Numbers 1:3 - Ohiatonhseratokénti

³ né꞉ne tewáhsen natehonosehriʼiákons tó꞉ka ó꞉ni ne sénha thoʼtíh꞉ions né nahónton nahonkʼtsiotharónhni.

Numbers 1:3 Iomraidhean Croise

2 Samuel 24:9

Ne Joab wahoronhkáten ne ronnontí꞉io tsi nihiá꞉kon wahonwatisenhnarónhnion: ne Israerʼronónke shatékon tewenhniáwe tehonhnenhniaʼwehetsheráhsen nihá꞉ti ronterí꞉ios ne ne roʼtikwénion ne tahonsárakwe, tánon ne Judah nón꞉we wísk tewenhniáwe tehonnenhniawehetsheráhsen.

1 Chronicles 5:18

Né tsi ratiʼtsiókwahien ne Reuben, Gad, tánon ne Tsit-karakwínekens Nòkwahti ne Manasseh 44,760 nihá꞉tiʼkwe ne ronterí꞉ios, né kwáh karihonhniénhni náhonste ne tekaniatástha, asareʼkó꞉wa, tánon naʼén꞉nas.

2 Chronicles 25:5

Né Ronnontí꞉io Amaziah washakonenhrahserónhni ratikwé꞉kon ne ronhnónkwe né tsi kentiókwahien ne Judah ó꞉ni ne Benjamin né꞉ne ronhterí꞉ios washakotsiokonhniánions, né tahiohianénhawe tsi nihotitaroténhsons tsi nón꞉we nihatihiátare, tánon washakorihonhtónhnions ne ratisenhnowánenhs né tsi kenhtiokwahiéntons né꞉ne tewenhniawehetsherásens niháti tánon nénskaʼtewenhniáwes nihátis ne skenstiokwátʼtsons. Thóh rahtihiátare ne tewásenh tehonoserihiákons khés ne sénha thotíhions, 300.000 nihátikwe né tiokwék꞉ton. Né꞉ne kaiataráhkwens ne ronhterí꞉ios, ronathateweienhnenhtáhon nahteriʼioseráke niahónhne, rotirenhnáhons náhonste nosí꞉kwahras ó꞉ni ne tehioniatasthákwahs.

Exodus 12:17

Sewakwéniens kíʼ wenhtanóron, tsioríwa tsi né wenhniseráte tethekhehiatinekénʼen ne sewentiókwas ne Egypt nónwe. Asèken tiokónthe tsi nienskáheʼwe ónenk tsi sahsewenhtanórons kí꞉ken wenhniseráʼte tsi saʼsewakʼkwáren.

Exodus 30:14

Onhkweʼtakwékon ne hiontʼtathaʼséhton tsi iakotatʼtsénhnare, né tsi, iatehionkwétaʼke ne ronónhkwe ne tewásen natehoʼnosehrihiákons tó꞉ka ó꞉ni sénha thotíhions, enhionkʼkháʼrhiakʼse tsi nihioká꞉ra.

Exodus 38:26

Tsi niakanonhtárahne kí꞉ken iahónwe noriwakwékon onhtkáriakʼthe né nonhkweʼtakwékon iakotatʼtsénhnare tsi nihonwanaséhton, tionkwetatshons wahekárhiake tsi niwateriwanónhtons, tsi kakonhtseríhare ne tsoianénha ne kaientéri iekonhtseriharáhkwa. 603,550 nihátikwe ne ronhnónhkwe, né꞉ne tewáhsen tehononhserihiákonhs tó꞉ka ó꞉ni sénha thotíʼhionskwe né rathisénhnare tsi waséhton.

Numbers 14:29

Kwáh ensíheie tánon ne saierónhta tenhwareniátonke ne karakonhkówa. Tsioríhwa tsi waskerihwakátaʼtshe, iáh ónhka ne tsi nítsionh ne tewáhsenh natehonosehrihiákon iáh nonhwénhton tsahisewatáwehiate nètho nónhwe tsionhontsáien.

Numbers 26:2

“Sehsenhnarónhnion skawatsiráʼtshons ne kanakeraserakwékon (nihonhitiokwaróroke) ne Israerʼronónke, ratiʼkwékon ne ronhnónhkwe ne tewáhsen natehonosehrihiákons khès ne sénha thohtí꞉ions né iatekaiéri tsi nihonathakaríhte nahontsotharónhni.”

Numbers 3:15

nashaʼkosenhnarónhnion ne Levites né꞉ne tsi nihotiʼtaró꞉tens ó꞉ni tsi nihatiʼwatsiró꞉tens, shaʼkosénhnaren ne iatekakʼshá꞉thake né sewenhnítha nahontahó꞉hionke khès ne sénha ahontaʼhóʼionhke,

Numbers 32:11

‘Waʼkaráratste né aoríhwa tsi iáh tiehothikonhtákwen tehotirihwatóken nakonháke, kwáh iáh ónhka ne tewá꞉sen natahahoserihiákon khès ne sénha ahonthahóhionke né Egypt natethawénon tsi iáh tsiá꞉re ne tsi tsohontsáien né khehiararatsʼténhni ne Abraham, Isaac, tánon ne Jacob.’

Numbers 33:1

Né kí꞉ken tsi nihotisenhnoténsons né waʼtenathaiéntons NʼIsraerʼró꞉nons tsi nonhwéson nihonathatosehró꞉takwe tsi nonhtahontʼthahíne ne Egypt shaʼthontahonténhti né rahotitiókwas né꞉ne Mahís tánon ne Aaron waʼshakotihéntenhse.

Numbers 4:3

tánon ratiʼkwékon ashaʼkotisenhnaʼrónhnion ne ronhnónhkwe né꞉ne tsi natetiátere ne áhsen-niwáhsen wísk tánon ne wísk niwáhsen natehonoʼsehrihiákons né꞉ne ratiʼrihwaientéri nahotihióten natohsehrákon tsi nónhwe nihénteron ne Roiá꞉ner.

Deuteronomy 24:5

“Nó꞉nen ne rónhkwe ón꞉wa kók roniákon, iáh tiahonwaténiehte nahaterihió꞉sera tó꞉ka ó꞉ni ne ó꞉ia nikahioʼtensehró꞉ten ahonwánhane, kwáh ki tsóshera nikarì꞉wes tsi enhonwahiaʼtontáko ne thé꞉nen ahonshahaterihónten, ne káti naónton tsi ronónhsote ahenʼteróntake tánon ne tení꞉teron nahontashakoʼnikonhraié꞉riʼte.

Deuteronomy 3:18

“Tánon óksak, Wakheró꞉ri ne ronhnónkwes ne Reubenʼró꞉nonhs, Gadró꞉nonhs, tánon ne shaʼtehotitiohkwí꞉hen ne Manasseh: ‘Ne Roiá꞉ner ónhkwa Ní꞉io thaʼtsisewáwi kí꞉ken ohóntsa ne nà꞉kon nokwá꞉ti iotohetstákwen ne Jordan nahisewatié꞉nawatste. O꞉nen taieʼtsí꞉ion ne ionterihiostákwas ne tionkweʼtashón꞉as ronhterí꞉ios tánon iaihtsihiaté꞉niet tehatihiáiak ne Jordan ohén꞉ton ne otià꞉kes kentió꞉kwas ne Israerʼró꞉nons, naieʼtsisnié꞉non nahontié꞉nawatste nohóntsa.