Joshua 5:1 - Ohiatonhseratokénti

¹ Ratikwé꞉kon ne Amorʼró꞉nons ronhtinonhtí꞉ios né꞉ne entiè꞉ne nokwáhti iotiéton ne Jordan ó꞉ni ratikwé꞉kon ne Cannanites ronhtinonhtí꞉ios ne aktónhtie ne Mediterranean Kaniatarakeʼkó꞉wa wahatiriwarónhke né꞉tho Roiá꞉ner tsi rostatʼtháton ne Jordan kaniataratátie tsi nió꞉re nonhkweshón꞉ʼas Nisraerʼró꞉nonke iathatihiá꞉iake. Wahonateronhiénten ó꞉ni wahonnikonhrókten né꞉ne Israerʼró꞉nons rahotiríhwa.

Joshua 5:1 Iomraidhean Croise

Genesis 12:6

Abram waʼthronhontsí꞉iaʼke ne tsi watonhonntsá꞉ien tsi niió꞉re iahá꞉rawe tsi tewatená꞉taien ne Shechem, ne tsi tiorón꞉tote ne karíhton ne Moreh nón꞉we. Ne sikahá꞉wi ne Canaanró꞉non thóh nón꞉we nihatinákerehkweʼ.

Genesis 48:22

Ó꞉nenh kiʼ énska sénha í꞉si nón꞉we naʼkón꞉ion tsi ní꞉ioht ne sewatateʼkoʼokón꞉ʼahs ne ne tsi ionontakarèn꞉re ne Shechem ne tsi nikhéhkwen ne Amorʼró꞉nons ne nakaʼshareʼkó꞉wa tánon akaʼèn꞉na wakátston.”

2 Samuel 21:2

Káti ne ronnontí꞉io iasakonónkʼkhons ne Gibeonró꞉nons tánon wathatitháren. (Nón꞉wa ne Gibeonró꞉nons iáh Israerʼró꞉nons tehatiʼiatótens, ók ne ne iatehonathaténron ne Amorʼró꞉nons; Ehʼthóhʼsane nonkweʼshón꞉ahs ne Israerʼronónke tsi ronwatiriwanirá꞉ti tsi enhonwatinónsthate, Ne Saul rotenienténhon nasakotónhte thóh rahontsá꞉ke ne raotiriwáke nonkweókons NIsraerʼronónke ó꞉ni Judah.)

1 Kings 10:5

Onhtkátho ne kákhwa rothikwáhere ne rahothekwáhraʼne, ne rahonanitskwahrasónhas ne rahonkwetaʼshón꞉as, tsi naʼtehatirihwásnie ne rahonhatserasónhas, ne rahonatʼtserónhnias, ne ratikwahé꞉ra, tánon tsi nihateskonthákwah nononsatokentiʼkówaʼne. Kwáh tsi ní꞉ioht nonhtonhniseráton tánon wahorihwaneráko.

Ezra 9:1

Nó꞉nen nakwé꞉kon kí꞉ken thóh saháwenhne, ótiaʼkes ne sakotihéntenhs nonkweshón꞉as Nisraerró꞉nonke tahónhne tánon wahontʼró꞉ri nonhkweshón꞉as, né꞉ne ratitsihénstatsis, tánon ne Levites tsi iáh nehonatiathotháron tsi nokwáh ne tehonthonhontsanekʼkhánions né꞉ne Ammon, Moab, tánon ne Egypt ók ó꞉ni ne Canaanró꞉nons, Hitró꞉nons, Perizró꞉nons, Jebusró꞉nons, tánon ne Amorʼró꞉nons. Kwáh ki etʼnihotiierenhátie ne ioterihwatehathénions tsi ki nihotiiéren ki onkweshón꞉as.

Psalms 135:11

Sihon, né sakononhtí꞉iokwe ne Amorʼró꞉nons, tánon ne Og, né꞉ne ronhnontí꞉iokwe ne Bashan nón꞉we, tánon tsi nikanakerásehra ne Canaan—

Exodus 23:28

Ne ietsíshons kwáh tenkheʼianikonhrhiákten; kwáh èhʼren enkhehiatenháwithe ne Hivró꞉nons, ne Canaanites, ó꞉ni ne Hitró꞉nons tsi nienhénse.

