Luke 1:6 - Ohiatonhseratokénti

⁶ Nok rotiianerekȣe rahohenton ne Niio, oriȣakȣekon oni rotiriȣaieritonhatiene tsini ȣatenienten oni tsini kariȣataton ne Roianer raoriȣasonha, iah tehotinnhiseraien.

Neh Nase Tsi Shokȣatakȣen 1880 (4 Gospels by Joseph Onasakenrat)

⁶ Nok rotiiancrekȣo rahohenton ne Niio, oriȣa-kȣekon oni rotiriȣaioritonhatiene tsini ȣatenienten oni tsini kariȣataton ne Roianer raoriȣasonha, iah teho-tinnhiseraien.

Luke 1:6 Iomraidhean Croise

Genesis 17:1

Ne nó꞉nen ne Abram tióhton niwáhsen tánon tióh-ton shaʼtehaohseriiá꞉kon, ne Roiá꞉ner wahototáhshien ne Abram tánon wahawènhahse, “I꞉i ne Ní꞉io wakeʼshaststenhserowá꞉nen; takewèn꞉narahk tánon kwáh tóhsa ohthé꞉non iesarihwatshènriaʼs.

Genesis 6:9

Né ki꞉ken tsi niehotwatsiríhnon ne Noah. Ne Noah kwáh íken tsi tronkwetaiérihkwe, iáh othénnen tahonwarihwatsénhriase tsi nihothenhnisehraténionkwe; ne Noah skátne tehiatekhahakwahkwe ne Rawenni꞉io.

Genesis 7:1

Ethò꞉ne ne Roiá꞉ner wahawénhase ne Noah, “Wá꞉s kahón꞉wakon iashatíta, í꞉se tánon ne swatsirekwé꞉kon, asèkenʼh waʼkatkátho tsi shón꞉hahak khók tehshonkweʼtaié꞉ri nakhén꞉ton nón꞉wa nikaháwi.

1 Kings 15:5

Né Roiá꞉ner né ahoríhwa thóh kí꞉ken nahá꞉iere tsioríhwa ne Táwit tsi thóh nihoiéren né nahontahonikonhraiérihthe tánon iáh nonhwénhton tehotewenhnónhtion tsi nahoténsons ne rahorihwatátʼtseras, nek khók né Uriah né Hitró꞉non aorihwasónha.

1 Kings 9:4

Tó꞉ka ensharihwatokénhake tsi enstsióthenhse tánon aterihwakwahrishonhtserákon, tsi né nihiothón꞉ne ne ianikénʼen Táwit, tánon tó꞉ka enshatewénhnaraʼkwe natianerénhseras tánon orihwakwékon thóh nénhshiere tsi nikonhríhonte,

2 Kings 20:3

“Takweʼhiárak nón꞉wa O Saiá꞉ner, wakonianiténten, tsi ní꞉ioht tsi tewakatekhahákwen ne sahénton iothokenskéʼonwe ó꞉ni kwáh akweʼriasakwékon, tánon thóh niwatiéren ne sahénton tsi nahó꞉ten ne ioiánere.” Tánon ne Hezekiah otsitó꞉wa tsi ní꞉ioht tsi wathashéntho.

2 Chronicles 17:4

Né wahohiótenhse ne ronikénʼen Raoní꞉ioʼkwe, wahatewénhnarahkwe ne Rawenni꞉io rahorihwatátʼtseras, tánon iáh éhtho tehoiéren tsi né nihatiweienhó꞉tenhskwe ne ronhtinontí꞉iosʼkwe Nisraeʼró꞉nonke.

Job Tánon ne Raoronhiakensera 1:1

Ronkweʼkén꞉en thoraná꞉kereʼkwe tsi watonwentsá꞉ien ne Uz. Job ronwá꞉iatskwe tánon kwáh iáh othé꞉non tewátonskwe ne othé꞉nen ahontahonwárase tánon tronkweʼtaiérihkwe, tánon ne nénska rónkwe kwáh í꞉ken tsi rorihwakweniénstakwe ne Rawenni꞉io tánon ratharonhtsiénskwe tsi nokwáh ne karihwahetkénhsera.

Job Tánon ne Raoronhiakensera 1:8

Tánon ne Roiá꞉ner wahawénhase ne Sakoriwaros, “Watsianontónhnionwe ken nakenáhtshera Job? Kwáh onwenhtsakwé꞉kon iáh ónhka teshonwáiere; iáh tewá꞉tonskwe ne othé꞉non ahontahonwá꞉rase tánon tronkweʼtaié꞉rih. Ne nénska rónkwe ne rokweniénstha ne Rawenni꞉io tánon rahtaróntsiens tsi nokwáh ne karihwahetkénhsera.”

Job Tánon ne Raoronhiakensera 9:2

“Kwáh í꞉ken tsi wakaterièn꞉tare ki tsi thóh ní꞉ioht. Ók onh ní꞉ioht tsi ahakwé꞉ni ne rónkwe aoiánereʼke raohénton ne Rawenni꞉io?

Psalms 119:6

Eʼthóhʼne káti kwáh iáh tahonkatéhate, tsoríhwa tsi thóh nón꞉we natewakʼkarotáhon akwé꞉kon tsi nisatsiawenhráhton.

Luke 1:7

Nok iah tehotiȣiraientakȣe, aseken iah teȣateȣetonskȣe nʼArisaȣe, onen onitetsiaron sihotikstenha.

Luke 16:15

Ȣasakaȣenhase kati: Iseȣere kinise seȣaianerese nonkȣene; nok tanon ne Niio akȣekon raienteri tsini seȣeriasotens; Aseken tsinikon ioriȣanoronsta nonkȣe okon akȣekon roriȣaston ne Niio.

