Joshua 3:16 - Ohiatonhseratokénti

¹⁶ nonékanos ontkà꞉we tsi watnekí꞉ne tánon waʼkaweʼnhó꞉ton, kwáh tsi nió꞉re ne Á꞉tonion꞉ke, né꞉ne kanatowanèn꞉ke ákta ne Zarethan. Ne tsi niehiotnekí꞉non ne Dead Sea kwáh nénhne hiotnekénston, tánon nonhkweshón꞉a ónhton watahathihiáiake ákta ne Jericho.

Joshua 3:16 Iomraidhean Croise

Genesis 14:3

Tánon ratikwé꞉kon kí꞉ken iaʼthonnitióhkwaiehste ne raononkweʼtashón꞉ʼa ne ronterí꞉iohs, tho aonhráhkwakon ne Siddim (né꞉ne, Dead Sea).

1 Kings 4:12

Baana né꞉ne roʼníha ne Ahilud: né꞉ne tsi kanatowanénke ne Taanach, Megiddo, tánon kanakerasehraʼkwékon ne ákta Beth Shan, ákta ne tsi kanátaien ne Zarethan, né nenhtiéne nòkwahti ne tsi kanátaien ne Jezreel, kwáh tsi nióre ne kanatowanénhke ne Abel Meholah tánon ne kanatowanénhke ne Jokmeam

1 Kings 7:46

Ne ronhnonhtí꞉io akwékon thóh nónhwe nihothenhnáhon nah ionhníhake ne tsi rathiwisthanahwenhthákwa ne Sukkoth tánon ne Zarethan nónhwe, né꞉ne Jordan ahonrakwáhkon.

Psalms 114:3

Né Rawenni꞉io kaniatarakhekówaʼne niaháre; né Jordan oʼnàken waʼhé꞉te.

Psalms 114:5

Onhnontiéren, Ó kaniatarakhekówa, tsi waʼsatèko? Ó Jordan, tsi onàken wáʼsehte?

Psalms 29:10

Né Roiá꞉ner rénskote ne raonitskwáhrane éhʼneken ne tsi nitsaweʼnótonhkwe; ne Roiá꞉ner rénskote ne raonitskwáhrane rotenonhtiʼióston né꞉ne tsi nénhwe enkénhake.

Psalms 33:7

Wasahkoniáton ne kaniatarakhekówa; waʼhanekanóton ne kaniatarakhekó꞉wa né꞉ne tsi nón꞉we niwatnekaienthákwa.

Psalms 66:6

Énska iokwénhrare tsi nón꞉we ne Rawenni꞉io nathanekatkhási ne kaniatarakhekó꞉waʼne tánon wahastátʼthate né nón꞉we nohóntsa tsi nón꞉we nikanekhó꞉kwe; tánon thóh nón꞉we nahontóhetste thakésont tsiahónʼne tsi waʼthatihiá꞉iake. Thóh nón꞉we nahakwahtonhnáren rahonháke ne waʼkarihónhni tsi nahá꞉iere,

Psalms 74:15

Í꞉se thóh ná꞉tsa nahionaweró꞉taʼne tánon nakahionhatátseke; í꞉se iastéon ne watnekíne.

Psalms 77:19

Tsi ionontaʼkwaronhtháties nón꞉we niaháse; waʼteshiáhiake ne kaniatarakhekó꞉wahne, ók kíʼ iáh tehiontkáthos kanón꞉we natasasitaierónhnike.

Psalms 78:13

Waʼtatʼkháshion ne kaniatarakhekówa tánon waʼsakoríhon thóh nón꞉we nahontóhetste, tánon né waʼrónhniate nonèkanos tsi ní꞉ioht ne tewasónhtote.

Exodus 14:21

Ne Mahís iaʼthanénhtsaʼtaʼte é꞉neken ne kaniatarahkheʼkó꞉wa, tánon ne Roiá꞉ner onàhken wahanekenháwiʼte né꞉ne kwáh kawerahshátsʼte ne nákon nonhthakaʼwerénhaʼwe. Ahsonhtaʼkwékon wakʼkáʼweraʼkwe tánon waʼkastháhʼtaʼte ne ohóntsa. Noné꞉kanos tehiotetʼkháshion,

Exodus 14:22

tánon ne lsraerʼró꞉nons waʼthatiʼniataríhiaʼke ne kaniatarakhekowahne kwáh ionhontsatʼtenkowa, kwáh onékanos tewasonhthothakwen ne skatisons nokwá꞉ti.