Isaiah 41:5

Né tsi kawenó꞉tons ionhontsaʼiéntons ionatkáton tánon kí waotí꞉teronhne, ne tsi iehiotonhontiotʼtaníhon watsahontsíshionkwe; ákta wakontkwiʼtánion tánon takónhne.

Ezekiel 16:3

Tsró꞉ri ne Jerusalem tsi nahó꞉ten ne Ronhnontí꞉io Roiá꞉ner rahrohrhiánions: “Thóh nónwe nisahnakeráhton tsi ionwénhtsaien ne Canaan. Ne ianikénʼen Amorʼrónon nahahiathó꞉tenhʼne tánon ne sanisténha Hitró꞉non ne nahehiathó꞉tenhʼne

Ezekiel 21:7

Nónenh enieshariwahnónhtonse onhnitiotséren tsi sonhséhna, sehró꞉ri ne tsi oríhwa táwe. Nónen énwahwe, ne ronherhianhéson ne tetkárahke ne kateronhkwáhtshera, ne rathinenhtʼtshákes tenhiorenthónhake, ne rahothinikonhrahnirátshera enhioriwahnóron, tánon ne ratikwitsákes tenhiawéntonhwe. Ónenh iakáhewe; kénʼen íhwes.” Ne Ronhnontí꞉io Roiá꞉ner wahatáti.

Daniel 5:6

Nó꞉nen ne ronnontí꞉io shahatkáhtho waʼthatskennentónten ó꞉ni kwáh í꞉ken tsi wahoteronhiénhten kwáh waʼthosiníshonkwe.

Amos 2:9

Tshiehská꞉te kheiahtón꞉ton ne Amorʼró꞉nons ne raotihén꞉ton, tho nihatinenhié꞉sonskwe tsi ní꞉ioht ne onenʼtakwenhténhtshera iorón꞉tote, tánon thóh nihatiʼshátsteʼskwe tsi ní꞉ioht ne karíhton karón꞉ta; wakerihwahtón꞉ton ne raohikshón꞉ʼahs, kwáh waktehrohtshiónkwen ne tsi keríhtonskwe.

Numbers 13:29

Ne Amalekró꞉nons entiéne né nokwáhti iotohetstákwen nónwe nihatinákere; ne Hitró꞉nons, Jebusites, tánon ne Amorʼró꞉nons tsi iononhtarónhnion né tsi kanakeraseráien né nónhwe nihatinákeres; tánon ne Canaanites ákta nènhne ne Mediterranean Kaniatarakhekówa nónhwe nihatinákere tánon aktóntie ne Jordan kaniataratátie.”

Joshua 17:12

Nonhkweshón꞉as ne Manasseh nón꞉we, ethosà꞉ne, iáh tehothikwé꞉nion nahonwatihiaʼtinekén꞉en nonhkweshón꞉as ne ratinákere kí꞉ken ne tsi kanatowá꞉nens, káti ne Canaanites iahontkónhthakwe tsi thóh rathinákereʼkwe.

Joshua 17:18

Ne tsi iononhtaʼrónhnions kananeráhseras í꞉se ensewahiataʼkwení꞉ioke. Iawerohátien tsi kará꞉kon í꞉ken, ensewathonhontsaserón꞉ni tánon ensewatiaʼthakwehní꞉ioste énska tsi nón꞉we entewatáshawen tsi nió꞉re iaʼtenhiókten nó꞉ia. Ók ne Canaanró꞉nons, í꞉se ki nénhʼne enietsihiaʼtí꞉nekenhwe, iawerohátien tsi rotisehretaiéntons ne karístatsis ioniátons ne otsónhkwas tánon kwáh í꞉ken tsi ratiʼshátstes.”

