Numbers 10:1 - Ohiatonhseratokénti

¹ Ne Roiá꞉ner wahawénhase ne Mahís,

Numbers 10:1 Iomraidhean Croise

Genesis 42:13

Waʼhonní꞉ron, “Ní꞉i, í꞉se sahnhatsheraʼshón꞉ʼahs í꞉ken, tékeni iawén꞉re niiakwatateʼkén꞉ʼa, ne shonkwaienʼoʼkón꞉ʼahs ne ronkweʼtató꞉ken khók ne tsi ionhontsá꞉ien ne Canaan raná꞉kere; ne kwáh kenʼ niehrá꞉ʼa, tsi niiótha, shakwaʼníha neʼ thnikwé꞉kon, tánon ne shaià꞉ta iáh neʼ ó꞉nen tesrónhnhe.”

Genesis 46:15

(Ne kí꞉ken raotinekenhteronʼtsheraʼshón꞉ʼahs ne Leah tánon ne Jacob, tho tsi watonhontsá꞉ien ne Paddan-aram nón꞉we nihonanakerá꞉ton, skátne ne sakoién꞉ʼa Dinah; ne tiokwékton raonekenhteronʼtsheraʼshón꞉ʼahs ó꞉ni ne tsonathonwí꞉senʼs shakoioʼokón꞉ʼahs ahsen-niwáhsen áhsen nihá꞉ti).

2 Samuel 6:15

Káti ne Táwit tánon ratikwé꞉kon NʼIsraeró꞉nons tahatíhawe ne raoneró꞉kwah ne raoteriwaseronniátshera ne Roiá꞉ner tsi nateotihenré꞉tha, tánon tsi nikawénhnhote ne ieonrawátstha.

2 Kings 11:14

Thóh nón꞉we nahó꞉ken nonontiʼiotseráse kanawahatátʼtha í꞉rate né tsi ieiontaweiathá꞉kwa Nononsatokentiʼkówane, tsi thóh nikaianerenseró꞉tenhne. Né tehonwaʼtsathá꞉tonhkwe ne ratisenhnowánens tánon ne ratihonráwats, tánon nonkweʼshón꞉as teiakohenréta tsi niʼiakotsenhnónhni tánon iakohonrawáton. Né Athaliah wáʼkarátion nahotserón꞉niat né tsi nontakanikónrenhne tánon watsohénrete, “Kanikonráton! Kanikonráʼton!”

2 Chronicles 23:13

Thóh nón꞉we nahó꞉ken nonontiʼiohtsheráse tsi iehionthawehiathákwa Nononsatokentiʼkówaʼne, kanawaʼhatátʼta í꞉rate tsi nón꞉we nihonwatirahkwénhni ne rontinontí꞉ios tánon ne tehonwaʼtiathátons ne ronhterí꞉ios ratisenhnowánens tánon ne ratihonráhkwats. Onhkweʼtakwé꞉kon tehiakohenré꞉tha tsi nihiakotonhnáhere tánon rotihón꞉rahwaton, tánon ne Ononsatokentiʼkówaʼne ronhterenhnó꞉tas ratihawáhnions ne ronhterenhnothakwahsónhas ronónha ratihénte tsi niwatenikonhró꞉ri. Waʼkaráhtion nahotierónhniat tsi nontakanikónhrenhne tánon watiohénrehte, “Kanikonráton! Kanikonráton!”

2 Chronicles 7:6

Né ratitsihénstatsis thoʼnónwe nihatíthakwe tsi kíʼ nón꞉we nihonwatihnaktarakwénhni, tánon ne tehontatkonhsakánere ne Leviró꞉nons, tehonwanonhweratónhnions ne Roiá꞉ner tsi nihonaterenhnó꞉tons ne ionterenhnothakwahsónhas nètho Ronnontí꞉io Táwit totʼkáwenh tánon tehotirihwakwáhnion, “Né raononhronhkwáhtshera né꞉ne tsi nénhwe enkénhake!” né tsi nishakonáhon ne Táwit. Né ratitsihénstatsis wahatihonhráwaʼte tsi náhe nonhkweʼshón꞉as thóh iéthaʼkwe.

