Numbers 18:15 - Ohiatonhseratokénti

¹⁵ “Nenhtewatiérente nenhrenhnákerate ne raksáha khès ne katshénen NÍsraerʼró꞉non entiónhkon íse kíʼ sáwenk íken. Ók ónenk kíʼ tsi enshiéhna ne kakariáktsera nahonshakakariáhkʼtonke nenhthontiérenhte enhonhnákerate ne ratiksahokónhas, tánon ó꞉ni enshiéhna ne kakariáktsera nenhtewatiérenhte enhonnákerate ne katshénen né꞉ne kwáh sihiorihwakáion shiʼhonatkwéniens.

Numbers 18:15 Iomraidhean Croise

2 Kings 12:5

Saʼtiʼiatátʼtsons ne ratitsihénstatsis ronaterihwaiénhni nahontenhnikonráren nowísta né tséhaskwe tsi niʼiákon ne sakoiotenhséhakwe, tánon nowísta né ahónstonhke nahonshakakwahthákwenhke nononsatokentiʼkó꞉wa, tsi naʼtenhwatonhóntsoʼwe.

Nehemiah 10:37

Tánon nenhtewatsérenhte ionkwahteshé꞉ratkenton tánon ne tionkwaiestons tánon ne kahiksón꞉has ne tsi kerí꞉tonʼs, nonenharákeris tánon ne keníes, kwáh kíʼ ienhiakwáhawe raotihénton ne ratiʼtsihénstatsis, ne tsi tkanát꞉taièn ne raonónskon nonkwáh Ní꞉io tánon tsi niwát꞉karhiaks nonhóntsa ne raotirí꞉wake ne Levites, asè꞉ken Levites ronón꞉ha ratiró꞉rokskwe akwé꞉kon tsi nihiót꞉wistonhnihon ne kanatowá꞉nens nonkwahientótsheras.

Exodus 13:15

Nónen ne ronhnonhtí꞉io ne Egypt shiʼhotenonhtsisʼtaniráhtonkwe tánon roʼraiatákwen nashonʼkwátʼkaʼwe, ne Roiá꞉ner wahshaʼkononhwarhiaʼkónhnion ne thoʼnatiérenton roʼnahnakeráhton ne roʼtiskenrahkéthe ne tsi wathonwénhtsaien ne Egypt, thaʼtetsarónhkwen ne ónhkwe ó꞉ni ne kaʼtshénen. Né kíʼ aoríwa tsitewaʼteskonhtánis ne Roiá꞉ner nenhtewatiérenthe enʼrenhnáhkeraʼte ne kaʼtshénen rátsinn, ók kíʼ tsi tewaʼníhnons nenhtonhtiérenthe enhonhnákerathe ne ietʼthihiohoʼkónhas.

Exodus 13:2

“Ieʼtsihiathonʼnahéras ratikwékon ne thonahtierénton roʼnahnakeráton roʼtiskenrakète nakonhàke, asèken ne toʼnahtierenton roʼnahnakeráton ne roʼtiskenrakète ne lsareró꞉nons ó꞉ni ne toʼnahtierénton roʼnahnakeráton ne ratísinn konhtitshénens Í꞉i aká꞉wenk.”

Exodus 22:29

“Táskon tsi níststats ne sanhátsia, ne sanéka ne onenharataʼsehonhtsherákeri, tánon ne sáwenk iakeniewáhtha kènie nónen ienkáhewe. “Táskon ne entewatiérenthe enhonnákerathe ne rotiskenrakéte sehiohokónha.

Exodus 34:20

ók kíʼ ensehsenaskwahnínonh nenhtewatiérenhte enhrenhnákerate ne tewahóntes né ensehtáʼtse ne teiotinakaronhtónʼa owíra ne rahonakʼtáke. Tó꞉ka iáh tahonsaʼsnínon, teʼsheniáriak. Saʼsnínon nenhtewatiérente enrenhnákerate ne raksáʼa. “Iáh ónhka nakʼkhénton tahontáien ne iáh othènen tahionkawíre.

Numbers 18:16

Ne ratiksahokónhas ónenk tsi enshonwatihiatanínon nónen sewenhníta nenhthotíhionke né꞉ne kakariaktseratokénston ne wísk-nikawístake kawistaráken, né꞉ne tsi ní꞉ioht tsi kakariaktsherónhni.

Numbers 3:46

Ne thoʼnatierénhtons roʼnanakerátons ne Isaerʼró꞉nons rahotiʼnekenteronhtsheraʼsónhas tsi ronhwatiʼtiokwahkénhnion ne Levites né꞉ne 273, nikaksáthake tsi ní꞉ioht tsi ronhwatiʼtiokwahkénhnion, ónenk kíʼ tsi ensheʼsetsataninónhnion ne iehotiʼhiathakéh꞉toʼte rahotiʼnekenteronhtseraʼsónhas.

Deuteronomy 15:19

“Ákte natsiénhas ne Roiá꞉ner saʼNí꞉io ratikwékon nentewatié꞉renhte enhonnakerà꞉te ne satshenenhó꞉kons tionhnónskwarons ó꞉ni ne teiotinakarontón꞉a; tó꞉sa sehió꞉tents kí꞉ken tionónhskwarons tánon tó꞉sa ó꞉ni ne skahiáta asehnónhkaron kí꞉ken teiotinakarontón꞉a owí꞉ra.