri niiotatén꞉ron í꞉se kiʼ nenʼ neʼeh sewá꞉wenʼk, ne kanenhaʼshón꞉ʼa ne naonsesewaiénthoʼte tánon ne ne sewatená꞉tshera í꞉ken tánon ní꞉se ó꞉ni ne sewahwá꞉tsireʼs, tánon ne ne raonatená꞉tshera ne seienʼokón꞉ʼas.”

Genesis 47:26

Sók kiʼ ne Só꞉se wahaianerenhserón꞉ni tsi niioterihwatié꞉ren ne tsi ionhontsá꞉ien ne Egypt, tánon shé꞉kon kiʼ nikaianerenhseratátie nón꞉wa wenhniserá꞉te, nétho Pharaoh tsi aó꞉wenʼk nahaiená꞉sheke ne wískhaton nié꞉ken. Ne khók ne raononhóntsa ne ratitsihènstatsiʼs iáh nenʼ ne ʼeh Pharaoh tehoiená꞉ʼon.

2 Chronicles 31:12

tánon akwé꞉kon nathatawí꞉tsheras ó꞉ni nowístas thóh kaiéntat kwáh ioianeréhak tsi waʼteweienhthónhak. Tánon thóh waʼhonwénhteron ne rónhkwe Conaniah ronhwáiats nahatenhnikonhráhren tánon né꞉ne iatatekénha Shimei enʼhosniénon.

Nehemiah 10:29

kí꞉ken tsi nikéntons iatiakwatséste ne ionkihenténhse tsi wahakwariwaní꞉rate, thoʼioron ne karawathátsera tóka shí꞉ken taiakwahiá꞉ke, né꞉tho tsi nenhiatiónhneke ne entioianénhawe ne Ní꞉io raoianerenhserá꞉kon, ne tsi Rawenniio tho꞉wi Mahís, né꞉ne Rawenniio raonhá꞉tshera í꞉ken; né꞉tho tsi kwáh asakwawennaráhkwe oriwakwé꞉kon ne Roiá꞉ner, ne Onkwahiá꞉ner sonkwahianerenhseronhniénhni, tánon kwáh oriwakwé꞉kon enhiakwatewenénton tsi nihariwanóntons.

Nehemiah 10:37

Tánon nenhtewatsérenhte ionkwahteshé꞉ratkenton tánon ne tionkwaiestons tánon ne kahiksón꞉has ne tsi kerí꞉tonʼs, nonenharákeris tánon ne keníes, kwáh kíʼ ienhiakwáhawe raotihénton ne ratiʼtsihénstatsis, ne tsi tkanát꞉taièn ne raonónskon nonkwáh Ní꞉io tánon tsi niwát꞉karhiaks nonhóntsa ne raotirí꞉wake ne Levites, asè꞉ken Levites ronón꞉ha ratiró꞉rokskwe akwé꞉kon tsi nihiót꞉wistonhnihon ne kanatowá꞉nens nonkwahientótsheras.

Nehemiah 10:38

Tánon ne ratiʼtsihénstatsis ne sakoioʼokón꞉ʼahs ne Aaron kwáh kíʼ ne eh enhatikwé꞉konhake ne Levites nónen ne Levites enhattiwistarohró꞉ke; tánon ne Levites kwáh kíʼenthatihawe nowistas tsi rononshó꞉te nonkwáh Ní꞉io thóh tsi ionát꞉tahien ne tsi iewistaièn꞉tahkwah.

Nehemiah 12:44

Ne thóh shiwenhniserá꞉tekwe ronáhtiaʼkes ne ronhnónkwe wahonwatihiaʼtarakwenhá꞉ton thóh tsi ionataién꞉tons tsi iewistaientáhkwa, ne aorihwà꞉ke ne tkaiestánions, né꞉ne tiotierénhton iohiarí꞉hon, tánon noʼwístas. Ronón꞉ha enhatiró꞉roke ne kahetákons ákta ne tsi kanatowá꞉nens ne tsi nikonhátses ne entioianénhawe ne kaianerénhsera, ne raotirihwà꞉ke ratiʼtsihénstatsis tánon ne Levites; asè꞉ken ne Judah wahontonhnarónhnion ne ratiʼtsihénstatsis raotirihwà꞉kes tánon ne Levites tsi ronón꞉ha ronaterahrá꞉ton.

