Numbers 14:9 - Ohiatonhseratokénti

⁹ Tó꞉sa tsi sewatenó꞉wenht ne Roiá꞉ner tánon tó꞉sa ietsitsánik nonkweshón꞉ʼas nètho nónhwe thatinákere. Kwáh watiesenhónhwe tsi enietʼtshisénhni. Ne Roiá꞉ner tewakwékonhse tánon shaʼkosénhnion ne niʼiohokónhas ne thonwatíneskwe; káti tó꞉sa sewáteron.”

Numbers 14:9 Iomraidhean Croise

Genesis 48:21

Eʼthó꞉ne ne Israel wahawènhahse ne Só꞉se, “Ó꞉nen thó꞉ha akíheie, ók kiʼ ensenikwekónhake ne Rawenni꞉io tánon ó꞉ni iensiaiaʼténhawe tsi nón꞉we thóh nonhontsá꞉ien ne shasottsheraʼokonkén꞉ʼen.

2 Chronicles 13:12

Rahonhatsíwa ne Ní꞉io tsi sonhkwenhéntenhse tánon ne rahotsihenstatsihókons kénʼen rónhnes ronathateweienhnenhtáhon nahatihonráhwate tánon ne iahiontkhínonhke nahitewaterí꞉io. NʼIsraerʼró꞉nons, iáh né tehonhtirí꞉ios ne Roiá꞉ner, ne Sakoní꞉iokwe ne ietsisokthonkonkénʼen! Iáh tahisewatkwéni!”

2 Chronicles 15:2

tánon thóh niaháre ne tahiatátʼken ne Asa. Iahonáton, “Takwahtahónsatat, Sanontí꞉io Asa, tánon sewakwáhkon ne Judahró꞉nons ó꞉ni ne Benjaminró꞉nons! Ne Roiá꞉ner ensewakwekónhake ki tsi nikaríhwes ní꞉se ensewé꞉rehke nahisewakwekónhake. Tó꞉ka entsisewahiatíshaʼke, iáh thatsisewaríhon natsisewahiatatʼtsénhri, ók kíʼ tó꞉ka entsisewatswathénien, kwáh kíʼ entsisewatewénhtheʼte.

2 Chronicles 20:17

Iáh ní꞉se tatehiotonhontsóhon nahisewaterí꞉io kí꞉ken ateriʼiósera. Kwáh nek khók ne sewathatenakthaserónhnien thóh tesewátanh tánon sewateráh꞉rat; ensewakʼkátho ne Roiá꞉ner entetsítion naʼtesenhniétsera. Tiónhkwe ne Judah ó꞉ni ne Jerusalem, tó꞉sa nahisewarahiátakwe khés nahisewáteronhne. Wáhs iasewaterí꞉io, tánon ne Roiá꞉ner ensewakwekónhake!”

2 Chronicles 32:8

Ónhkwe né akoshastsʼténhsera ró꞉ien, ók ní꞉i Roiá꞉ner onhkwah Ní꞉io enshonkwahiénawaʼse tánon enshonkwahterí꞉iohse.” Nonhkweshón꞉as waʼhakonikonhrahníra tsi nikawenhnoténshons ne ronnonhtí꞉io Hezekiah ne Judah waʼhenrónhnion.

Nehemiah 4:14

Eʼthó꞉ne iakatkáto tánon watettane tánon wahiién꞉hase ne rasennowá꞉nen tánon ne ratikoráhsons tánon ne ronátiaʼkes nonkweshón꞉as, “Tó꞉sa ietsittsánitsek. Tsi sewehiá꞉rak ne teotenonhianì꞉ton tánon rohiatanerákwat Roiá꞉ner, Tánon ietsiiaterí꞉ios ne sewathatekenokónhas tánon ne sewanekenteronhtsherashón꞉as tánon ne ietsiioʼokónhas tsonattonwí꞉sens tánon ne sewaniátkons tánon ne tsi sewanonshó꞉tons.”

Psalms 106:24

Waʼhonterahiátaʼkwe niahontáwehiaʼte ne tsi waʼthonhontsáien, iáh tehotí꞉ien ne tewetákwen ne raorarahtsherákon.

Psalms 121:5

Roiá꞉ner seh ne ianonhnáhtses; ne Roiá꞉ner tsaták꞉ta í꞉rahte ne nahontahiáʼne.

