Numbers 15:4 - Ohiatonhseratokénti

^4-5 Ónhka ne teiotinakaronhtónh꞉ʼa khès ne kaiatákeras iahonwanát꞉kaʼwe nahonwanaʼteskónhten né꞉ne Roiá꞉ner rahorihwáke né saiáta katshénen né enkenikwehonhátie ne tekakhontsheráke othésehra né꞉ne tekhatshétake iakeniewátha kènhie tenhkaiésthonke né꞉ne onátsia aorihwáke tsi ienwatʼkáwenhke, skát꞉ke ne tekatshétake ne onenharatasehontserákeri.

Numbers 15:4 Iomraidhean Croise

Ezra 7:17

“Kwáh tashateweién꞉ton tsi íhsats kí꞉ken oʼwísta tánon ne senaskwahní꞉nont ne té꞉ro, teiotinakaronhtón꞉a ratítsinn, teiotinakaronhtón꞉a owí꞉ras, onátsias, ó꞉ni onenharataʼsehontsherákeri tánon thóh iahásren ne ientsenharákwahke ne Ononsatokentihkó꞉wane ne Jerusalem.

Exodus 29:40

Nentʼthatiérenhthe teiotinakaronhtónʼa rátsinn owíra né tasehwáhest tekakonhtseráke né꞉ne kwáh katʼthesehríio onátsia né thakaiésthonke skatshétha ne aóskon iakenhiewátha kènhie. Skatʼtshétha ne onenharataʼsehontsherákeri tekaiésthonk tsi entisewáiesthe.

Isaiah 66:20

Kwáh enthonwatiʼiaténhaʼwe ratikwéʼkon né sewatátenons ohontsaʼkwékon nón꞉we nenhtʼthónhne tsi enthonwaiésthen né Roiá꞉ner, enhotishá꞉thentse kosáhtens, tánon enhotihonwísere notsiónkwahs, tánon né kanorokwáhere né iokakwenhtón꞉tons, enhotisháthenʼtse tewahóntes, tánon né teiotíkas kontitshénens, akenontatokentíke né Jerusalem nienhónhne, rá꞉ton né Roiá꞉ner, kwáh kí tsi ní꞉ioht né Israerʼró꞉nons tsi tatíhas nonátsas nahontahatí꞉ieste thóh kará꞉tse né iotkwéniens kátʼtshe niaʼhatíhaʼwe raoʼnónskon né Roiá꞉ner.

Ezekiel 46:14

Káti ó꞉ni wísk nikakonhtseráke othésehra ienwatʼkáwen né꞉ne iatehioronhkhetseráke, skátke ne skatʼtséta iakenhiewátha kénhie né꞉ne tahiésesthe nothésehra. Né kaianerénsera nahónhion ne Roiá꞉ner né꞉ne iehiokonhthákwenh tsi eh nenhiotónhake.

Leviticus 1:13

Ónenk tsi ensenó꞉hare ne kahiathaʼkónsons ó꞉ni nonàken kashinakésons, tánon ne ratsihénsthatsi enhotátʼtse ne Roiá꞉ner nahonteskónhthake tánon akwékon enwatʼtsahatónhaʼke ne ietsienharákwahke. Ne tewenhseratheníhons ne tkaiéston kákhwa ne rawerientiʼióstha ne Roiá꞉ner.

Leviticus 14:10

Né shatekónhaton niwenhniserakéhaton ónenk tsi tenihiáse enteshehiaténhaʼwe ne teiotinakaronhtónha tenítsinn owíra tánon skaiáta teiotinakaronhtónha ohné꞉tsien owíra ne nénska tehonoserihiákon né꞉ne kwáh iáh othènen tehotitsihiótare, wísk niʼkakonhtseráke othésehra né꞉ne iakeniewátha kénhie tekaiéston, tánon satekatshetíhen ne iakeniewátha kénhie.

