Joshua 6:4 - Ohiatonhseratokénti

⁴ Tsáta niháti ró꞉thikares, satihiatatʼtions ratihawinonhtie ne kahonrawatskowah, né꞉ne ohénton nienhonhne ne ateriwaserón꞉niatshera oneró꞉kwa. Né tsathakhaton nenhwenhniserateke níse tánon ne ronhterí꞉ios tsi ensehwanenhrahseronhni tsi tensewanathatase ne kanató꞉wanenhke né꞉ne tsáta nihioriwá꞉ke tsi nikaríwes ró꞉tihonrawaton ne ró꞉thikhares.

Joshua 6:4 Iomraidhean Croise

Genesis 2:3

Wahaiataté꞉riste ne tsatákhaton nónta ó꞉ni kwáh wahrenhniseratokénh꞉tiste, asèʼkenh thóh nón꞉we niwenhniserá꞉tehkwe ne Rawenni꞉io shokenʼeniónhkwen tsi nahoténshons roiotén꞉ʼen ó꞉ni rohsaʼánion tánon wahrenniseraié꞉rite.

1 Kings 18:43

Wahawénhase ne rahonhátsera, “Wáhs tánon kaniatarakeʼkówa iathesatʼkáneren.” Né ranhátsera thóh niaháre tánon thontáre, rathónhnions, “Iáh thaʼhóthen tewakatʼkáton.” Tsáta nihioríhwa ne Elijah wahoró꞉ri ne thóh iá꞉re niahakenhénhion

2 Kings 5:10

Né Elisha rahonhátsera wahoróri niahahiákenhne nahoróri thóh iére tsi kaniatarathátse ne Jordan tánon tsáta nihioríhwake shatiatóhare, tánon kwáh kíʼ ienshaiewénhtaste tsi nihononhwákʼthani.

2 Kings 5:14

Sók kíʼ ne Naaman Jordan niaháre, tsáta nihioríhwake iahatéskowe, tsi kíʼ nihorihwatáʼti ne Elisha, tánon kwáh kíʼ sahaiewénhtane. Né tsi rónhnhe kwáh kíʼ sahiohiánerenhne tsi ní꞉ioht ne ieksáha.

2 Chronicles 13:12

Rahonhatsíwa ne Ní꞉io tsi sonhkwenhéntenhse tánon ne rahotsihenstatsihókons kénʼen rónhnes ronathateweienhnenhtáhon nahatihonráhwate tánon ne iahiontkhínonhke nahitewaterí꞉io. NʼIsraerʼró꞉nons, iáh né tehonhtirí꞉ios ne Roiá꞉ner, ne Sakoní꞉iokwe ne ietsisokthonkonkénʼen! Iáh tahisewatkwéni!”

2 Chronicles 20:17

Iáh ní꞉se tatehiotonhontsóhon nahisewaterí꞉io kí꞉ken ateriʼiósera. Kwáh nek khók ne sewathatenakthaserónhnien thóh tesewátanh tánon sewateráh꞉rat; ensewakʼkátho ne Roiá꞉ner entetsítion naʼtesenhniétsera. Tiónhkwe ne Judah ó꞉ni ne Jerusalem, tó꞉sa nahisewarahiátakwe khés nahisewáteronhne. Wáhs iasewaterí꞉io, tánon ne Roiá꞉ner ensewakwekónhake!”

2 Chronicles 20:19

Thóh nón꞉we nihatiʼiátare ne Leviró꞉nons tsi ratitárahiens ne Kohath ó꞉ni ne Korah waʼthatítahne tánon kwáh iorahkaréni tsi wathotihénrehte wathonhwanonhweráton ne Roiá꞉ner, né rah Ní꞉io Nisraeʼró꞉nonke.

2 Chronicles 20:21

Nó꞉nen sahatiʼtienhaienhtháko nonhkweʼshón꞉as, né ronnontí꞉io washakónhaʼne né ronhtierón꞉niat ne wakóhses rónstha nó꞉nen wenhtanó꞉rons tánon ratinenhrahserónhni ohénton tsi rónhne ne ronhterí꞉ios, tahotirikwahkwenhátie: “Tehonwanonweráton ne Roiá꞉ner! Né raononhronkwáhtshera tsi nénhwen enkénhake!”