Luke 2:25

Saiatat ne ronkȣe Jerusalem ranakerekȣe, Simeon ronȣaiastskȣe, neh kehiken nethoriȣaieri oni rosennaiens ne Niio; rorharekȣe oni neneh nahoken nʼakonikonriiotsera nʼIsraerroronon; akȣa oni nikȣekonhatiene ne Ronikonratokenti.

Acts 2:25

Asèken ne Táwit tsi nihotharákwen, ‘Ohénton thí꞉ken ne Roiá꞉ner Kwáh tiotʼkonʼónwe tsi ohénton ne tsikónsonʼte íres, Asèken tsi keweienteʼthákwen írahte né꞉ne tó꞉sa tathakataʼtenikonráren.

Acts 23:1

Kór kwáh iahatakwaríshiaʼte tsi iatesakotʼkáneren ne rathitsiénhaiens tánon wahénron, “Tewatatéken Israerʼró꞉nons! Nakweriáne kwáh oriwiʼiohónwe tsi tehioskwátʼte tsi ní꞉ioht tsi konʼnhétie rahohénton ne Rawenni꞉io tsi nióre nónwa wenniseráte.”

Acts 24:16

Káti tiotʼkonónwe iatewakatatʼtiaháton ne kwáh akeriasihióhake rahohénton ne Rawenni꞉io ó꞉ni nonkwesónha.

Acts 8:21

Iáh thetewakwékon iáh ó꞉ni teshiátare nonkwahiotenserákon, tsioríhwa ne seriáʼne tsi iáh tetʼkariwaiéri ne rahohénton ne Rawení꞉io.

Romans 8:4

Rawenni꞉io kíʼ thoʼnahása, neh tsi niwésaks ne kaianerénsera ne tkariwaiéri. Neh꞉ne kwáh thokènhen aihtewariwakanón꞉ni, tsi thónon niʼionkwathaihtáke neh꞉ne tsi niʼiáwens nhonikónra. Nók iáh neh tsi niʼiáwens tsi niʼiakorenʼnáhon nónkwe.

1 Corinthians 11:2

Tekonrénsarons tsoríwah tsi tiókonthe takéhiatre tánon íhksere ne karihonniennítsheras ne thonʼhiáwi.

2 Corinthians 1:12

Enwá꞉ton ne aiakwatená꞉ieste tsi niwé꞉ne ne onkwerienʼtiióhtshera. Tiotkonhón꞉we iotkwénies ó꞉ni tkarihwaié꞉ri tsi ní꞉ioht tsi ionkwatenhniseraténion, kwáh sénha nó꞉nen í꞉se skátne tewakwekonhatiéskwe. Ó꞉ni ne ionkwaiaʼtanonhnhatiéskwe ne iorihwanéhrakwa Rawenni꞉io raonoronhkhwáhtshera, iáh ki tho té꞉ioht tsi ní꞉ioht ne kén ionhontsá꞉te aorihonnienníhtshera.

Deuteronomy 5:33

Akwé꞉kon sewatewénhnarak, ne káti norihwakwé꞉kon tsiahioiánerenke ne sewarihwà꞉ke tánon káti kwáh niahisewakónhtà꞉kwe thóh ahisewenhterónhtake ne tsi iohontsá꞉ien nenhsewatié꞉nawatste.

Philippians 2:15

Neh enkarihón꞉ni ensewariwathokénhake tánon ne ensewatenaʼthónkwen iáh othènen tehothinhíkon ne Rawenni꞉io sakoienʼokónha, Neh skátne sewanákere ne tehonatsiákʼton tánon rathiweniennákʼsens, nók tóhsa khiʼthènen neh saióhten onh nahiawénʼne ne ahathikweni nahonníron thesaterientawénries. Sateniénten éhʼtho ní꞉ioht tsi tesaswhátʼtek nonkwéne tsi ní꞉ioht ne kén ronʼnonwentsiakerónon,

Colossians 1:22

Nok nón꞉wa, tsi niateioné꞉non ne raierónke tsi rawenhé꞉ion ne Roiénha, Rawenni꞉io wahiónʼnien sehʼsewatenró꞉ne, neh nahónton ahontesáhawe, iotokénti, sariwahtokénhak, ó꞉ni thosa thé꞉nen aisaní꞉kon, ne rahohénton.

1 Thessalonians 3:13

Néki enhiónni natsisewahsatsténseron, tánon kwáh iensewahiataiérike ó꞉ni enhiotokénti rahonháke ne Rawenni꞉io ó꞉ni Kanísera nónen ne Roiá꞉ner Ié꞉sos éntʼre skát꞉ke tsi niháti ne rahonkwetasónha.

2 Tiér 3:14

Tánon káti, tewatenrosónhas, tsi nisárahre nètho tewenniseráte, iatesatátʼtiahat naisariwathokénhake ó꞉ni tóhsa thènen aisaníkon rahohénton ne Rawenni꞉io tánon skénnon ahkénhake tsi natetiátere.

1 Sawátis 2:29

Sateriéntare ne Kerístos tsi roiánere; ahówenk naihsateriéntarake, nekáti, tsi niʼiákon neh eniakohióten ne tkariwaiéri neh kíʼ tsi Rawenni꞉io rahoksátha íken.

1 Sawátis 2:3

Tóhka entewatewénnaraʼkwe ne Rawenni꞉io rahotiawenrátsheras, ne káti kwá oriwí꞉io enhiontiónnien tsi entsitewaientéri.

1 Sawátis 3:7

Kwá tóhsa ónka ietʼtsiríʼon naietʼtsinikonráten, kwaienʼokónha! Ónhka kíʼ ne toneniéhiere ne tkariwaiéri ne tsi iakoiánere, kwá kíʼ ne sáka tsi ní꞉ioht ne Kerístos tsi tronkwetaiéri.