Joshua 4:12 - Ohiatonhseratokénti

¹² Ne ronhnónkwe ne Reuben rahotiʼtá꞉rakon nón꞉we nihatihiátare ó꞉ni ne Gad tánon ne saʼtekanenrí꞉hen ne rahotitióhkwa ne Manasseh, ronatateweienhnenhtàhon nahonterí꞉io, iathatihiáiake hohénton nonhkweshón꞉as, tsi ki nishakohró꞉ri ne Mahís tsi nahatí꞉iere.

Joshua 4:12 Iomraidhean Croise

Exodus 13:18

Khèkok, iasaʼkosá꞉rihne wá꞉honkwahtase ne wahonthá꞉hitha ne kahentakekówa nieʼiawénon né꞉ne Red Sea nieʼiawénon. Ne lsraerʼró꞉nons roʼnahthaʼteweienhʼnentáʼhon nahonterí꞉io.

Numbers 32:17

Ethòne kíʼ enhionkwathaʼteweienhnenhtahónhake ne skát꞉ke nahiá꞉kwe ne ronátsiakes NʼIsraerʼró꞉nons nahiaʼkwateriʼiósehra tánon enhiakwénhente niaʼiakhiʼiatiatónhti tsi nióre ne ienhiakwahnákerate ne tsonhontsáien nahionhkwawenhkhónhweke. Né ná꞉he, ne iakhiʼniahésen enwáton ne kénʼen enhatinákereke ne tsi tekanathanák꞉ton nosténhra watenhénraien, iáh thatahonwatinikonhráren nonhkweshón꞉ʼas ne kénʼen ionhontsáien.

Deuteronomy 3:18

“Tánon óksak, Wakheró꞉ri ne ronhnónkwes ne Reubenʼró꞉nonhs, Gadró꞉nonhs, tánon ne shaʼtehotitiohkwí꞉hen ne Manasseh: ‘Ne Roiá꞉ner ónhkwa Ní꞉io thaʼtsisewáwi kí꞉ken ohóntsa ne nà꞉kon nokwá꞉ti iotohetstákwen ne Jordan nahisewatié꞉nawatste. O꞉nen taieʼtsí꞉ion ne ionterihiostákwas ne tionkweʼtashón꞉as ronhterí꞉ios tánon iaihtsihiaté꞉niet tehatihiáiak ne Jordan ohén꞉ton ne otià꞉kes kentió꞉kwas ne Israerʼró꞉nons, naieʼtsisnié꞉non nahontié꞉nawatste nohóntsa.

Deuteronomy 33:21

Né꞉ne kwáh tiohontsí꞉io ne wahonthaterakwáhse; Ne shakohéntenhse tsi nihioterihwí꞉son nahaié꞉na ronónha ronhwatihiaʼtharákwen nahatiráhko. Wahontewénhnaraʼkwe ne Roiá꞉ner rahorihonnienhní꞉tsheras ó꞉ni ne kaianerénhseras Nó꞉nen ne ohén꞉ton iehonhné꞉tons ne Israerʼró꞉nonhke skátke wahontiaʼtaró꞉roke.”

Joshua 1:14

Ne sewaniáʼkhons, ietsiʼienhokón꞉as, ó꞉ni ne sewaʼtshenenhó꞉kons kwáh ne kén꞉en enkonhtiʼterónhtake, ók ne tsonkweʼtashón꞉as ne ronhterí꞉ios, ronathateweienhnenhtà꞉on nahonterí꞉io, ienhatihénte ne tahatihiá꞉iake ohén꞉ton ne ronatià꞉kes Nisraerʼró꞉nons ne nahónton nahonwatiié꞉nawaʼse

Joshua 4:11

Nónen ratikwé꞉kon í꞉se nakaniatharáti shehón꞉nes, ne rokháres ne raháwe ne Roiá꞉ner Raoneró꞉kwa nateriwaʼseronhniá꞉tshera thóh í꞉wah rahotihénton nonhkweshón꞉a niaháhe.

Joshua 4:13

Rahohénton ne Roiá꞉ner kák nónhne kaiéri niwenhniawehetseráhsen niháti ronatateweienhnenhtàhon nahonterí꞉io iathatihiáiake ne tsi tiohontsakwénhthare ákta ne Jericho.