Psalms 14:4

Iáh kén tehonatʼthokhatseráien, ratikwékon né꞉ne rotihióthens ne kariwahetkénhsera, tsi niháti ne sakotiiataratsiónkwas nakonkwetashón꞉ha tsi shí꞉ken ní꞉ioht naotinatárakon, tánon iáh tiehonhwanátons ne Roiá꞉ner?

Psalms 46:11

Ne Roiá꞉ner Roshaststenhserowánen tewakwékonse; ne Raoní꞉io ne Jacob né nonkwatenhénra í꞉ken. Selah

Psalms 46:7

Ne Roiá꞉ner Roshaststenhserowánen tewakwékonse; ne Raoní꞉io ne Jacob né nonkwatenhénra í꞉ken. Selah

Psalms 46:8

Kásehwe sewatkátho tsi nihohiothénhen ne Roiá꞉ner; sewatkátho ne iorihwanerakwahténions tsi nihohiothénʼen nonwenhtsáke.

Psalms 74:14

Í꞉se tesehnontsistarihtánion awenkéha katsinoniowánen; tánon ne rahoierónhta ne wasèhnonte ne kontírio ne iahonwenhtsiatténhake kontiná꞉kere.

Psalms 91:1

Ónka kí꞉ken akénhake thóh nón꞉we nihiakonnhétie tsi niteshakónes ne kwáh éhʼneken tót꞉te ónhka kí꞉ken akénhake tsi nisakohiatanónstats ne roshaststenhseroʼwánen,

Exodus 14:13

Ne Mahís waʼthariwasehráko, “Tó꞉sa sehwaʼteronhiénten! Sehwaʼnikonhraʼnirónhak, tánon ensewatʼkátho tsi nenháiere ne Roiá꞉ner tsi entsiʼsewaʼnóns꞉thate nónhwa wenhniseráte; kwáh iáh shé꞉kon nonhwénhton tahonsaʼietʼtsíken ne Egyptró꞉nons.

Exodus 33:16

Ónh ní꞉ioht tsi ahiakoteriéntarahne tsi serientí꞉ios tsi nókwah kí꞉ken onhkweshón꞉ʼa ó꞉ni ní꞉i tó꞉ka iáh tahítewe? Tsi skátke entewésehke né ienhionkiʼienterésthakwe nó꞉ia nihionkwetó꞉tens ne tsi ionwenhtsiáte.”

Isaiah 1:2

Sathóntek, Ó tsi karonhiáte, tánon satahón꞉satat Ó onwénhtsa; asèken ne Roiá꞉ner rotatíhon: Né ratiksahokónha ne khenónten ó꞉ni kheiehiáron, ók wahonkatkónten.

Isaiah 32:2

Né satihiaʼtatʼtshons thóh nenhatiʼhiathothénhake kwáh né꞉ne tsi nónwe nihiontasehtákwah tsi nitsiowerénha, hiakotaséhton tsi naʼtehioweratáse, kwáh né꞉ne watnekíne tsi nón꞉we niʼhiahontsaʼthen, kwáh né꞉ne iorakwahweʼróston ne katsthenrowánen thóh tsi ahonhontsióskon í꞉ken.

Isaiah 41:10

tó꞉sa sáteron, asèken í꞉i tenikwé꞉kon, tó꞉sa sáteron, asèken í꞉i ne Saní꞉io í꞉ken; Kwáh kí enkonsasténhseron, kwáh kí enkoniénawaʼse, Kwáh kí enkonhiatenháwa né watesenhniétha ne tsi keweientetákwen.

Isaiah 41:14

Tó꞉sa sáteronh, í꞉se notsinonwanhéta Jacob, í꞉se nontsinón꞉wa Israel! Kwáh kí enkonsniénon, rá꞉ton ne Roiá꞉ner; né shiaʼiatákwen né꞉ne Roiatatokénti khók í꞉ken ne Israerʼronónke.

Isaiah 63:10

Ók iáh teonatewenhnará꞉kwen tánon wahonwaʼnikonhrakaréwaʼte né raoʼnikonratokentítshera; né káti wahónhni wathontáʼtsion; kwáh kí rahónha wahonterí꞉io ne ronónha.

