Matthew 1:1 - Ohiatonhseratokénti

¹ KENH Kaiaton tsinithotenekȣensinon ne Iesos-Keristos, David roienha, Abraham roienha.

Neh Nase Tsi Shokȣatakȣen 1880 (4 Gospels by Joseph Onasakenrat)

¹ KENH Kaiaton tsinithotenekȣensinon ne Iesos-Keristos. David roienha, Abraham roienha.

Matthew 1:1 Iomraidhean Croise

Genesis 12:3

Enkheiaʼtaté꞉rihste, nónhka eniesaiaʼtaté꞉rihste, ók enkhehré꞉wahte nónhka aiesahré꞉wahteʼ; tánon sonhá꞉ke non néntewe ne tsi iehwatsiraién꞉ton nonkwehshón꞉ha naiakoiaʼtaté꞉rihsteʼ tsi ionhwentsáte.”

Genesis 2:4

Tánon eʼthó ká꞉ti ní꞉ioht ne Rawenni꞉io tsi róhshon tsi ionhwentsá꞉te ó꞉ni ne tsi karonhiá꞉te. Nó꞉nen ne Roiá꞉ner Rawenni꞉io sharonwentsí꞉sa ó꞉ni shaharonhísa,

Genesis 22:18

Kwáh ohontsakwé꞉kon nonkwehshón꞉ʼa enionkeriʼwanón꞉tonhse nakheiaʼtaté꞉riste, tsi kiʼ nikheiaʼtateríston ne sahwá꞉tsire ne tiorí꞉wa tsi takewennaráhkwen.”

Genesis 5:1

Ne kí꞉ken ne ratihsennaʼrónnion tsi wahahwatsiratátie ne Á꞉ton. Nó꞉nen ne Rawenni꞉io sahshakoiaʼtón꞉ni nonkweʼshón꞉ʼa, kwáh thó ní꞉ioht tsi shakoiaʼtíson tsi níhát꞉katotseró꞉ten ne raónha.

Psalms 132:11

Kwáh í꞉ken tsi iorihwaʼníron tsi nitsiararáts꞉tenhni ne Táwit né꞉ne kwáh iáh thahakwéni tahá꞉hiaʼke: “Saiáta ne sanekenterónhtshera enhinonhtí꞉iosʼte, tánon kwáh enhatkórasʼte nónenh ensenhéhionke.

Psalms 89:3

Waʼshí꞉ron, “Wát꞉shon naterihwaʼseronniátshera skát꞉ne ne Táwit tsi rahónha rihiatará꞉kwen, tánon sénha ishiʼnónwe níken, waʼkerihwaniráton tsi enwaʼkerihwatókenhake ne rahonháke:

Psalms 89:36

Kwáh tsiókonte tsi enhawaʼtsirahthátse, tánon kwáh enkathenhnikonhráren ne raonakerásehra tsi nikaríhwes enkarahkokʼthá꞉ke.

Isaiah 11:1

Né thenkarénharon kwáh thóh nón꞉we nènhtewe tsi thóh iotsinahá꞉rote ne Jesse, tánon nonàhte kwáh thóh entewatehiáron nahoterá꞉ke.

Isaiah 53:8

Tsi iotkarenhrakwáhton ne kariwakwahrihshióntshera iehonwaiathénha. Ónka iahiakóhe tsi niahawenonhátie? Asèken ronwahiák꞉se ne tsi watonhóntsaien ne iakonʼnhehónwe, né roiénton ne raoʼtirihwaneraháktsheras nakonkwetaʼshón꞉has.

Jeremiah 23:5

Ne Roiá꞉ner ráton, “Táwe nekawistáheks nónen enhihiaʼtaráko ahononhtí꞉ioʼke ne tronkwetaʼiéri tsi nitotwatsirínonh ne Táwit. Nètho ronnonhtí꞉io kwáh kariwaʼkwahrishonʼtsherákon tsi enhashá꞉riʼne ó꞉ni thóhʼnenháiere ne tkariwaiéri ó꞉ni ne kaiáneren ne ne kwáh ohontsakwékon.

Jeremiah 33:26

Tánon kwáh tsi nihioriwí꞉io tsi kíʼ ehʼniwahtiéren, káti kwáh iáh nonhwénhton tsiaʼkhehiatewénhtheʼte tsi nienhatwahtsiríʼne ne Jacob ó꞉ni ne akhenhátshera Táwit raowáhtsireh. Kwáh sahiáta enhihiatharáhko ne Táwit raowáhtsireh nahshaʼkotkórasʼthe ne Abraham raowáhtsireh, ó꞉ni ne Isaac, tánon ne Jacob. Kwáh enkheténrahke naʼkonhkwetaʼshón꞉a tánon enkhehiónnien ne shé꞉kon ahonsahotiʼhianerásten.”

