Joshua 3:8 - Ohiatonhseratokénti

⁸ Sró꞉ri ne rokhá꞉res ne Ranorokwenhá꞉wi Nateriwaʼseronhniá꞉tshera nó꞉nen ienhón꞉newe ne kaniataráktha, ó꞉nenk tsi awénhke nienhónhne tánon atsatáktha tehatítann.”

Joshua 3:8 Iomraidhean Croise

2 Kings 2:6

Ethòne ne Elijah wahawénhase ne Elisha, “Ónenh kíʼ kénʼen shiterónhtak; né Roiá꞉ner rakeríhonte ne Jordan kaniataratátse nón꞉we niá꞉ke.” Ók né Elisha wataʼrihwaserá꞉ko, “Kerihwanírats tsi niwakerihwató꞉ken rahonháke ne ronnhehónwe Roiá꞉ner tánon ní꞉se tsi kwáh iáh thaʼkonhiatewénhtheʼte.” Káti thóh nónh꞉we niahá꞉ne,

2 Chronicles 29:15

Kí꞉ken ronhnónh꞉kwe ronón꞉ha washakotiʼiataróhroʼke ne ronhtenhroshónhas Leviró꞉nons, tánon kwáh kíʼ ratikwé꞉kon tsi sahontatenikonhratokéntisʼte. Ethóhʼne, kwáh kíʼ tsi nishakoró꞉ri ne ronnontí꞉io, né꞉ne rarihwá꞉sere tsi kíʼ nihoró꞉ri ne Roiá꞉ner tsi né nenhá꞉iere. Tahontásawenh sahatinonshatokentiste Nononsatokentiʼkówa.

2 Chronicles 29:27

Né Hezekiah wahaténhnahne né watéskonhtes niakárahke nietsienharáhkwahke; tánon tsi tonhthásawen nahontaieiesthánion, nonhkweʼshón꞉as wathatiríhwakwe tehonwanonweráton ne Roiá꞉ner, tánon kíʼ ne ronhterenhnó꞉tas tahonthásahwenh nahonterenhnó꞉ten ne iehonrawatsthákwa ó꞉ni noiásons niʼiohthánions ne ionhterenhnothakwahsónhas.

2 Chronicles 29:30

Né ronnontí꞉io tánon ne sakotihéntenhse nonhkweʼshón꞉as wahonwatiró꞉ri ne Leviró꞉nons tahonwarihwákwahse ne Roiá꞉ner né karenhnasónhas ne tehiontenonwerathonthákwas né tsi nihorenhnarasthánions ne Táwit ó꞉ni ne Asaph ne rotokenhséhaʼkwe. Ká꞉ti onhkweʼtaʼkwé꞉kon watieríhwakwe né kowánen atonhnaráhtshera tsi nathontentʼtsóten tánon wahonwasénhnaien ne Rawenni꞉io.

2 Chronicles 30:12

Né Rawenni꞉io kwáh kí rohterihwahtenhtsathonhátie ne Judah nón꞉we tánon shakowenonhnihátie nonhkweʼshón꞉as tsi natehotihiatorehtonhátie nahonhtewénhnarahkwe tsi nihonikonhró꞉ten né nahatísehre ne karihwatátʼtsheras ne ronhtinonhtí꞉ios ó꞉ni ne rohnaterihónhtons, tsi né nihatísehre ne Roiá꞉ner raowenhnahó꞉kons.

Nehemiah 13:22

Eʼthò꞉ne wakheién꞉hase ne Levites né꞉tho tehiotonhontsó꞉hon nahonsahontsatóhare tánon thetón꞉ne nahontenhnikónraren tsi iotenhenrakáronhtes ne nahonhniseratokéntiste ne Sabbath wenhniserá꞉te. Kwáh ó꞉ni sehiá꞉rak, á꞉ke Ní꞉io, tánon sanitenratskónhak ne tioianénhaf ne iawetowá꞉nen sanoronkwáhtsheras.

Nehemiah 13:28

Tánon saiá꞉ta ne raonekenterónhtshera ne Joiada, né꞉ne roʼiénha ne Eliashib né꞉ne ratsihenstowá꞉nen í꞉ken, ne rawenonshekén꞉en ne Sanballat né꞉ne Horonró꞉non tánon wahihiatekwáhte tsi nón꞉we ní꞉keskwe.

Exodus 14:13

Ne Mahís waʼthariwasehráko, “Tó꞉sa sehwaʼteronhiénten! Sehwaʼnikonhraʼnirónhak, tánon ensewatʼkátho tsi nenháiere ne Roiá꞉ner tsi entsiʼsewaʼnóns꞉thate nónhwa wenhniseráte; kwáh iáh shé꞉kon nonhwénhton tahonsaʼietʼtsíken ne Egyptró꞉nons.

Lamentations 3:26

Ne káti iohiánere nonkwariwáke nahionkwanikonkátsteke—ne rahónha ahtsitewateráhrate nashonkwaniákente.

Joshua 3:17

Tsi nikarì꞉wes nonhkweshón꞉as thakéson rónhne tehothihiaiakonhátie iahontsiaʼténhen, ne rokhá꞉res ne rahá꞉wi ne Roiá꞉ner Rahoneró꞉kwa Naterihwaʼseronhniá꞉tshera tho í꞉wah iahontsiát꞉ten tsi nón꞉we niráthe né꞉ne shatekaniatharíhen ne Jordan kwáh tsi nió꞉re ratikwé꞉kon wathatihiá꞉iake.

Joshua 3:3

tánon washakotiró꞉ri nonhkweshón꞉as, “Ne nó꞉nen entsisewá꞉ken ne rokhá꞉res ranorokwenhá꞉wi ne Ateriwaʼseronhniá꞉tshera né꞉ne Roiá꞉ner Sewaní꞉io Rahoneró꞉kwa, shasewatoʼserotakwenhá꞉ton tánon tsi sewáser.

Joshua 3:7

Ne Roiá꞉ner wahawénhase ne Joshua, “Tsi nenhtiére nón꞉wa wenhniserá꞉te ratikwé꞉kon nonhkweshón꞉as ne Israerʼró꞉nonhke enieshakwénienste tsi nitisaʼtshénhnathe, tánon enhonktó꞉ke tsi tenikwé꞉kon kwáh ki tsi nihiotónhne ne Mahís.

Joshua 3:9

Ethò꞉ne ne Joshua washakohró꞉ri nonhkweshón꞉a, “Kén꞉en nonhtásehwe tánon sewatahónsatat tsi nahó꞉ten ne Roiá꞉ner Onhkwaní꞉io ró꞉ien nahèn꞉ron.

Joshua 4:11

Nónen ratikwé꞉kon í꞉se nakaniatharáti shehón꞉nes, ne rokháres ne raháwe ne Roiá꞉ner Raoneró꞉kwa nateriwaʼseronhniá꞉tshera thóh í꞉wah rahotihénton nonhkweshón꞉a niaháhe.