Joshua 9:18 - Ohiatonhseratokénti

¹⁸ Ók Nisraerʼró꞉nons iáh tehiotónhon nahonwathinonhwariaʼkónhnion, tiorì꞉wa ne sakotihenténhse tsi kwáh rotirihwanirá꞉ton tsi ronwanarahratstén꞉ni thóh rahosénhnakon ne Roiá꞉ner, ne Israerʼró꞉nons Ronwaní꞉io. Onhkweʼtakwé꞉kon iahonwatirihwakà꞉tatse ne shakotihenténhse ki aorihwà꞉ke,

Joshua 9:18 Iomraidhean Croise

2 Samuel 21:7

Ók ne ronnontí꞉io wahonónsthate nenhné꞉e ne Mephibosheth, ne ne roiénha ne Saul roiénha Jonathan, tsioríwa tsi nihonateriwáseron ne Roiá꞉ner tsi natehóntere ne Táwit ó꞉ni ne Jonathan roiénha Saul.

Psalms 15:4

Shakokenrónhni tsi nihiákon ne ionthatsatonhtákwen, ók shakokweniénstha tsi nihiákon ne ronwahtsánis ne Roiá꞉ner. Rarihwanírats tsi nihorihwaniráton iekaníhare ne rahónha ahokarónhniate.

Ecclesiastes 5:2

Nohénton ahontashatháti, tánon tó꞉sa kasterihénken né thén꞉nenh hatsiarahrátsten ne Rawenni꞉io. Karonhiá꞉ke né ténteron tánon níse ohontsáke tsíʼteron, káti tó꞉sa ishiʼnónhwe nasathá꞉ti tsi naʼtehiothonhontsióhon.

Ecclesiastes 5:6

Tó꞉sa ne sahwénhna iahisahsárine ne kariwanerenhatʼtsheráke, né káti nasró꞉ri ne Rawenni꞉io rahonkwéta rokháres tsi iáh tsiatesonhniáthonʼne. Onhnihiotséren ne Rawenni꞉io tsi ahianáhkwahse? Onhnonhtséren tsi atseríhon nahariwáhthonthe tsi nahó꞉ten ne sahioténhen?

Ecclesiastes 9:2

Iáh othé꞉nen thaʼthetsatʼthíʼen. Kwáh satèhiot tsi iakohiathórens ne tionkwetaiéri tsi kíʼ ní꞉ioht ne rononhkwetahétkens, ne iakoiánere tánon ne ionkwetáksens, né rothiriwiʼióstons tánon ne iáh tehothiriwiʼióstons, tánon tsi nihiá꞉kon iehié꞉tats ne thé꞉nen ahiontienkwarónhniathe tánon ne tsi niháti ne iáh othé꞉nen tsehatítats nahontsenkwahrónhniathe. Ne iakoiánere iáh sénha tehiakoianerasténhnis tsi ní꞉ioht ne iakoriwáhneren; nónhka ne tehionhnisnonhsahéra nahieriwahnírahthe iáh sénha tehiakoianerasthénnis tsi ní꞉ioht ne iáh thaʼtehionhnisnonhsahérhah né thé꞉nen nahieriwahnírahthe.

Numbers 30:3

Nó꞉nen ne kén nitsiohiónha shé꞉kon roʼní꞉ha rahonónskon kénteron honráratsʼte ne thènen ahontahá꞉wenh ne Roiá꞉ner khès honráratsʼte ne thènen ahonteweiénton,

Deuteronomy 23:22

Iáh ne tekariwanerahaktserá꞉ien ne iáh othé꞉nen tahonwarahrátsten ne Roiá꞉ner,

Deuteronomy 23:23

ók ki tó꞉ka ónka ne kwáh tsi nitisaʼnikonhró꞉ten wasarahrátste, orihwí꞉io ki kénhak tsi iaskónhtak.

Deuteronomy 23:24

“Nó꞉nen thenshatháhakwe ne tsi iohahá꞉re ne ónhkak tsi iakonenharaiénhton, enwá꞉ton nasehnenhárake kwáh tsi nikonhteshatonhontsó꞉ni, ók iáh ki teió꞉wenk ne knahó꞉tenk asehrá꞉kwe ne thé꞉nen hiashá꞉we.

Joshua 9:17

Káti nonhkweshón꞉a hiahón꞉ne tánon áhsen-nónhta onakénhke iahónhnewe tsi tkanatowanénhke tsi nón꞉we kí꞉ken onhkweshón꞉as nihathinákere: né꞉ne Gibeon, Chephirah, Beeroth, tánon ne Kiriath Jearim.

Joshua 9:19

ók wathatirihwaʼserá꞉ko, “Kwáh hionkwarihwanirá꞉ton tsi hiakihiarahratstén꞉ni thóh raoshén꞉nakon ne Roiá꞉ner Raní꞉io ne Israerʼró꞉nonke. Ó꞉nenh kiʼ iáh thetionkwahianerenhserá꞉ien nahonsahiakhikaré꞉waʼthe.