Joshua 8:8 - Ohiatonhseratokénti

⁸ Ne nó꞉nen ensewaiéna ne kanatowá꞉nen, sewatenaténhtaf, kwáh ki tsi nihotró꞉ri ne Roiá꞉ner. Ne kí꞉ken tsi niietʼtsinàhon.”

Joshua 8:8 Iomraidhean Croise

2 Samuel 13:28

Ehʼthóhʼne ne Absalom wasakónhane ne raonhatseraókons, “Sewatenhnikonrá꞉ren nó꞉nenh ne Absalom kwáh í꞉ken wé꞉so tsi ronekíren notsítsa, tánon nó꞉nenh enkwaró꞉ri, ‘tsi sewáient ne Amnon,’ ehʼthóhʼne tsi sewanonwarhiá꞉khon. Tó꞉sa sewatsá꞉nik; iáh kén í꞉i tekwanhá꞉on? Sewanikonratsanihtónhak tánon sewashátstet.”

Deuteronomy 20:16

“Ók ki nó꞉nen enshié꞉na ne kanatowá꞉nen ne Roiá꞉ner saNí꞉io thiawì꞉re, kanenrahkwé꞉kon senonhwarià꞉kon.

Joshua 1:16

Wathonwariwaʼsehrákwahse ne Joshua, “Kwáh orihwakwé꞉kon thóh nenhiakwáhiere tsi naskwahró꞉ri tánon kwáh ienhiákwe ne tsi nón꞉we ienskwahtó꞉ri.

Joshua 1:9

Iáh kén tekonhnáʼon níse? Naʼseshástsʼteke tanon naʼesanikonrashsátsʼteke; tósa sateronhnísek, khéhs nasanikonrókʼten, asèken ne Roiá꞉ner sani:io tsi ensenikwekónhake ne kwaʼtsikʼnónwe nienhénse.”

Joshua 6:24

Ethòne ónenh wahontenatenhthawe ne kanató꞉wanenhke ó꞉ni wahó꞉teke kwáh okenhrake wahón꞉hni, kwáh tsi nahó꞉ten ne thóh nónhwe nikaienthakwe, nek khók tsi nahó꞉tensons ne kawistarahke, owistanorons, ne tehiotʼtsinokwahronhte notsinekwar karisthatsis, ó꞉ni ne karisthatsi íken, tsi né iehó꞉thiha tánon Roiá꞉ner tsi rawisthaienthakwah nónhwe iehó꞉nathakweniaien.

Joshua 8:13

Ne ronhterí꞉ios ronathateweienenhtàhon nahonterí꞉io ne kwáh rahthinenhrakweʼní꞉io né꞉ne othorè꞉ke nokwá꞉ti ne kanatowanèn꞉ke kanènhraien tánon ne ronátiaʼkes ne nénhne tsi iaʼtewatshénthos nokwá꞉ti kanènhraien. Ne Joshua ahonráhkwakon ne nón꞉we nahasonhtíhiake.

Joshua 8:2

Thóh naʼsewaiéras ne Ai ó꞉ni ne aohnonhtihiótshera tsi ki nisehwaiérahse ne Jericho tánon ne ahonhnonhtiiótshera, ók ki nónhwa enwáton nahisewatié꞉nawatste nahoienthátsheras ó꞉ni nahotsenenhó꞉kons. Sewathateweienénhtan niahisewatiaʼtónhti ne kanatowá꞉nen tasewatonhnékten tasehwaswaténi.”

Joshua 8:22

Ne Israerʼró꞉nons ne kanatowanèn꞉ke rathiʼterónhtakwe tahón꞉ne tánon wahontià꞉taren ne tsi waterí꞉io. Káti ne ronhnónhkwe ne Ai wahóntoke tsi kwáh í꞉ken tsi tehonwatihonwarón꞉ni ne Israerʼró꞉nons, tánon ratikwé꞉kon ronhwatinonhwariaʼkhón꞉nion. Iáh ónhka tetsoniakén꞉en, tánon iáh ónhka ne nón꞉we nahonhnónhnheke

Joshua 8:28

Ne Joshua wahatenonhkwatekthánion ne Ai tánon ne iatioʼtá꞉tere ne ioriwaieshá꞉hons. Tánon shé꞉kon nón꞉wa wenhniserá꞉te thóh ní꞉ioht.

Joshua 8:7

Ethò꞉ne enhshewatotháshion tsi sehwathasehthónhne tánon ensehwaiéna ne kanatowá꞉nen. Ne Roiá꞉ner Sewaní꞉io enhthetsítsion.

Joshua 8:9

Káti ne Joshua iashakoténiethe, tánon thóh niahón꞉ne wahontasehtà꞉na tánon thóh nón꞉we iahonterá꞉rate, tsi iaʼtewatshénthos nokwá꞉ti ne Ai ó꞉ni ne Bethel. Ne Joshua tsi ne nón꞉we nahonhná꞉taien thóh wahasonhtíhiake.

Judges 4:6

Énska wenhniseráteʼkwe iahoterihwaniéhthase ne Barak né roiénha ne Abinoam né꞉ne tsi kanatowánenke ne Kedesh né Naphtali nónhwe nihaná꞉kereʼkwe tánon wahawénhase, “Né Roiá꞉ner, ne Sakoní꞉io Nisraerró꞉nonhke, thiá꞉wi kí꞉ken karihwatátʼtshera: ‘Hiasehiaténhaf oiéri tewenhniawehetserásen niháti ne tsi rathitsiókwahien ne Naphtali tánon ne Zebulun tánon hiasehéntens tsi tsionónhte ne Tabor.