Leviticus 2:1

Nónen ne ónhkak tsi nítsion iaháthate nonátsias ahontaháiesʼte rahonháke ne Roiá꞉ner, ónenk niáreʼkwe tsi ensétʼtheʼte nasatʼthenserónhni. Ónenk tsi iakenieʼwátha kénhie enteshá꞉weron tánon ne kanetanóron

Leviticus 2:15

Iakeniewátha kénhie tétiest tánon onètha éhneken tashá꞉ti.

Leviticus 23:13

Enkenikwekonhátsie kaiéri nikakonhtseráke othèsera iakeniewátha kénhie tenkaiéstonhke né꞉ne ká꞉khwa tsi ienwatkáwenhke. Ne tewenhserateníhons ne iewatkáwen ne rawerentiʼióstha ne Roiá꞉ner. Tánon ó꞉ni ónenk tsi skatʼtshéta onenharatasehontserákeri enkenikwekonhátsie ne ienskát꞉kaʼwe.

Leviticus 3:7

Tó꞉ka teiotinakaronhtónha ientsiátkaʼwe,

Leviticus 6:14

Né tehioterihwasonhterónhnions ne kaianerénsehras né꞉ne onátsias ahorihwáke tsi tsiakoiesthánion. Né Aaronite ratsihénsthatsi ónenk tsi ienháthate nonátsias né tkaiéstons rahohénton ne Roiá꞉nerʼ né꞉ne ohénton ne ieʼtsienharáhkwahke.

Malachi 1:11

Aseʼkénh kwáh tsi nentkarahkwínekenʼne tsi nienhskaráhkwenʼne tsi tshennowá꞉nen ne tsi ienakerénion ne ronnonhontsaʼkehró꞉nonʼs, tánon kwáh tsik nonwé꞉sonʼs tsi enieienʼkwarotónnion nakhsèn꞉nakon, aseʼkènh nakhsèn꞉na tsi kahsennowá꞉nen í꞉ken ne tsi ratinakerénionʼs ne ronnonhontsaʼkehró꞉nonʼs, Rá꞉ton ne Sakoiá꞉ner ne ratironhiaʼkehró꞉nonʼs.

Numbers 28:12

Né onátsia iewatkáwen, iasehwát꞉kaf kaiéri níkon né tekaiestónhak ne iakeniewátha kénhie: né satihiatátshons teró, iáʼiak nikakontseráke othésera, né teiotinakaronhtónʼa rátsinn, 4 nikakonhtseráke;

Numbers 28:4

Saiáta iatshisewát꞉kaf noronkéne tánon ne saiáta né nènhne nokarasnéha nikaháwi,

Numbers 29:6

Né kíʼ iasehwát꞉kaf ne iohiowènhtek ne tiókonhte ionhteskónhtha aorihwáke nenhtewenhniseratiérenhte nenhsewenhnítarane skát꞉ke nonátsia aorihwáke tánon ne onenharatasehontserákeri aorihwáke. Kí꞉ken ká꞉khwas nahónhsera né rawerienhtiʼiostáhkwa ne Roiá꞉ner.

Romans 15:16

Ne tsi rihiótense ne Kerístos Ié꞉sos nakhehiótense ne iáh tehatiʼsitaeronons. Watsióte tsi ní꞉ioht ne ratsihénstatsi ne kateriwahnhótha ne kariwí꞉ios ne Rawenní꞉ioke nitsawénon, ehnahontáwe ne iáh tehotiʼiánere nahontatiatakéna nahontahonwanikonraiériʼte ne Rawenni꞉io, neh tsi nihoriwathokenstén꞉ni ne Ronikonriʼióston ne Rawenni꞉io.

Hebrews 13:16

Tóhsa sewahnikónren nahontesewahriwaʼiérike tsi nahtesewáhteʼre, tioríhwa ne kí꞉ken ne kariwiʼiosehokónhas rawerientiʼiosténnis ne Rawenni꞉io.

Judges 9:9

Né iakenhiewátha karónhta wakʼtariwasehráko, ‘Né nakwatkórasthe, ónenk tsi enkátʼkaʼwe tsi keienónhnis, né꞉ne rónstha nahonwatikwéʼniensʼte ne niʼiohokónhas tánon nonhkweshón꞉has.’