Ezra 3:10

Nó꞉nen ne ratinonhsón꞉nis tahontháhsawen nahonhnón꞉ni tsi wahatitstenhrakwenhtháro tsi nón꞉we nenhkonhwénhskwahre Nononhsatokentihkó꞉wa, ne ratitsihénstatsis wakóses ronátstons wathatí꞉taʼne tánon iehonrawátstas ratihawánion, tánon ne Levites né꞉ne tsi ratitióhkwaien ne Asaph thóh wathatí꞉taʼne tehiotwashakwenón꞉ni ratí꞉hawe. Wahonwashén꞉naien ne Roiá꞉ner né tahiohianénhawe ne waterenhnothasónhas tsi nithonwaná꞉wi ne shihotenhniserathénionhkwe ne Ronhnonhtí꞉iokwe Táwit.

Psalms 47:5

Né Rawenni꞉io ionsahattharáthate raonitskwárane ionhsahá꞉tien. Tehiakohenrétha tsi nihiakoktsienhnónhni, tánon ne ronhterenhnót꞉tha rotihonrawáʼton tsi nonhsahattharáthate ne Roiá꞉ner.

Psalms 81:3

Sewaʼhonráwat nó꞉nen enskarakwáraʼne, nó꞉nen ieiorakwaieríhon, né tsi nitewaʼtenikonhró꞉ris.

Psalms 98:6

Né꞉ne iehonrawátstha tánon ne teiotinakaronhtónha onákare í꞉sewatst tsi sewaʼterenhnóten tánon tesewaʼhénret natsenhnonhniátsheras raohénton ne Ronnonhtí꞉io, né꞉ne Roiá꞉ner.

Numbers 1:52

Né꞉ne roʼnátsiakes NʼIsraerʼró꞉nons enshontohsehrakétsko, skenhtiokwá꞉tshon tsi skenhtiokwáʼtshon, saiáta ne rónhkwe skát꞉ke ne rahotiókwa tánon né rahónha rahoniaʼtará꞉ʼa.

Numbers 10:2

“Tèkeni sonhniánion ne kawistarákens kahonrawatsʼkówa né꞉ne karistonhniáton íken né ahónsthonke niaʼhionhtatinónhksehke nonhkweshón꞉ʼas nahionhtatiaʼtarohró꞉rohke tánon nahonshaʼhontosehrohtáko.

Numbers 29:1

Nenhtewatenhniseratiérenhte ne tsatákhaton niwenhnítare ensehwatiataróhroʼke naisewaterénhnaien, tánon kwáh iáh othènen takahioténhʼen. Né wenhniseráte ne iehonrawátstha enhonterenhnóten.

Numbers 7:2

Ethòne ne tsi ratitáraien nohénton iehonhnéton tsi ronónha sakotiʼhenténhse tsi ratiʼtiókwaien NÍsraerʼró꞉nonke, né sahaʼtihiáta ronateríhonte nasakotiʼsenhnarónʼnion,

Numbers 9:23

Enhonhnátaien tánon tenhshonʼnáthaʼkwe tsi roʼnatewenhnarakwenhátie tsi kíʼ nihoríhonte ne Roiá꞉ner ne Mahís.

Matthew 24:31

Nok entesakotori ne raoronhiakorononokon, neok nenthatihonraȣate tsi ensakotiiataroroke ne Sakoiataȣen tetsiaronkȣen tsi ieiotonȣentsiokta nihon.

Joshua 6:4

Tsáta niháti ró꞉thikares, satihiatatʼtions ratihawinonhtie ne kahonrawatskowah, né꞉ne ohénton nienhonhne ne ateriwaserón꞉niatshera oneró꞉kwa. Né tsathakhaton nenhwenhniserateke níse tánon ne ronhterí꞉ios tsi ensehwanenhrahseronhni tsi tensewanathatase ne kanató꞉wanenhke né꞉ne tsáta nihioriwá꞉ke tsi nikaríwes ró꞉tihonrawaton ne ró꞉thikhares.

Revelation 8:2

Tánon wakhé꞉ken ne tsá꞉ta nihá꞉ti ratironhiakeró꞉nons ronón꞉ha thóh rón꞉nete raohénton ne Ní꞉io, tánon tsá꞉ta ní꞉kons tahonwénhnon iehonrawátsta.

Judges 7:20

tánon nóia tehotitsókwahkes thóh nònhne nahatí꞉iere. Rathikwékon rathihawánion né sathinekwáhti nahontsanátis ne wateienatsahátha, ne iehonrawatsʼthákwah shatiweienhthethákwen nènhne nokwáhti rathihawánionhkwe, tánon tehotihenrenhta, “Né nasarekówa ne Roiá꞉ner rahorihwáke tánon ne Gideon!”