Joshua 4:19 - Ohiatonhseratokénti

¹⁹ Nonhkweshón꞉as wathatiniatharihiáke ne Jordan né꞉ne oieríhaton siwenhniserá꞉te ne tiotierénhton wenhnítare tánon Gilgal nón꞉we iahontená꞉taien, né꞉ne nà꞉kon nokwá꞉ti ne Jericho.

Joshua 4:19 Iomraidhean Croise

2 Kings 2:1

Nohénton ne Roiá꞉ner tsi iotsiskahiónhni tsi naʼtehiowerákwen karonhiáke niahohiathénhaʼwe ne Elijah. Né Elijah tánon ne Elisha Gilgal nónhwe niahá꞉ne,

Amos 4:4

Kats Bethel nontá꞉se—tánon serihwanéraʼk; eʼthó꞉ne Gilgal nionsá꞉se—kwáh tontasatnaʼnetárion tsi iaʼserihwanéraʼk; táshaf ne sarihwiiosehokón꞉as niaʼteiohrhonʼkehtserá꞉ke, tsi nentéhsheste tió꞉konte nenʼne ʼeh nahsénhaton niwenhniserakéhaton;

Amos 5:5

Ók tó꞉sa ne sewésak ne Bethel, tánon tó꞉sa iasewanatáran ne Gilgal khés ne iatahisewahiá꞉iake Beersheba niahí꞉sewe; asè꞉ken ne Gilgal kwáh né꞉e orihwiiohón꞉we tsi enkonwanakerá꞉kwahte, tánon ne Bethel kwáh nenhné꞉e iáh othé꞉nen tahonsakénhake.

Micah 6:5

O akonkweʼtashón꞉as, sasewehiáran ó꞉nen tsi nahó꞉ten ne Ronhnontí꞉io Balak ne Moab sakotenikonrá꞉wi, tsi nahó꞉ten ne Balaam ne roiénha ne Beor waʼthorihwaʼserá꞉kwahse, tánon tsi nitsawénhen ne Shittim tsi nió꞉re ne Gilgal, ne nahónton ahisewahterienʼtá꞉rahne ne iakonónstats rahoiaʼtaterí꞉tsheras ne Roiá꞉ner.”

Deuteronomy 1:3

Ne tsiotenhniseraʼtserénhton né꞉ne énska-iawénhre shiwenhniʼtakéhaton né꞉ne kaiéri-niwáshen shihioserakéhate ne nó꞉nen shatetonahténhtion ne Egypt, Mahís washakohró꞉ri nonhkweʼshón꞉a orihwakwé꞉kon tsi nihonà꞉on ne Roiá꞉ner nashakohró꞉ri.

Deuteronomy 11:30

Kí꞉ken teionónhtakes né꞉ne tsi iaʼtewatshén꞉thos iotohetstáhkwen ne Jordan Kaniataratátie né꞉ne Canaanites rahotinakerahserá꞉kon ne thóh ratinákere ahonráhkwakon ne Jordan. Tsi iaʼtewatshénthos iehiotsieráton, iáh ahínonh tè꞉ken tsi tkaronhtóton ne ioronhtatokénhtis ne Moreh né꞉ne ákta ne tsi kaná꞉taien ne Gilgal.)

Joshua 10:43

Sonhteweienénhthaʼne kí꞉ken, ne Joshua ó꞉ni ne rahonkweʼtashón꞉ʼas ronhterí꞉ios tsi thonatená꞉taien ne Gilgal hionshahón꞉ne.

Joshua 10:6

Ne ronhnónkwe ne Gibeon iahonwaterihwaniéten ne Joshua tsi thóh tená꞉taien ne Gilgal: “To꞉sa takwahtewénhtet, Shé꞉shion! Ó꞉nenk táse tánon takwaié꞉nawas! Saskwaniákenk! Ratikwé꞉kon ne Amorʼró꞉nons ahonnonhtihió꞉tsheras ne tsi ionhnonhthaʼrón꞉nions kanakerahserakérons iathonhniʼtiokwáiesthe tánon tahionkihiatiaʼtón꞉ti!”