Job Tánon ne Raoronhiakensera 42:8

Nón꞉wa ne iahè꞉tsiiathenhaf tsáta niháti tionhnonskwarons ratítsinn tánon tsáta niháti teiotinakarontón꞉has ratítsinn, tánon tsitʼthenteron naʼkenhá꞉tshera Job niahá꞉sewe, tánon ne iahitsitats sewatát꞉tsahathen. Tánon naʼkenhá꞉tshera Job entsisewaterién꞉naienhase, asèken entié꞉na ne raoterén꞉naient né꞉ne tó꞉sa tho nakwahierase tsi naʼtesewathention. Ní꞉se iáh tesewaʼtá꞉tihon noriwí꞉ioonwe í꞉ken tsi nó꞉kwáh ní꞉i, tsi ne nioié꞉ren nakenhatshera Job.”

Isaiah 27:13

Tánon nètho entewenhniserate kowanenh iehonrawátsta enwatatiston, tánon tsi nihiakon ne iakotsiá꞉thatonhon ne tsi ionhontsaien ne Assyria tánon tsi nihá꞉ti ne ronwatihiatinekenhen ne tsi ionhontsaien ne Egypt kwáh tentonhne nahonwasenhnaien ne Roiá꞉ner nètho nón꞉we tsi iononhtató꞉kentike ne Jerusalem.

Leviticus 14:16

iaʼtenhanisnónh꞉sohwe ne saweienhtheʼthákwen nahatshánati, tánon tenhatsʼtarókwahthe né꞉ne tsáta nihiorihwáke tsi nónhwe nihénteron ne Roiá꞉ner.

Leviticus 4:6

Onekwenhsáke iatenhanisnonshó꞉we tánon tenhatstharokwahthánion ne ohénton tsi ioniatharenhtónnions ne iotokéntis tsáta nienwáteratsʼthe.

Zechariah 4:2

“Nahò꞉ten satkáthos?” wahariwanónhton. “Watʼthasehrahnihiontháhkwa owisthanó꞉ron ionniáhton,” watʼkeriwahserá꞉ko. “Ne è꞉neken thón káhere kátʼtse ne watehienaráhkwa. Ne watʼthasehranihiontháhkwake thóh iorenthónʼnion tsáta ní꞉kon kaháhseras, ne skátʼtions tsáta ní꞉kon ioiénhton nahontháwah ne kénhie ahosehríhies.

Zechariah 4:6

Ne raronhiakeró꞉nonh wahakró꞉ri ne Zerubbabel ahontahíhion kí꞉ken ateriwahnhothátshera né꞉ne Roiá꞉ner nón꞉we nitsawè꞉non: “Iatensotkáwe, iáh ne tahkarihón꞉ni ne ronterí꞉ios rahothishatsténhsera tóka ó꞉ni ne shonháhak sashatsténhsera akénhake, ók ne nahkeʼnikòn꞉ra.

Numbers 23:1

Wahawénhase ne Balak, “Tsáta níkonh ietsienharákwa kénʼen takónhnien, tánon tasehiaténhaf tsáta niháti teró tánon tsáta niháti tehotinakaronhtónha ratítsinn.”

Joshua 6:3

Ní꞉se tánon ne senhtiókwa ronhterí꞉ios enshewanenrahserón꞉ni tensewanathatà꞉se ne tsi kanatowanénhke tsiokonhte énska ne sewenhnisera né꞉ne ia-iak nónhta nikaríwes.

Joshua 6:5

Ethòne énska kwáh éhthoh tsi nihions tsi enwá꞉tewenhnhoten ne kahonrawatskowa. Kwáh tsi niiostó꞉re ensatʼthontene, kwáh onhkwetaʼkwékon ónenk tsi tenhíakohenrethe, tánon ne watenhenró꞉the ne tekanathanakton tsi tenhwarehni. Ethòne ki kwáh kanenhrakwekon ne ronhterí꞉ios ienhontʼthakwarishiate ienhatiná꞉tarane ne kanató꞉wanenhne.”

Revelation 1:20

Ók tsi nihioteriwashé꞉ton ne tsá꞉ta nikatsistóhkwake né꞉tho wasatkáto ne skeweientetáhkwen, tánon ne tsá꞉ta ní꞉kons owistanó꞉rons wathaseranihiontháhkwas: ne tsá꞉ta nikatsistóhkwakes ne ne aotironhiakeró꞉nons í꞉ken ne tsá꞉ta nikanónsakes ionterenhnaientáhkwas, tánon ne tsá꞉ta ní꞉kons wathaseranihiontáhkwas né꞉ne tsá꞉ta nikanónhsakes ionterenhnaientáhkwas.