Amos 9:11

Ne thóh entewenhniserá꞉teke kwáh kí ensetkétsko ne tsi rotaskwahkárenhre ne Táwit ne iorieniénhen, tánon ensetkwahtáko tsi natehiorí꞉hon, tánon ensetkétsko ne iorihwenhtáhserons, tánon enskenonsónhni kwáh tsi nitsotónhne ne wahón꞉nise tkénhne;

Zechariah 12:8

Ne nenhkahá꞉wike ne Roiá꞉ner enteshá꞉kone tsi nihiá꞉kon ne Jerusalem nón꞉we nihienákere, shé꞉kon ne kwáh tiakotsihióha thóh nenhieshátstehke tsi nihiothónhne ne Táwit. Tsi nienhontwatsirí꞉ne ne Táwit rahowá꞉tsire enshakothihenténhse tsi ní꞉ioht ne Roiá꞉ner rahoronhiakeró꞉nonh, kwáh thóh nenhiothónhake tsi shí꞉ken ní꞉ioht ne kwáh raónha Ní꞉io akénhake.

Matthew 1:18

Kenh niiaȣenhon tsi ronakeraton ne Iesos-Keristos: Onȣari ne ronistenha, Sose ronȣatiniaktenhni; ok taontierentsi onen oia niionnhoten, areko ok ohseronni siniteron eh nithoteȣeiennonni ne Rotkon-Roiatato Kenti.

Matthew 1:2

Abraham roienha ne Isaak; Isaak roienha ne Jacob; Jacob roienha ne Judah tanon ne rontatekenhokonha.

Matthew 15:22

Skaiatat tsiothonȣisen eh ȣahoketote Kanaanronon nakaiatoten eh nonȣe nikanakerekȣe, ȣatiohenrete ȣakenron: Saianer! David Iaienha! askitenre; iakotentsihon keienha otkonseraksen iakotienni.

Matthew 3:16

Nok nonen Sahatenekȣaheste, Satontahateskoko; nensok tontonteronhiakhasi, nok ne Saȣatis ȣahoken ne Niio Rahonikonratokenti Orite rotiatontakȣenhatie Karonhiake nontare.

Matthew 9:27

Onen shihotoheststonhatie ne Iesos, teniiase tenironȣekon ȣahonȣanonterane, tehotihenretane, iatonne: David Iaienha! takenitenr.

Luke 1:33

Nok enhonontiioke tsiniienhenȣe tsi henhaȣatsiratatie ne Jacob; nok iah nonȣenton tiiaontokten ne rahonakerasera.

John 7:42

Iah kenh naha teȣaton ne kaiatonseratokenti, tsi Taȣit raȣatsirakon nentre ne Keristos, tsi oni tiohnatakȣenrare ne Bethlehem, tsi nonȣe nihanakerekȣe ne Taȣit.

Acts 2:30

Rothokenséhaʼkwe, tánon roteriéntaraʼkwe tsi nahóten rorahratsʼtén꞉ni ne Rawenni꞉io: Rawenni꞉io rorahrátsʼton sahiátat ne Táwit rahowátsire enhatenontí꞉iosʼthe, kwáh tsi ní꞉ioht thón꞉ne ne Táwit.

Romans 1:3

Ne seh kariwaientákwen neh Roiénha, Sonkwaiáner Ié꞉sos Kerístos; tánon tsi nithotenekwensinon, tsi rawenʼnakeráton neh꞉ne Táwit non tahawatsiratátie;

Romans 4:13

Rawenni꞉io rhorahrastén꞉ni ne Abraham tánon ne sakotereʼonkónhas ronónha rahonáwenk watónsere tsi ionwentsiáte, Ne karahratsthátsera tsi iothéson, iáh neh tehiorihónni ne Abraham tsi ratewennarákwaʼkwe ne kaianerénsera, nók neh iorihónni ne tsi tawethákwenʼne ne Rawenni꞉io ó꞉ni wahonwakwéniensʼte tsi síken ní꞉ioht nahothonkwetakwarísion.

Romans 9:5

thóhʼnon tahathiwatsiratátie neh kwáh rononkweʼtowaʼnénskwe ne Hebrews; tánon ne Kerístos, tsi ónkwe ihken neh sahothitsiókwa. Aiáwens ne Rawenni꞉io tsi rahónha akwékon sakoháwi, tsi nénwe aionwasennaʼiénseke!

Galatians 3:16

Neh, Rawenni꞉io tsi niʼohrahratsʼténni ne Abraham tánon saiáta ne rahowátsire. Noriwatokénti iáh tewástha ne “iakotiokowánen,” Kíʼ owénna “tionkwétak khók” rótons, tánon nètho rónkwe nehne Kerístos.

1 Timothy 2:5

Asèken saiátak ne Ní꞉io, tánon kwáh saiátak skátʼke sakahónʼnis ne Ní꞉io tánon nonkwesónhas, nètho rónkwe neh꞉ne Kerístos Ié꞉sos,

2 Timothy 2:8

Tiehiárak ne Ié꞉sos Kerístos, tsi sonwahkétskwen ne kenheiátʼne, Táwit nón nithotwahtsirínon, tsi nihionkwarihonniénnis ne kariwí꞉ios tsi nikaterihwanótʼtha.

Revelation 22:16

“Kwáh Í꞉ih, Ié꞉sos, iehí꞉hiatenieton naʼkeronhiá꞉keró꞉non ne tionhá꞉ke ne naʼsakó꞉rihowahnhaten tsi ionterenhná꞉ientakwas. Í꞉ih notera í꞉ken ó꞉ni thóh nitewaʼká꞉tenekwenhsinon rahón꞉hake ne Táwit, ne ne teioswát꞉te tewenhtenhawí꞉tha otsisto.”