Joshua 15:7

Thóh tetsioténhtion nenahonráhkwakon ne tekaʼnikónhrare tánon Debir nietsawé꞉non, tánon ethò꞉ne iatehiokwáhthase nothorè꞉ke nietsawé꞉non ne Gilgal nón꞉we, né꞉ne ahohénton ne Adummim iatehiokwáhthase ne entiè꞉ne nokwá꞉ti nahonráhkwakon. Ethò꞉ne eʼnietsawé꞉non ne tsi tioná꞉werote ne Enshemesh, ietsiohiakén꞉en Enrogel nietsawé꞉non,

Joshua 24:11

Wathisehwaniatarí꞉hiake ne Jordan tánon iahisehwawe ne Jericho. Ne ronhnónhkwe ne Jericho nónhwe wesehwateriio, kwáh ki tsi ní꞉hothiieren ne Amorʼró꞉nons, ó꞉ni ne Perizró꞉nons, ne Canaanites, ne Hitró꞉nons, ne Girgashró꞉nons, ne Hivró꞉nons, tánon ne Jebusites. Ók ki thatsion natesenhnietshera naietʼtsisenhionhko.

Joshua 4:18

tánon nó꞉nen ne rokhá꞉res shahárawe natsaʼtáktha, ne kaniataráke thontontáshawen sontnekaténhti tánon shé꞉kon sahennhóton natsakthóntie.

Joshua 5:10

Tsi nikarì꞉wes Nisraerʼró꞉nons ronahnathaiénthakwe ne Gilgal nónhwe ne tsi iohenthakwénhrare ákta ne Jericho, wahonteʼnikonhró꞉ri ne é꞉neken wathohesthákwa ne noʼkharasné꞉ha nohénton ne kaiéri iawénhre shiwenhniserá꞉te ne wenhnì꞉thare.

Joshua 5:9

Ne Roiá꞉ner wahawénhase ne Joshua, “Nónhwa wenhniserá꞉te kwáh étren satkháwite natehénsera tsi nihietsinaskónhniskwe ne Egypt.” Ne ki tiorì꞉wa né꞉tho watená꞉taien ne konhwanaʼthónkwah Gilgal, Ne Hebrew ne kasénhna ne nén꞉ne kéntons “Éren kahawíton.” Né꞉tho kasénhna shé꞉kon ne konhwáiats.

Joshua 9:6

Ethò꞉ne tsi tonaná꞉taien ne Gilgal niahón꞉ne tánon wahonwénhase ne Joshua ó꞉ni ne Israerʼró꞉nons, “Ahí꞉non nió꞉re tsionhontsá꞉ien nitionhkwè꞉non. Tehionkwatonhwenhtsóni nahitewatsanerenhserón꞉ni.”

1 Samuel 10:8

Tánon ní꞉se kwáh èhʼthoh niaʼháse Gilgal í꞉se sénhtet tsi ní꞉iot ní꞉i; ehʼthóhʼne thóh iénʼkewe tsi téhses ne ne akateriwaʼténtsiaʼte akaʼtenaskwátʼtsahate tánon ne ahontátiesʼte ne wateskóntes neh natakaritétsheras. Tsá꞉ta nón꞉ta ensaterá꞉rate tsi ní꞉iore ienʼkoniatórenhne tánon nakonhnatónhase tsi nénhshieʼre.”

1 Samuel 15:33

Ók kíʼne Samuel wahén꞉ron, “Tsi né꞉eh ne sahsarehkó꞉wa iakahonhniénhni néne konnón꞉kwe tsi iáh tahiotiwiraiéntahne, sanísten kwáh ó꞉ni iáh taiaowiraientane.” Tánon ne Samuel wahó꞉tsowe ne Agag kenkníwas rahohénton ne Roiá꞉ner thóh nón꞉we Gilgal.