Joshua 7:6 - Ohiatonhseratokénti

⁶ Ne Joshua tánon ne shakotihenténhse Israerʼró꞉nons wahatiratiónhko ne rahonatʼtserónhniat tsi nihotiʼnikonhráksenhs, ohontsà꞉ke wahonthatiaʼtónhti hohénton ne Roiá꞉ner Raoneró꞉kwah ne ateriwaʼsehronhniá꞉tshera í꞉wa, tánon tsiahó꞉karahwe tsi thóh ratihiaʼtáien, ronahkèn꞉rare ne ratinonhtsí꞉ne nahonhnénesthe tsi rotiʼnikonhráksens.

Joshua 7:6 Iomraidhean Croise

Genesis 37:29

Nó꞉nen ne Reuben tsi tiohontsaká꞉ronte nionsá꞉re tánon wahatkáhtho ne Só꞉se tsi iáh tho teshaiá꞉ti nohshón꞉wakon, waharatsón꞉ko ne raotsherónnia tsi nahonikonhráksen.

Genesis 37:34

Eʼthó꞉ne kíʼ né Jacob waharatsón꞉ko ne raotsherónnia, tánon ká꞉iare wahatsherónniaʼte, tánon wahatshón꞉nion ne roién꞉ʼa raorihwá꞉ke ne ne wé꞉so wenhniserá꞉ke.

2 Samuel 1:11

Eʼthóhʼne ne Táwit wahoseronhniá꞉shion tánon waharatiónko; tánon ratikwé꞉kon ne ronnón꞉kwe ne ratikwekónhne thóh nahatíiere.

2 Samuel 1:12

Wahontiónhnion tánon wathonséntʼtho, tánon wahonenhtónhtsiete kwáh tsahokárawe ne ne Saul tánon ne roiénha Jonathan raotirihwáke, tánon ne ronwaterí꞉iose ne Roiá꞉ner ó꞉ni tsi ratiwatsiratátsie Israerʼró꞉nons, tsioríhwa tsi ne rotiʼiatsenénhton nasarehkó꞉wa.

2 Samuel 1:2

Nasénhaton siwenhniseraʼkéhaton, rón꞉kwe wá꞉rawe thóh nontáre ne Saul tsi thotahtó꞉serote, neh raoʼtserón꞉nia ioteratiónkwen tánon rokenrá꞉reh ranontsíne. Nó꞉nen shiaoiatórenhne ne Táwit, ohontsáke iahaiatiénenhne tánon wathatentʼtsóten.

2 Samuel 12:16

Ne Táwit wahoniténtʼtase ne Roiá꞉ner ne raksáʼa raoriwá꞉ke; Ne Táwit wahawenhtón꞉tiete, iahatáwehiate tánon asontakwé꞉kon ohontsáke rahiatiónhni.

2 Samuel 13:19

Ók ne Tamar wakenrontákwen okénra onthatahtakenrá꞉roh ne kanontsíne, tánon wakaratiónko ne wakóses ne iostón꞉ne; Kanontsíne watewahtshaʼnáren, tánon éhren sáwehte, tewasentʼthósere iowènhte tsi nionsá꞉he.

2 Samuel 13:31

Ne ronnontí꞉io thontahá꞉tane, waharatiónko ne raotserónhniat, tánon ohontsáke wahatsatiónhnite; tánon ratikwé꞉kon ne raonhatseraókons ne thóh ratitakwe wahatirationko ne raonatseronhnia.

