Joshua 8:17 - Ohiatonhseratokénti

¹⁷ Iaʼtehionkwè꞉takes ne Ai nónhwe wahonwatísehre ne Israerʼró꞉nons, tánon ne kanatowanèn꞉ke tshiaʼtekaniononhóntson, iáh ónhka takonwaterí꞉iose.

Joshua 8:17 Iomraidhean Croise

Job Tánon ne Raoronhiakensera 5:13

Tesakoʼnikará꞉ras ne ronteʼnikonrathò꞉kas ne kwáh ronónha raotinikonrathaʼtsherá꞉kon, tánon tsi nisakotinikonrá꞉wis ne ratiʼnikonrá꞉tha kwáh iostó꞉re tsi enhonatotʼtase.

Deuteronomy 2:30

“Ók ki ne rononhtí꞉io Sihon iáh ne teshonkwariwá꞉wi nahiakwató꞉hetste ne raonakeraʼsehrá꞉kon. Ne Roiá꞉ner sewaní꞉io wahononhtsistaʼní꞉rate ó꞉ni wahaterihioseranonhwè꞉ne, ne káti nahónton nashakwaʼsén꞉ni tánon aiakwatiénawatste ne raonakeráhsera, tánon shé꞉kon ki nihionkwatienawáston.

Joshua 11:20

Ne Roiá꞉ner iasakoʼnikonhrakónhthakwe nahonterí꞉io Nisraerʼró꞉nons, ne káti nahonwatiré꞉waʼthe né꞉ne kwáh tokén꞉en ahonwatikarón꞉ni tánon ratikwé꞉kon enhonwatinonhwarià꞉kon né꞉ne iáh othé꞉nen teká꞉ien nataniténron. Thóh ki ní꞉ioht ne Roiá꞉ner tsi rohró꞉ri ne Mahís.

Joshua 8:16

Ratikwé꞉kon ne ronhnónhkwe ne tsi kanatowanèn꞉ke ratikwé꞉kon skátke iehonwatinónhkon nahonwatísehre, tánon tsi nahonwásehre ne Joshua, kwáh sénha í꞉non nió꞉re tahonhtónhsehre ne kanatowanèn꞉ke.

Joshua 8:18

Ethò꞉ne ne Roiá꞉ner wahawénhase ne Joshua, “Iatesó꞉hiak ne shasíkwara ne Ai nón꞉we; í꞉se thonhiawì꞉re.” Ne Joshua thóh naháiere tsi ki nahonwahró꞉ri,

Joshua 8:3

Sók ki ne Joshua wahathatewehienénhthaʼne ne Ai niáre skátke ne rahonkweʼtashón꞉as ronhterí꞉ios. Áhsen niwáhsen niwenhniaweheʼtseráhsen niháti washakohiaʼtharáko né꞉ne kwáh thahonkweʼtí꞉ios tánon satetsiókaras shiasakotó꞉ri

Judges 20:31

Né Benjaminró꞉nons tahatihiákenʼne nahonterí꞉io, tánon sahonwanákʼthate ne kanatowanénhke tsi kíʼ nihotihiatawénhen ne tsotserénhton, tahontáshawenh wahonwatinonhwariakónhnion nʼIsraerʼró꞉nons. Kákʼnonh né asenh-niwáhsenh niháti ne Israerʼró꞉nons wahonníheie ne kanakeraserákon tánon ne tsi niehiotʼthahínon ne Bethel ó꞉ni tsi niehiothahínon ne Gibeah.