Revelation 1:4

Í꞉i Sawátis iakheiá꞉tonhse ne tsá꞉ta nikaʼnónhsakes ne ononsatokénhtis né꞉tho nón꞉we Asia: Ataniténron saién꞉tak shonhà꞉ke ó꞉ni skén꞉non tsi nénhtewe raonhake tsi niká꞉ien ne ronhneón꞉we tánon raónha kénhne tánon kwáh raónha téntʼre, tánon ne tsá꞉ta niwatonhnhetserá꞉ke raohén꞉ton rón꞉nete ne raonitskwáhrane,

Revelation 10:3

iorakaré꞉ni tsi wathohénrete, kwáh né꞉ne kénreks rotonhrá꞉ien. Tánon né꞉nenh tehohénrehte, ne tsá꞉ta nihá꞉ti ratiwé꞉ras enká꞉wereh.

Revelation 15:1

Eʼthò꞉ne ó꞉ia sakatkáto tsi niwatieronhníststa ne karonhiá꞉ke, teiotenonhianì꞉ton tánon ioriwanerá꞉kwat tsá꞉ta nihá꞉ti ratironhiakeró꞉nons ne ronatienawáston ne tsá꞉ta ní꞉kons kanratariné꞉tsheras, né꞉tho ne nonakénkha í꞉kens, Asè꞉ken tsi nokwáh ne ronón꞉ha ne raoterhiatitkhóntshera ne Ní꞉io iahontók꞉ten.

Revelation 15:7

Eʼthò꞉ne saiá꞉ta ne kaié꞉ri nihá꞉ti ratironhiakeró꞉nons tashaká꞉wen ne tsá꞉ta nihá꞉ti ratironhiakeró꞉nons tsá꞉ta nikatsá꞉kes nowistanó꞉rons í꞉ken kwáh ne kaná꞉non ne raoterhiatitkhóntsera ne Ní꞉io, tsi raónha ne ronhnhehón꞉we ne tsi nén꞉we tánon tsi nén꞉we enkénhake;

Revelation 16:1

Eʼthò꞉ne iowénhte wakewenhná꞉ronhke thóh nontá꞉we ononsatokentikó꞉wane iakoró꞉ris ne tsá꞉ta nihá꞉ti ratironhiakeró꞉nons, “Wáhs tánon tasewawéhron ne tsi ionwenhtsá꞉te ne tsá꞉ta nikatshetákes ne raoterhiatitkhóntshera ne Ní꞉io.”

Revelation 5:1

Ethò꞉ne wakatkáto ne saweientetákwen né꞉ne tsi niká꞉ien renskó꞉te nanitskwará꞉ne ne kahorhotakwenón꞉ni tsi kaiá꞉ton ne kaiatonhserá꞉kon tánon ne oná꞉ken nokwá꞉ti, kanakentó꞉ron ne tsá꞉ta niiorì꞉wake tsi nikasestá꞉ron;

Revelation 5:6

Ethò꞉ne wakatkáto tsi natewanitskwaratserátereh tánon ne kaié꞉ri ronhnónnhe nikarhió꞉takes ó꞉ni ratiiatattóntie ne ratirehtsá꞉rons ne teiotinaʼkarontónha owí꞉ra í꞉rate tsi shí꞉ken ní꞉iot nahonwanonwarià꞉kon, tsá꞉ta nateonaká꞉ronhte tánon tsá꞉ta natehaká꞉ra, né꞉ne tsá꞉ta niwatonhnhetserá꞉ke ronwaiò꞉tenhse ne Ní꞉io thonwanateniéhton nonhontsakwé꞉kon.

Revelation 8:2

Tánon wakhé꞉ken ne tsá꞉ta nihá꞉ti ratironhiakeró꞉nons ronón꞉ha thóh rón꞉nete raohénton ne Ní꞉io, tánon tsá꞉ta ní꞉kons tahonwénhnon iehonrawátsta.

Revelation 8:6

Ó꞉nen ne tsá꞉ta nihá꞉ti ratironhiakeró꞉nons ne ronón꞉ha ratihá꞉we ne tsá꞉ta ní꞉kons iehonrawátsta wahatiweienénhtane nahatihonráwahte.