Joshua 7:12 - Ohiatonhseratokénti

¹² Ne ki aorì꞉wa ne Israerʼró꞉nons iáh thahathikwé꞉ni nahonterí꞉io ne tehontaʼtsions. Sahónkete ne tsi rónhnes tiorì꞉wa ronónha ó꞉ni ronhwanatstháshion nahatirihwaiésa! Iáh ské꞉kon skátke tahonsetenésehke nék kók tó꞉kaʼken ensehrihwathónthe tsi nahoʼténhsons ne iesharó꞉ri ne tó꞉sa iá꞉shawe!

Joshua 7:12 Iomraidhean Croise

Psalms 44:10

Wastiónhnien nahonsahiakwákete tsi nón꞉we nihónhnes ne iontkhíshons, tánon ne ionkhíshons iahatihá꞉sehron ne iakwahteriʼiosthakwahsónhas.

Psalms 60:10

Iáh kén teskwahtewenhtéʼton, Ó Sewenní꞉io? Iáh kén taʼisewateró꞉sen nontionkwetaʼshónhas ronterí꞉ios nahisewaterí꞉io ne hionkhíshons.

Proverbs 28:1

Ne iáh tetionkweʼtaié꞉ri enhonté꞉ko nó꞉nen iáh ónhka tehonwatíhsere, nok ne tionkweʼtaié꞉ri tho nihotiʼnikonhrahtshá꞉ni tsi ní꞉ioht ne kèn꞉reʼks.

Isaiah 59:2

Ók khé꞉kenk, né꞉ne sarihwanerahák꞉tsheras kahió꞉tats tsi naʼtetiátere ní꞉se tánon ne Saní꞉io, tánon ne sarihwaneraháktshera né rokonshaséhtha tsi nó꞉kwah ní꞉se né ká꞉ti né tó꞉sa ahonsahiatʼthónteke.

Jeremiah 23:33

Ne Roiá꞉ner wahakénhaʼse, “Jeremiah, nónenh nónhkak naʼkonhkwetaʼshón꞉a tó꞉ka ó꞉ni ne rotó꞉kenhse tó꞉ka ó꞉ni ne rokháres enhieshaʼriwahnónthonse, ‘Onh ne nahó꞉ten ne Roiá꞉ner raoʼteriwahnhotátshera?’ tsi tensehriwahseráko, ‘Í꞉se tsherhieʼniaksténni ne Roiá꞉ner, tánon káti enhiaiathontháko.’

Jeremiah 6:8

Jerusalemró꞉nons, kí꞉ken ne tekanikónrahre né ahisharonkáten, tó꞉ka iáh enkonhiatewénhthete; Ne tsi sahnahthowánenh ne enkónhniathe ne kahenthakeʼkó꞉wa, tsi nónh ne iáh ónhka teienáhkere.”

Hosea 9:12

Ské꞉kon tó꞉ka nahonwanehiá꞉ron ne ratitsaokónha, kwáh kí enkhehiathónhten tsi nió꞉re iáh ónhka tsatahonsahonathaténhronke. Kwáh í꞉ken tsi rotithentáhsere nó꞉nen enkhehiatsatonhtákwahse!

Habakkuk 1:13

Ne skará꞉ke shó꞉tsi iotokenskéhonwe nahontkáto ne kariwahetkénhsera, tánon ní꞉se iáh taskwénhni ne tasatkáneren ne tewaterientawenhriéhon; nontié꞉ren tsi ne teskánere ne iáh othé꞉non tekariwástha, tánon tateshá꞉tote nó꞉nen ne ronhnonkweʼtahét꞉kens sakonatónhtha tsi niiá꞉kon ne sénha rotiiá꞉nere tsi ní꞉ioht ne ronón꞉ha?

Numbers 14:39

Nónen ne Mahís shaʼsakoró꞉ri NʼIsraerʼró꞉nons tsi nahó꞉ten wahénron ne Roiá꞉ner, otsitówann tsi ní꞉ioht tsi wahotinikonhráksen.

Numbers 14:42

Tó꞉sa iahásewe. Ne Roiá꞉ner iáhʼse tesewakwékon, tánon ne tesewatáʼtshons entietshiʼsénhni.

Numbers 14:43

Nó꞉non ne Amalekró꞉nons tánon ne Canaanites iatenhietshinenhrónhko, kwáh ensewénheie tsi waterí꞉io; ne Roiá꞉ner iáh tahisewakwekónhake, tsioríhwa tsi iáh tesewathontáton natsisewásehron.”

Numbers 14:45

Ethòne ne Amalekró꞉nons tánon ne Cannanites né nónhwe nihatinákere iahonwanatsiatónhti tánon wahonwatisénhni, tánon sahonwatísehre kwáh tsi nióre ne Hormah.

Deuteronomy 7:26

Tó꞉sa othé꞉nen ne kí꞉ken kahiatonhniʼsónhas ne iahisewahiónte ne sewanonskónhsons, tó꞉ka kwáh ne shà꞉ka ne karewatà꞉tshera ensewaʼrà꞉ne tsi ní꞉ioht ne ronónha. Ó꞉nenk tsi kwáh ensewáshon tánon ensewakèn꞉ron kí꞉ken kahiatonhniʼsónhas, tiorí꞉wa tsi Roiá꞉ner sakorewá꞉ton.

Joshua 6:18

Ók iáh ki tsiasawe ne thenen akénhake ne akariwathonhtonke; ók tó꞉ka thóh nenhsehre, entesawe ne takanikonraʼráhtsera ó꞉ni ne kariwaiesatsera tsi ronanatenataien Israerʼró꞉nons.

Judges 16:20

Ethòne ónen watsohénrethe, “Samson! Ne Philistiaró꞉nons tahónhne!” Shaháhie tánon wahanonhthónhnionhwe, “Enkatèko tánon enskathateweʼní꞉ione, tsi nitsothónhne.” Iáh tehoteriéntarahkwe ne Roiá꞉ner ónenh rotewenhtéton.

Judges 2:14

Tánon káti ne Roiá꞉ner wahotenakwawenhrátʼtie tsi nòkwah ne Israerró꞉nonke tánon washakoríhon ne ratinenhrénhtha niahonwanatiatónhti tánon nahonwatinenskwenháton. Washakoríhon ne tehontátʼtsons ne aktatsesónhas nahonwatiʼshastsʼtenserakénhni, tánon nʼIsraerʼró꞉nons iáh ónenh thahatikwéni ne tahonthahonthátene.

Judges 2:4

Nó꞉nen ne raronhiakeró꞉non né kí꞉ken sahénron, ratikwékon nonhkweshón꞉as Nisraerró꞉nonke tahonthásawen wathonhsénhtho,

1 Samuel 14:38

Ne Saul wahén꞉ron, “Káts kén꞉en nontásewe, Sewakwé꞉kon ne ietsihén꞉tense nonkweʼókons; tánon áhnion tewariwí꞉sak onhní꞉iot kí꞉ken kariwáneren tsi iotkétskwen nón꞉wa wenhniseráte.