Numbers 1:1 - Ohiatonhseratokénti

¹ Ne tiotenhniseraʼtsherénhton ne tekeníhaton wenhnítare né tekeníhaton ioseráte nó꞉nen nonhkweshón꞉ʼas NIsraerʼronónke èhren shonhsahónnete ne Egypt, ne Roiá꞉ner wahothárase ne Mahís thóh rahothohserákon tsi nónhwe nihenténhron ne Roiá꞉ner né꞉ne iahonwentsaʼthènke ne Sinai nónhwe. Wahénron,

Numbers 1:1 Iomraidhean Croise

1 Kings 6:1

Kaiéri tewenhniáwe nihiosehráke shiʼtiotohétston nonhkweshón꞉as Nisraerʼró꞉nons shaʼtethonathénhtion ne Egypt, né꞉ne kaiéri nihiosehráke nikaríhwes shiʼhononhtí꞉io ne Solomon ne Israerʼró꞉nonke, né tekeníhaton siwenhnithakéhaton, né꞉ne Ziv siwenhnítarahkwe, ne Solomon tahatháshawen wahanonhsónhni Nononhsatokentiʼkówa.

Exodus 19:1

NIsraerʼró꞉nons èhren sahonhnéthe ne Rephidim nónhwe, tánon sonthontenhniseratiéʼrente ne asenháton siwenhnitaʼkéhaton né nónen sathethotihiakénʼen ne Egypt iahónhneʼwe ne kahentaʼkekowàhne ne Sinai. Thóh nónhwe nahonthatoʼsehróten tsi iononhthaientáhon ne tsi ionónhte ne Sinai,

Exodus 25:22

Kwáh thóh nónhwe naʼtenʼtiatátken, tánon thóh é꞉neken natenontekʼtàke tsi natehiátere ne tèkeni teniʼnerahóntshonʼte ne tehnónne kwáh entkónion akwékon natianerénsheras né꞉ne lsraerʼró꞉nens raotiriwàhke.

Exodus 40:17

Káti ne sonhthonʼtenhniseraʼtiérente ne tsiotierénton shiʼwenhnitakéhaton ne tekeníhaton shiʼhiosehráte né shaʼthonthahonténhti ne Egypt, Natóhsera tsi nónhwe nihéntheron ne Roiá꞉ner wahʼonthoserakétsko.

Exodus 40:2

“Nentewaʼtenhniseratiérenʼthe ne tsiotierén꞉ton wenhní꞉tare saʼtoserakétsko tsi nónhwe nihénteron ne Roiá꞉ner.

Leviticus 1:1

Ne Roiá꞉ner atohsehrákon tahawenhnhínekenʼne tsi nónhwe nihénteron, Mahís iahó꞉nonhke tánon tahá꞉wenh ne tekontahsonhterónh꞉nions kaianerénhseras

Leviticus 27:34

Ne kí꞉ken ne atsiawenhráseras nètho Roiá꞉ner thó꞉wi ne Mahís ne tsi tsonónhte ne Sinai né꞉ne onhkweshón꞉as Nisraerʼró꞉nonhke akorihwáke.

Numbers 1:18

kanakeraserakwékon washaʼkotihiataróhroke né꞉ne tioʼtenhniseratierénhton ne tekeníhaton wenhnítare tánon washaʼkotisenhnarónhnion onhkwetakwékon né꞉ne tsi nihothiʼtarótens tánon tsi nihatiwatsiró꞉tens. Tsi nihothisenhnótensons rathikwékon ne ronhnónhkwe né꞉ne tewásenh natehonosehrihiákons tánon ne ronathawenhráton wahonwathisénhnaren tánon wahonwanásehte,

Numbers 12:4

Thontaiawénhstsi ne Roiá꞉ner wahawénhase ne Mahís, ne Aaron tánon ne Miriam, “Tewakatonhontsóni kíʼ áhsen nítsion natohsehrákon nahonhtésehwe tsi nónhwe nikíteron.” Thóh wahónhnheʼte,

Numbers 9:1

Ne Roiá꞉ner wahotháraʼse ne Mahís né iahonwenhtsaʼthènke ne Sinai nónhwe né꞉ne tsiotenhniʼtatierénhton né tehiosehrakéhaton nó꞉nen nonhkweshón꞉ʼas NÍsraerʼró꞉nonke shaʼtethonaténhtion ne Egypt. Wahénron,

Deuteronomy 1:3

Ne tsiotenhniseraʼtserénhton né꞉ne énska-iawénhre shiwenhniʼtakéhaton né꞉ne kaiéri-niwáshen shihioserakéhate ne nó꞉nen shatetonahténhtion ne Egypt, Mahís washakohró꞉ri nonhkweʼshón꞉a orihwakwé꞉kon tsi nihonà꞉on ne Roiá꞉ner nashakohró꞉ri.

Deuteronomy 2:14

Ne kí꞉ken ne áshen-niwáhsen shaʼtékon nihiosherá꞉ke tsi náhe éhren tionhkwéton ne Kadesh Barnea. Ratikwé꞉kon ne ronhterí꞉ios nétho sonhtakenhá꞉wi ronenhé꞉ion, kwáh ki tsi niháwenh ne Roiá꞉ner tsi thóh nenhiáwenhne.

Deuteronomy 2:7

“Sehwehiá꞉rak tsi ní꞉ioht ne Roiá꞉ner sewaNí꞉io tsi eʼtsisewahiataʼteríston né kwák tsi nahisehwatiérake. Waʼtsisewatenhnikònhraren tsi watesewatawénhrie tsi niahí꞉sehwe ne kén꞉en ne tehiotenonhianì꞉ton ahonwenhtsiathèn꞉ke. Sehwakwekonʼhátieskwe né꞉ne kaiéri-niwáshen nihioserà꞉ke nikarí꞉wes, tánon akwé꞉kon niesehwaiéntaʼkwe tsi natesehwatonhontsóni.