Joshua 7:5 - Ohiatonhseratokénti

⁵ Ne ronhnónhkwe ne Ai nónhwe sahonwanatekwáthe ne tsi iotenhenrahkà꞉ronhte ne tsi kanatowá꞉nen kwáh tsi nió꞉re ne tsi thatinenhiokwátstha tánon kák non ne áhsen-niwáhsen-iá꞉iak niháti wahonwatinonhwarià꞉kon tsi hionsahonanonhtatsnenhtonhátie. Ethò꞉ne ó꞉nen ne Israerʼró꞉nons wahonhnikonhrókten tánon wahotiʼterónhne.

Joshua 7:5 Iomraidhean Croise

Psalms 22:14

Waʼkatesatstenserók꞉ten; thóh ní꞉ioht tsi ní꞉ioht nonékanos onhwenhtsáke waʼwé꞉ron. Tánon akwé꞉kon nastsienshón꞉has tehiosthonterakwenháton; nakwerhiáne thóh ní꞉ioht tsi shí꞉ken ní꞉ioht ne ohenhsa; thóh iowistanawénhon ne kenskwenákon;

Psalms 58:7

Aiáwenhs ahatihiatháton tsi ní꞉ioht nonékanos ne kakʼtsahawenonhátsie; aiáwenhs tahonwanaskwaserón꞉kwahte tsi ní꞉ioht ne óhonte tsi nón꞉we né iotkáte nihiontohesthákwah.

Isaiah 13:7

Né káti aoríhwa kwáh akohtsanakwékon tsi enhiotsiʼió꞉haʼne, tánon onkwetakwékon nakawé꞉ri kwáh enkawisʼtanáwenhne,

Ezekiel 21:7

Nónenh enieshariwahnónhtonse onhnitiotséren tsi sonhséhna, sehró꞉ri ne tsi oríhwa táwe. Nónen énwahwe, ne ronherhianhéson ne tetkárahke ne kateronhkwáhtshera, ne rathinenhtʼtshákes tenhiorenthónhake, ne rahothinikonhrahnirátshera enhioriwahnóron, tánon ne ratikwitsákes tenhiawéntonhwe. Ónenh iakáhewe; kénʼen íhwes.” Ne Ronhnontí꞉io Roiá꞉ner wahatáti.

Leviticus 26:36

“Kwáh ne entsiónhnien tsi nítsion ne ietsinakerakwáhton thóh nióre tsi ensewaterónhseke nék nahionerathákare ne tsi ioweráre kwáh ensónhnien nashatèko. Kwáh enshatèko tsi shí꞉ken ní꞉ioht ne tsi wateríhio shaʼtekwenhátie, tánon kwáh enshiatiénenhne iawerohátsien tsi iáh ónhka tehieshá꞉sere.

Nahum 2:10

Enwatsesatón꞉ke, enkarihwaiésa, tánon enwatkarón꞉ni! Enhiakoteronhiénhten tánon thenhiakosiníshonkwe, akwé꞉kon enhonteshatstenhserókten, ratikwé꞉kon thenhonskenhnenhnatónhten!

Deuteronomy 1:44

Ethò꞉ne ne Amorʼró꞉nons ne nónhwe nihatinahkerè꞉kwe ne tsi iononhtaʼrónhnion taietsihiatiaʼtónhti tsi ní꞉ioht ne otsinahkontaʼkwáhne iohonwarahrátie. Wahitsísehre tsi nió꞉re ne Hormah tánon wahitsiʼsénhni thóh ne tsi iononhtaʼrónhnions ne Edom.

Joshua 2:11

Hionkwáteronskwe tsi nihiostó꞉re sahakwarihwà꞉ronhke; hiakwakwé꞉kon wahakwaʼnikonhrókten tsi í꞉se sewaríhwa. Ne Roiá꞉ner Sewaní꞉io ne karonhià꞉ke ténhteron ó꞉ni ne kén꞉en ohontsà꞉ke.

Joshua 2:9

tánon wahakawénhase, “Wakaterièn꞉tare né꞉tho Roiá꞉ner tsi thetsisewá꞉wi ki kén꞉en ionhontsá꞉ien. Kwáh onhkweʼtakwé꞉kon ne kén꞉en kanakerahserá꞉kon tsi ietsiʼtshiánis.

Joshua 5:1

Ratikwé꞉kon ne Amorʼró꞉nons ronhtinonhtí꞉ios né꞉ne entiè꞉ne nokwáhti iotiéton ne Jordan ó꞉ni ratikwé꞉kon ne Cannanites ronhtinonhtí꞉ios ne aktónhtie ne Mediterranean Kaniatarakeʼkó꞉wa wahatiriwarónhke né꞉tho Roiá꞉ner tsi rostatʼtháton ne Jordan kaniataratátie tsi nió꞉re nonhkweshón꞉ʼas Nisraerʼró꞉nonke iathatihiá꞉iake. Wahonateronhiénten ó꞉ni wahonnikonhrókten né꞉ne Israerʼró꞉nons rahotiríhwa.