Nehemiah 12:47

Ne shihothenhniseraténionskwe ne Zerubbabel ó꞉ni shiothenhniseraténionskwe ne Nehemiah, onhkweʼtakwé꞉kon Nisraerró꞉nonke thonwaná꞉wiskwe ne tehatirihwákwas tánon ne tehontenhenranónhna tsi nihonawénhkwe iatewenhniserá꞉ke. Tánon wakonwatonhnáherase tsi nahonawénhke ne Levites tánon ne Levites wakonwatonhnáherase nonhné꞉e tsi nahonáhweke ne raonekenhterontsheraʼshón꞉as Aaron.

Nehemiah 13:12

Tánon ratikwé꞉kon ne Judah nón꞉we tahatí꞉hawe nahontahatí꞉ieste noná꞉tsas tánon nonenharákeris tánon ne ronateienónhni thóh tsi iewistaientáhkwas.

Nehemiah 13:5

Tánon raónha rotatkwahthakwénhni ne ionatowá꞉nen né꞉tho tiotierénhton ronstáhkwe tsi nón꞉we nihontakweniaiéns꞉kwe nathatawí꞉tsheras, né꞉ne kanhetanó꞉rons tánon nakerahshón꞉as tánon tsi nitsiakoiéston noná꞉tsas tánon nonenharákeris tánon ne ronhnateienhnón꞉ni, né꞉ne tsi nihonwatinhá꞉hon nahontasakó꞉non ne Levites tánon ne tehatirihwákwas tánon ne tehontenhenranónhna tsi nihonwatikárhiakse ne ratiʼtsihénstatsis.

Malachi 2:4

Sewaterièn꞉tarak, ká꞉ti, tsi iewakatenniéhton kí꞉ken karihwatáhtshera ne tsonhá꞉ke, nétho akaterihwahseronniáhtshera skát꞉ne ne Levi tsi aká꞉take, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Malachi 3:10

Tasewáhahf niakahwistaié꞉rike kanónhskon nononhsatokenhtiʼkowáhne, ne ká꞉ti nakakhwaièn꞉take nakenónhskon, tánon kwáh kiʼ takatenniéhten, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs; satkáhtho tókaʼ kenh iáh thakenenhstonkwahnhotonkwenhá꞉ton ne karonhiá꞉ke ní꞉se sewarihwá꞉ke tánon naontakoniawerón꞉hahse aontawenhrátsheke ne kaiaʼtateríhtshera.

Numbers 18:6

Kwáh Í꞉i khehiatarákwen ne sewatátenons ne Levites tsi skát꞉ke ratinákeres NʼIsraerʼró꞉nons tsi watsionhkwéton níse. Kwáh íken tsi rotirihwatóken tsi nòkwah Ní꞉i, né káti nahónton nahotiʼhióten tsi nihotiʼhiotenhserótens natohserákon.

Numbers 3:6

“Thaʼsehiaténhaf ne rahotiʼtiókwas ne Levites tánon sèhnhan né ronhwaʼhiótens ne Aaron ratsiʼhénsthatsi.

Numbers 31:28

Tsi nahoténsons ne ratisó꞉tar rahonáwenk, sehwatié꞉nawast né꞉ne ahiokaraiéntane ne Roiá꞉ner rahorihwáke né꞉ne tsonkwéta ne wísk tewenhniáʼwe niháti ratinó꞉tons tánon kwáh satehiotónhak ne khontitshéʼnenhs, né tewahóntes, teiotinakarontónʼa, tánon ne kaiatákeras.

Galatians 6:6

Tóhkaʼ thóh ní꞉ioht tsi iesarihonniénni ne kariwiʼiosthóntsera ahoteriwanothátsera, sateriwaiénniʼki neh taihseniʼiéna tsi nahoténsons ne ioʼiáneres ne iesarihonniénni.

Deuteronomy 18:8

Kwáh ki satéhiot tsi enhatiʼié꞉na ne kákhwa tsi ki ní꞉ioht ne ronatià꞉kes rotikhá꞉res, tánon enwá꞉ton nahatié꞉nawatste noʼwísta tsi nahó꞉ten ne rahowá꞉tsire thonwatenienhtén꞉nis.

Hebrews 7:5

Tánon tsi tahawahtsitathátie ne Levi tsi niháti ne ratiʼtsihénstatsis kwáh rohnateriwahiénni tsi nikéntons ne Kaianerénshera nahatiróhroke nonkwé꞉ne noieríhaton tsi nihotí꞉ien ehnónwe ne Israeronónke, ne khók ne ronónha rahononkwetashónha íken, iawerohátien tsi Abraham nónhne nón nithohnatwahtsirínon.