Joshua 24:15

Tó꞉ka iáh thóh teshá꞉nikonróh꞉ten nahtsiotense, iateshá꞉rihwaientas nón꞉wa wenhniserá꞉te ónhka enshé꞉hiotenhse, ne kahiá꞉tonhnisonhas ne shá꞉sotʼtserahokonkenʼen rathisennahienskwe ne Mesopotamia tó꞉ka ó꞉ni ne rahothihiatonnis ne Amorʼró꞉nons, tsi róh꞉nonha rahononhontsake nón꞉wa non nishé꞉nahkere. Ók ki ní꞉i tánon nakwahtsire, Roiá꞉ner ki enshá꞉kwahiotenhse.”

Joshua 3:16

nonékanos ontkà꞉we tsi watnekí꞉ne tánon waʼkaweʼnhó꞉ton, kwáh tsi nió꞉re ne Á꞉tonion꞉ke, né꞉ne kanatowanèn꞉ke ákta ne Zarethan. Ne tsi niehiotnekí꞉non ne Dead Sea kwáh nénhne hiotnekénston, tánon nonhkweshón꞉a ónhton watahathihiáiake ákta ne Jericho.

Joshua 3:17

Tsi nikarì꞉wes nonhkweshón꞉as thakéson rónhne tehothihiaiakonhátie iahontsiaʼténhen, ne rokhá꞉res ne rahá꞉wi ne Roiá꞉ner Rahoneró꞉kwa Naterihwaʼseronhniá꞉tshera tho í꞉wah iahontsiát꞉ten tsi nón꞉we niráthe né꞉ne shatekaniatharíhen ne Jordan kwáh tsi nió꞉re ratikwé꞉kon wathatihiá꞉iake.

Revelation 18:10

ne ronón꞉ha ahí꞉nonh nió꞉re thentatí꞉taʼne, ne rotiteronkwénhnis nahoronhiakénhsera, tánon rón꞉ton, “Iotenhtá꞉sere, iotenhtá꞉sere, ne kashennowá꞉nen kanatowanénhke, Babylon, né꞉ne ioshatstenhserowá꞉nen kanatowá꞉nen! Asè꞉ken tsi niió꞉re nénkak enkawistáheke ne sariwenhthátshera enwá꞉we.”

Judges 1:1

Sarénheie ne Joshua nonhkweshón꞉as Nisraerʼró꞉nonke wahonwarihwanónh꞉tonhse ne Roiá꞉ner, “Kanikáien ne tsi nihionkwenhtsówa entiakwahtiérenhte ne iahiakhihiatsatónhti ne Canaanró꞉nons?”

Judges 11:23

Káti Roiá꞉ner eh nihoiéren, ne Sakoní꞉io nʼIsraerʼró꞉nons, rahónha sakohiatinekénʼen ne Amorʼró꞉nons né rahonkwetaʼshón꞉as rahotirihwáke, né꞉ne Israerʼró꞉nons.

Judges 3:3

Tsi niká꞉ien ne iatehonathaténhrons ne tsi ionhwenhtsáien né꞉ne wísk nihotinátakes ne Philistiaró꞉nons, ratikwékon ne Canaanró꞉nons, ne Sidonró꞉nons, tánon ne Hivró꞉nons né꞉ne tsi iononhténions ne Lebanon nónhwe nihatinákeres thóh tsotásaʼwe ne tsi ionónhte ne Baal Hermon tsi nióre ne Hamath Pass.

Judges 4:2

Káti ne Roiá꞉ner wahatʼthóntate ne Jabin asakosénhni, né꞉ne Canaanró꞉non ronhnonhtí꞉io né rotʼkorásthonte ne tsi kanatowánenhne ne Hazor. Ne rahonkwéta ne raʼterihiosehrakweʼní꞉iokwe né꞉ne Sisera ronhwáiastsʼkwe, thóh né nonwe nihanákerekwe ne Harosheth-Né꞉ne-Iáh-Tehatiʼshíʼtaeró꞉nons.

1 Samuel 25:37

Shiʼioronhkéne, nó꞉nenh ne Nabal notsítsa shiʼshotnekokéwen, ne ró꞉ne wahoró꞉ri kiʼ ken oriwashón꞉ʼahs, tánon raweriá꞉ne watókwahte; thóh nahoiátahwen tsi ní꞉ioht nonénhʼia.