Jeremiah 1:19

Nonhkweshón꞉a kwáh enhiesatʼkónhten. Ók kwáh iáh tahieshaʼsénhni, asèken Í꞉i entenikwehkónhake nahontahkónhke. Í꞉i, ne Watiá꞉ner, wakatáhti.”

Jeremiah 42:11

Sátʼkaf tsi ehtsehtʼtsánis ne ronnonhtí꞉io ne Babyloniaró꞉non. Í꞉i tenikwéhkon, tánon enskonniákenʼte tsi nòkwah ne raoshastsʼténsera.

Jeremiah 48:45

Ne iáh othé꞉nen tehatiriwástha rotinatenhá꞉wis wahonteʼnién꞉ten nahititsénri nahontaiákone ne Heshbon nón꞉we. Ne ne Ronnonhtí꞉io Sihon thoʼniarotarónhne, ok teiotonhkwáhkwen. Ó꞉tsire iotsahátons ne tsi karistathátse oni ne tiotenónhtates ne ronteriioseranónwes ónkwes ne Moab nón꞉we nihatinákeres.

Daniel 9:5

“Ionkwarihwané꞉ren, teionkwaterienʼtawenriéʼon. Watkwawénneke tsi nihskwarihwatá꞉ti naʼionkwaióʼten tánon ionkwatahróntion tsi nihskwanaʼtón꞉ni ne tkarihwaié꞉ri.

Daniel 9:9

Í꞉se ne satanitenrátskon ó꞉ni tsisaʼnikónrhehns, iaweronhátien tsi iáh tekwawennaráhkwen.

Numbers 13:30

Ne Caleb washakóristhe nonhkweshón꞉ʼas tsi ronhwarihwakatáti ne Mahís, tánon wahénron, “Ónenh kíʼ iahiethiʼhiatiatónti tánon tewatiénawast nonhónhtsa; iatekaiéri tsi nitewashátste naietʼthisénhni.”

Numbers 17:6

Káti ne Mahís waʼshakowénhnaraʼne NʼIsraerʼró꞉nons, tánon satiʼhiatáʼtshons ne sakotihenténhse wahonwatenhnítsheron, sewatenhnítshera ne shotiʼtiókwas, tékeni-iawénhre níkon norihwakwékon, tánon ne Aaron rahoténhnits iathatí꞉ieste.

Numbers 20:2

Iáh othènen tekanekaiénthakwe tsi nónhwe nahonthenátaien, shók kíʼ nonhkweshón꞉ás wathonwanatiá꞉taton ne Mahís tánon ne Aaron

Numbers 24:8

Rawenni꞉io tetheshaʼkohiatinekénhen ne Egypt nónhwe, Shakoteriʼióse tsi ní꞉ioht ne karhakhónha tehonákares. Shakowénhthos ne tehontáʼtshons, Tehanénstsiake ne rahotistsiensónhas, tenhahiákhon ne rahotiʼiénkwires.

Matthew 1:23

Iah tekanakȣaienteri nenhioȣiraientane; Emmanuel enhonȣanatonkȣe; neh sakat naiahiron Niio teȣakȣekonhatie.

Romans 8:31

Tsi akwékon kíʼ neh tewanontónʼnions, onh nahóten aihtewahkwéni aihtewénron? Tóhkaʼ neh Rawenni꞉io tewakwékon, ónhka káti aiekwéni nahionkihiatʼkónten.

Deuteronomy 1:26

“Ók wesewaterahiàthakwe tsi ní꞉ioht tsi rotró꞉ri ne Roiá꞉ner sewaNí꞉io, tánon iáh étho tiesewénonh ne tsi tiohontsá꞉ien.

Deuteronomy 1:29

“Ók ki wakwahró꞉ri, ‘Tó꞉sa ietsitsaʼnísek thí꞉ken ronhnónkwes.

Deuteronomy 31:6

Kwáh iasewanikonhrakónhtat tánon sewaʼnikonhranirón꞉hak. Tó꞉sa ietshitshà꞉nisek. Ne sewaNí꞉io, ne Roiá꞉ner rahonhatsí꞉wa, ensewakwekónhake. Iáh thatsisewaʼnikonráhthe iáh ó꞉ni thatsisewatiaʼthonthakwáse.”