2 Kings 22:11

Nó꞉nen ne ronontí꞉io sahotʼthónteʼne ne kaiatónhsera onʼtewenhnaʼnó꞉ten, waʼharatiónko ne raʼotsherón꞉niat tsi nontahanikónrenhne,

2 Chronicles 34:19

Nó꞉nen ne ronnontí꞉io sahothónteʼne né kahiatónhsera onhtewenhnahnhó꞉ten, waharahtiónhko ne rahotserónhniat tsi nonhtahanikónhrenhne

Ezra 10:1

Tsi nikarì꞉wes ne Ezra tehotiakʼthónkwe tsi roterenhnaientháhkwen nohén꞉ton Nononhsatokentihkó꞉wane, tehasenhtóskwe tánon rarihwaní꞉ratskwe ne rahorihwaneraháktseras, ronatiohkowá꞉nen Israerʼró꞉nons—ronhnónkwe, konhnónkwe, tánon ratitsahokón꞉as—rahiatákʼta wahonteró꞉roke, kwáh í꞉ken tsi rothitsitowá꞉nen tsi ní꞉ioht tsi tehonsénhthos.

Nehemiah 9:1

Tánon ne tewáhsen kaié꞉ri siwenhniserá꞉te ne tsi niwenhnitá꞉rakwe, nahonkweʼtashón꞉as Nisrael wahontiaʼtaró꞉roke skátne tsi wahonhnenhtónhtsete tánon kaiá꞉re wahontserón꞉niate tánon ratinontsí꞉ne wahonthatenkenrá꞉ro.

Esther 4:1

Tsi ó꞉nen Mordecai waharihwá꞉ronke tsi naʼá꞉wenʼne waharatsón꞉ko ne raotsherónnia tsi niió꞉re tsi wahoʼnikonhranón꞉wake. Sók ká꞉iare ionniá꞉ton wáhratste, ranontsì꞉ne waʼkenrontá꞉kwen tahàweron, tánon wahanató꞉kten tsi nikaná꞉tes, iorakaré꞉ni tsi tehahsénthos tánon roʼnikonhráksenʼs,

Esther 4:3

Tsi ká꞉ti ní꞉kon kakorahseraké꞉ron tsi nihonakeráhsera ne ronontí꞉io tsi ó꞉nen wahotitó꞉kenhse nahò꞉ten karihwenhá꞉wi ne kaianerénhsera, iorakaré꞉ni tsi wahontshón꞉nionhkwe ne Sitaeró꞉non. Wahonentón꞉tieʼthe, wathonséntho tánon waʼthotihén꞉rehte thó꞉ha akwé꞉kon ká꞉iare wahontsherónniaʼte tánon tsi wakenhrontàkwen eʼthó wahón꞉rate.

Job Tánon ne Raoronhiakensera 1:20

Tánon ne Job wathá꞉tane tánon waharatión꞉ko ne rahotserónhniah tsi nahoʼnikonrák꞉sen, ranontsistakwé꞉kon wahathatenonhkáronh, tánon ohontsá꞉ke wahahiataiénhtaʼne tánon wahaterénhnaien.

Job Tánon ne Raoronhiakensera 2:12

Nó꞉nen shahonwáken nahí꞉non nió꞉re sonhtahón꞉ne, iáh tehonwaientherèhon, tánon wahontewenhnatéthe tánon tahonkwísron tsi otsitowa tsi niiot tsi wahtonsentʼto; wahathiratiónko ne rahonatsatá꞉wi wá꞉koses tánon è꞉neken iahonakenrónhti ne wahonthatakenrároste ne ratinontsí꞉nes.

Job Tánon ne Raoronhiakensera 42:6

ne káti aoríhwa wakatát꞉kenron, tánon sakaʼtát꞉rewate thóh okenrá꞉ke tánon ne wakenrón꞉takwen nón꞉we.”

Lamentations 2:10

Ne rotistenhokónhas ne Jerusalem owéntsiake rathítskote kwáh thatehonátote, Rohnakénrare ne rathinontsí:nes tánon káiare ronatʼtseronniáton. Ne nitiotihiónsas owentsiake né nón iatehionatʼtiátʼton.

