Joshua 8:2 - Ohiatonhseratokénti

² Thóh naʼsewaiéras ne Ai ó꞉ni ne aohnonhtihiótshera tsi ki nisehwaiérahse ne Jericho tánon ne ahonhnonhtiiótshera, ók ki nónhwa enwáton nahisewatié꞉nawatste nahoienthátsheras ó꞉ni nahotsenenhó꞉kons. Sewathateweienénhtan niahisewatiaʼtónhti ne kanatowá꞉nen tasewatonhnékten tasehwaswaténi.”

Joshua 8:2 Iomraidhean Croise

2 Chronicles 13:13

Thóh né ná꞉he ne Jeroboam tohʼkàrah nihá꞉ti ne rahotiókwah ronhterí꞉ios iesakoteniéton ne tahonwanahnenhraiénhaʼse ne Judahró꞉nons ronhterí꞉ios tsi ahontahonwatiswahténi, ók ne ronátiakes tahontatkonsakánerahke nenhné꞉e.

2 Chronicles 20:22

Nónen shontahontháshawen tahatiríhwaʼkwe, né Roiá꞉ner iashakotiénhse ne ratinenhrénhta ronhterí꞉ios né tahonhnonnahríkʼkon.

Psalms 39:6

iáh sénha ó꞉ia tèhiot tsi ní꞉ioht nahiotasátarake. Akwékon tsi nihatiéra iáh othènon tekéntons; raʼtateroróhki natsokowátsera, ók iáh tehoteriénhtare ónhka ienhiakohiatáheste.

Proverbs 13:22

Thonnonkweʼtaié꞉ri nó꞉nen enhonníheie né꞉ne shakonatereʼokón꞉ʼa enhatiié꞉na ne raonatshokowáhtshera, nok ne iáh tetionkweʼtaié꞉ri nó꞉nen enhonníheie ne raonatshokowáhtshera nen né꞉ne enhatiié꞉na ne tionkweʼtaié꞉ri.

Proverbs 28:20

Nón꞉kwe ne iakorihwakwaríhshion tiótkon eniakotonhnhá꞉rake tánon enká꞉nahne tsi iakónhnhe. Tókaʼ tesasteríhens naiesakwáhtsheʼne tsi nonkwá꞉ti iáh tetkariwaié꞉ri ensatré꞉wahte.

Jeremiah 17:11

Nónhkwe nenhiehiéna nowísta ne kanikonhráton tsi ní꞉ioht ne otsiténha watkhanónhshiaʼke ne ne iáh ahónha tehioninónhsoh. Ne nónen kwáh enhothakarí꞉teʼke enhóthonse ne raoʼtsiokowáhtshera, tánon ne tsi iehióthokʼte kwáh iáh othènen tèsken tsi ní꞉ioht ne thohthónnhokʼthe.

Jeremiah 51:12

Sewahniataʼrahkétsko ne ionterihiostáhkwah tsi nòkwah ne Babylon! Shaʼietʼtsitsiokwahiésten ne ratiʼnikónhrahre tánon teietʼtsítas nahontenhnikonhráhren. Sewahtaʼtewenienhnénhtan nahisehwahnénhrenhte,” asèken ne Roiá꞉ner kwáh enharihwahiérihte tsi nihotenikonrónhni tsi nòhkwah ne Babylon.

Deuteronomy 2:35

Iahakhihiaʼténhawe ne kontiʼtshénens tánon wahakwanenskwenhá꞉ton ne kanatakónhsons.

Deuteronomy 20:14

Enwá꞉ton ki ní꞉se, tsi ní꞉ioht, iaʼsehiaténhaf ne tionaʼthonwí꞉sen, ratiksahokónhas, ne konhtiʼtshé꞉nens, tánon kwáh tsiknahoʼténhsons ne iotaténrons ne tsi kanatowá꞉nen. Enwá꞉ton ní꞉se á꞉shatste akwé꞉kon tsi nihotí꞉ien ne tesewatà꞉tsons. Ne Roiá꞉ner í꞉se wá꞉hion.

Deuteronomy 3:2

Ók ne Roiá꞉ner wahakénhase, ‘Tó꞉sa tsetshànik. Asè꞉ken ó꞉nen thihiá꞉wi ó꞉ni ratikwé꞉kon ne rahonkweʼtashón꞉as ó꞉ni ne rahononhóntsa ní꞉se satsanà꞉ke; tánon ó꞉nenk tsi entsenonhwarià꞉kon tsi ki niʼtierà꞉se ne Sihon sakononhtí꞉io ne Amorʼró꞉nons, ne raónha Heshbon nónhwe nihanákere.’

Joshua 10:1

Adonizedek, né꞉ne ronhnonhtí꞉io ne Jerusalem, waharihwà꞉ronhke né꞉tho Joshua tsi roienáhon ó꞉ni kwáh í꞉ken tsi rorihwathónton ne Ai tánon wahaténhnane nahonwanonhwarià꞉kon ne rahotinonhtí꞉io, kwáh ki tsi nishakoié꞉raʼse ne Jericho tánon ne rahotinonhtihiótshera. Wahariwà꞉ronhke ó꞉ni ne Gibeonró꞉nons tsi ronatsianerenhserón꞉ni ne skén꞉non í꞉ken ne Israerʼró꞉nons tánon skátke ratinákere.