Deuteronomy 31:8

Ne Roiá꞉ner rahonhatsí꞉wa enhiahéntenhse tánon entiateróhsen. Iáh tathahiaʼnikonriákten iáh ó꞉ni tahiatehwenhthéte, iáh thashaʼnikonhrókten iáh ó꞉ni taeshateronhní꞉sehke.”

Deuteronomy 32:42

Natsienkwéris kwáh ne enwaʼtsánon ne rahotinekwénhsa, tánon nakasharekó꞉wa kwáh enhotinonhwarià꞉kon ratikwé꞉kon nenhiontsiotà꞉tse. Kwáh iáh ónhka takhenónhstate nónhka nahiakwahterí꞉io; iekaníhare ne ronatkarewátons ó꞉ni ne rathinó꞉tons tsi enhonhníhieie.’

Deuteronomy 7:18

Tó꞉sa ietshiʼtshà꞉nisek; sewehiá꞉rak nahó꞉ten ne Roiá꞉ner sewaNí꞉io tsi nihoié꞉raʼse ne ronhnonhtí꞉io ne Egypt nónhwe tánon ratikwé꞉kon ne rahonkweʼtashón꞉a

Deuteronomy 7:21

Káti tó꞉sa ietshiʼtshà꞉nik kí꞉ken onhkweshón꞉a. Ne Roiá꞉ner sewaNí꞉io sewakwé꞉kon ki; rashatstenserowá꞉nen Ní꞉io tánon iatehahiá꞉ti ahó꞉wenk nahonwatiaʼní꞉sheke.

Deuteronomy 9:7

“Tó꞉sa nonhwén꞉ton sasewaʼnikónhren tsi nió꞉re tsi watsisewanaʼkón꞉ni ne Roiá꞉ner ne iahontsathèn꞉ke nónhwe. Ne kwáh sonthontenhniseratié꞉renhte nʼé:ren tontésewehte ne Egypt tsi nió꞉re ne kén꞉en weséhwawe, iáh tesewathontà꞉ton natsisewawenhnaráhkwen.

Philippians 1:27

Neh kwá éhnehken iohthohétsthákwen, ónenk tsi ehthoní꞉ioht tsi ensónʼnheke naiotʼtkweʼnienstónhake ne kariwí꞉ios tsi nòkwa ne Kerístos. Ethòne iahonsakwanatarénase khés ne iáh, Thóh kiʼní꞉ioht tsi enkáronke tsi akwékon neh shesewanikónra íken. Ethoʼní꞉ioht tsi enwakateriéntarake tsi skátne sewaióhte tánon kwá íken tsi tesewaʼniotátie nakorénson nahontahonnéthaʼkwe ne kariwí꞉ios.

Joshua 1:5

Joshua, iáh ónhka thaiekwé꞉ni naieshashén꞉ni kwáh tsi nikarì꞉wes ensónhnheke. Kwáh Í꞉i enteʼnikwekónhake tsi ki nihiothónhne ne Mahís. Kwáh tió꞉konte tsi enteʼnikonhkwéhake; Kwáh iáh nonhwénton takonhiatewenhthè꞉te.

Joshua 14:12

Ó꞉nenh káti, ne táskon ne tsi iononhtharónhnion kanakerahserá꞉ien né꞉tho Roiá꞉ner rakarahratstén꞉ni ne tewenhniserá꞉teʼkwe nakonhkweʼtashón꞉as tánon ní꞉i saiakwatró꞉ri. Waʼkwahró꞉ri né꞉tho ronhnónkwes ronhwatinaʼthónkwa Anakim thóh ratiʼterónhthakwe ne kowá꞉nens watenhénrotes tekawanáktons ne tsi kanatowá꞉nens. Tó꞉ka nón꞉wa ne Roiá꞉ner enhiakeʼnikwekónhake nakhehiaʼtí꞉nekenhwe, kwáh ki tsi niháwen ne Roiá꞉ner.”

Judges 1:22

Né tsi kentsiókwahiens ne Ephraim ó꞉ni ne Manasseh iahónhne tánon iakonhwatsathónhti ne tsi kanatowanénhke ne Bethel, ehʼshiʼkaháwiskwe né konwáiatsʼkwe ne Luz. Ne Roiá꞉ner washakoiénawaʼse. Ronhteriwató꞉rats iahonhwanaténieʼte ne kanatowanénhke.