Numbers 14:6

Tánon ne Joshua né roʼní꞉ha ne Nun tánon ne Caleb né꞉ne roʼní꞉ha ne Jephunneh, né꞉ne tenihiáse ne iaʼterihwató꞉rats, waʼnhirátsion ne rahonatsherónhniat tsi nihotiʼnikonhráksens

Numbers 16:22

Ók kíʼ ne Mahís tánon ne Aaron wathiaʼtshàkete ohontsáke teniká꞉nere tánon waní꞉ron, “Ó Sewenní꞉io, í꞉se akwékon tsatakwení꞉io ne tsi iakónhnhe. Nó꞉nen tsaʼkwahiatáʼtshons enhiakwarihwánerake, kanakerasehrakwékon kén ensehnákwahse?”

Numbers 16:45

“Èhren íset tsi rónhnes kí꞉ken onhkweshón꞉ʼas, tánon kwáh tsi nónhwe nihónhnete tsi enkhehiáthonʼte!” Ne tenihiáse waʼkhiatshákete ohontsáke tenikánere,

Acts 14:14

Nónen ne Barnabas tánon ne Kór wahonatʼthóntene tsi nahóten rónnere tsi nahatí꞉iere, wahniratsiónko ne rahonatʼtseronnísa tánon kanenrákon nianitátke, tehotihenréhtaʼne,

Joshua 7:7

Tánon ne Joshua wahèn꞉ron, “Sanonhtí꞉io Saiá꞉ner nonhtié꞉ren tsi kwáh teskwahiaiákton ne Jordan? Né꞉ne iaskwatsakwarí꞉si tsi nòkwah ne Amorʼró꞉nons? Ne nahionkihià꞉tonhte? Onhnonhtié꞉ren tsi iáh í꞉se naʼkaniatharáti ne Jordan teteskwénhteron?

Revelation 18:19

Tánon ne tahoná꞉ti ne wahkenrón꞉takwen okénra ratinontsí꞉ne, tsi nathonsénto tánon wahontiónhnionwe, tsiatehotihenrehthakó꞉wa, “Iotenhtháhsere, iotenhtáhsere, ne kashenhnowá꞉nen kanatowanénhke, kanihón꞉nes ratikwé꞉kon ne rotihonwahién꞉tons ne kaniatarakeʼkowáhne ne wahotikwaséststen naón꞉ha ahotsokowátsera! Asè꞉ken enskak wakawistáheke kakʼtsá꞉hahe.

Judges 11:35

Nó꞉nen sashakokóken, kanikonhratʼsenhtserákon waharatsónhko ne rahotierón꞉nia tánon wahénron, “Oh, konhiénha! Watesskheriesaríhthe! Onh nonhtséren tsi í꞉se thaʼkonhniénhnis nahonhkenonhwatʼtháten? Kwáh í꞉ken tsi iorihwaníron tsi ní꞉ioht tsi rihiararatsʼténhni ne Roiá꞉ner, tánon iáh thahónton ne tahontakát꞉thaʼte!”

Judges 20:26

Ethòne ó꞉nenh kwáh kanenhrakwékon Nisraerró꞉nonke Bethel niahónhne tánon wahontsónhnion rahohénton ne Roiá꞉ner tánon iáh othènen tatehonaskáhon kwáh tsik tsiahókaraʼwe. Iahatítaʼte ne ská꞉rih í꞉ken karihwihiosehokónhas tánon kwáh rahiatakwékon ne katshénen tsi wahonwateskónhten—thóh akwékon rahohénton ne Roiá꞉ner.

Judges 21:2

Káti ónen nonhkweshón꞉as Nisraerró꞉nonke Bethel niahón꞉ne tánon thóh rahohénton ne Rawenni꞉io wahón꞉tien kwáh tsahó꞉karaʼwe. Iorakaréni tánon otsitó꞉wa tsi ní꞉ioht tsi wahontsónhnion:

1 Samuel 4:12

Benjaminró꞉non thóh nontahatátke tsi tewaterí꞉io tetkanenhráton, tánon thoʼnón꞉we náʼraʼwe Shiloh ne ne sahwenhní꞉sera, ne raoʼtsherón꞉ia ioteratsónhkwen tánon roʼtakenrá꞉ron ranontsí꞉ne.