Joshua 10:28

Ne Joshua iashakotiaʼtónti tánon washakoié꞉na ne Makkedah ó꞉ni ne ronhwanonhtí꞉io ne wenhniserá꞉teʼkwe. Kwáh onhkweʼtakwé꞉kon ne tsi kanatowanénhke washakononhwariaʼkónhnion; iáh ónhka tiathetiothaténhron nahiakónhneke. Thóh nahoié꞉raʼse ne ronhnontí꞉io ne Makkedah tsi ni nihoié꞉raʼse ne ronhnonhtí꞉io ne Jericho.

Joshua 11:14

Nonhkweshón꞉ʼas Nisraerʼró꞉nonke akwé꞉kon iahatíhawe ne kanorón꞉sons ó꞉ni iashakotihiaʼténhawe ne konhtitshé꞉nens ne kí꞉ken ne tsi kanatowá꞉nens nón꞉we nonhtahatihá꞉sehron tánon iathontatià꞉tiste wahontié꞉nawatste. Ók kwáh ki onhkweʼtakwé꞉kon washakotinonhwarià꞉kon; iáh ónhka tsiatetsiothaténron nahiakónhneke.

Joshua 6:21

Né꞉ne rahonashá꞉rekowah wahonsthe tsi akwékon washá꞉kotinonhwariakon ne kanató꞉wahnenke, ronhnónhkwe ó꞉ni ne konhnónhkwe, kenhtithó꞉thihionsas ó꞉ni nakotstenhó꞉konhas. Kwáh ó꞉ni wahonwatinonhwarhiakonhnion ne tsiononhskwahrons, teiotinakaronhtonʼa, tánon ne tewahóntes.

Joshua 8:12

Kák nónhne wísk niwenhniaweheʼtseráhsen nihá꞉ti iashakohiaʼténhawe tánon washakohiatásehthe ne tsi iaʼtewatshénthos nokwá꞉ti ne kanatowanèn꞉ke, tsi naʼtetiátere ne Ai tánon ne Bethel.

Joshua 8:14

Nó꞉nen ne ronhnonhtí꞉io ne Ai washakó꞉ken ne Joshua rahonkweʼtashón꞉as, iostó꞉re tsi wahatorhiáneron. Raónha tánon ne rahonkweʼtashón꞉as ahonráhkwakon ne Jordan niahón꞉ne nahonterí꞉io Nisraerʼró꞉nons kwáh né sahokwénhra ne tiotierénhton, iáh tehotheriènh꞉tare tsi ó꞉nenh thó꞉wa rashón꞉ne ahonthahonwatiaʼtón꞉ti.

Joshua 8:19

tánon kwáh tsi nihiostó꞉re wahanenʼtsakétsko, ne ronhnónhkwe ne ronathaséhtons iostó꞉re tsi wathatítane, tsi kanatowanènhke niahathítatke tánon wahontiaʼtakwehní꞉ioste. Kwáh óksak wahatitsiró꞉ten ne kanatowanènhke.

Joshua 8:24

Ne Israerʼró꞉nons kwáh onhkweʼtakwé꞉kon shakotinonhwariaʼkhón꞉nion ne tehontaʼtsons ne tsi ionhontsakwénhrare ne kanakerahserá꞉kon tsi nón꞉we niahonwatísehre. Ethò꞉ne Ai nonhshahónhne tánon kwáh kanenrakwénhkon tsi washakotinonhwariaʼkhón꞉nion ne nón꞉we.

Joshua 8:3

Sók ki ne Joshua wahathatewehienénhthaʼne ne Ai niáre skátke ne rahonkweʼtashón꞉as ronhterí꞉ios. Áhsen niwáhsen niwenhniaweheʼtseráhsen niháti washakohiaʼtharáko né꞉ne kwáh thahonkweʼtí꞉ios tánon satetsiókaras shiasakotó꞉ri

Joshua 8:7

Ethò꞉ne enhshewatotháshion tsi sehwathasehthónhne tánon ensehwaiéna ne kanatowá꞉nen. Ne Roiá꞉ner Sewaní꞉io enhthetsítsion.

Joshua 8:8

Ne nó꞉nen ensewaiéna ne kanatowá꞉nen, sewatenaténhtaf, kwáh ki tsi nihotró꞉ri ne Roiá꞉ner. Ne kí꞉ken tsi niietʼtsinàhon.”

Joshua 8:9

Káti ne Joshua iashakoténiethe, tánon thóh niahón꞉ne wahontasehtà꞉na tánon thóh nón꞉we iahonterá꞉rate, tsi iaʼtewatshénthos nokwá꞉ti ne Ai ó꞉ni ne Bethel. Ne Joshua tsi ne nón꞉we nahonhná꞉taien thóh wahasonhtíhiake.

Joshua 9:3

Ók nonhkweshón꞉as ne Gibeon nón꞉we, Né꞉ne Hivró꞉nons nahatinekwenhsó꞉ten, rotirihwarónhken ne Joshua tsi nishakoierà꞉se ne Jericho ó꞉ni ne Ai,