Exodus 14:29

Ók ne lsraerʼró꞉nons kwáh nènhʼne thaʼkésons niaʼhónhne iathonhnótʼkaʼwe ne kaniatarahʼkheʼkó꞉wa tánon tsi nihioʼhontsátʼthen, tánon skatíson nʼòkwahti waʼshontoʼtáʼtie nʼonékanos.

Exodus 15:8

Niensahtónrhie ne kaniatarahʼkhekoʼwàhne tánon nonékanos enkaniá꞉toʼne; onhtkétsko tsi ní꞉ioht nasóntha; ne kwáh tsoʼnótesʼkwe ne kaniataraʼkhekówah wahaʼhontsaʼníhraʼne.

Isaiah 50:2

Onhnontiéren tsi iáh ónhka thóh tèienskwe ne sháʼkewe? Nontiéren tsi iáh ónhka thaʼieiakorihwasehrá꞉kwen shaʼthontonkhénrete? Niskaʼtianésa kén, tsi iáh takakwéni nahonsahiakoniá꞉kente? Khés iáh tesewakeshatsʼtenhseráien nahonsakʼkhenónsthate? Né tsi wakatewenhnaiéntonʼwe wasthátʼthate ne kaniatarakhekó꞉wane, Né wakónhniaʼte ne tsi kaniataraténions iahonwenhtsaʼthénhake iahónton; nahotiʼtionʼshón꞉has waʼkentsakérane ne tsi iáh teskanekáien, tánon wahonhníheʼie ne tsi nihotiʼniatáʼthens.

Ezekiel 47:8

Wahakénhase, “Ki꞉ken onèka thóh nieiawénon tsi tiohontsáien ne tsitʼkarahkwínekens nokwáhti tánon thóh nietsawénon ne Jordan ahonráhkwahkon tánon ne Dead Sea. Nónenh thóh niénwe ne Dead Sea, né teskaténies ne tehionekahiótsis nètho kaniatarahkhekówa né kanekí꞉io.

Nahum 1:4

Wahathárahse ne kaniatarakeʼkówa tánon wahrón꞉nien nahonstát꞉ten, tánon wahastát꞉thaʼte akwé꞉kon tsi kaniatareʼéhnions; Bashan ó꞉ni Carmel onstát꞉ten, tánon tsi nihiotsitiónhnis ne Lebanon onhtashó꞉ko.

Habakkuk 3:8

Ne ken ne tsi kaniataratátie wahesanakón꞉ni, O Saiá꞉ner? Ká꞉ton ken né꞉ne kaniatarakeʼkó꞉wa wakarihón꞉ni tsi kwáh í꞉ken tsi wesaná꞉kwen? Tsi iotsatarón꞉nions nón꞉we nisahonwiserétha; né꞉ne tsi teioweratáse ne tsi iotsatarón꞉nion ne satesehretonhniátha notiónhkwa, tsi tasehawí꞉then natesenhniétshera ne shonwetaʼshón꞉as.

Numbers 34:3

Nenhtiéne nokwáhti nienhénwe thóh tenhtewaténhti ne karakonhkó꞉wa ne Zin nónhwe enhiósehre tsi karistatátie ne Edom. Thóh entewatáhsawenh tsi tkarakwínekens nokwáhti né꞉ne entiéne tsi iehiótʼte ne Dead Sea.

Deuteronomy 1:1

Né kén꞉en kahiatónhsera né rowenhnasónhas ne Mahís shakotharáhni nonkweʼshón꞉a ne Israerʼró꞉nonhke nó꞉nen ionwenhtsiathèn꞉ke shehónhnes né꞉ne tsitkarahkwí꞉nekens nokwá꞉ti ne Jordan kaniatarahtátie. Ahonráhkwakon ne Jordan ákta ne Suph rónhneskwe, tsi naʼtetiátere ne tsi kanátaien ne Paran né꞉ne skáti nó꞉kwah ne tsi kanátaien ne Tophel, Laban, Hazeroth, tánon ne Dizahab né nakʼtenókwah. (

Deuteronomy 3:17

Ne tsi iaʼtewatsénthos nokwá꞉ti iotohetsʼtákwen ne rahotinakerásehra ié꞉was ne Jordan Kaniataratátie, Tsi Kaniá꞉taro ne Galilee tiotá꞉shawen tsi nió꞉re ne othorè꞉ke nió꞉re niehiawé꞉non né꞉ne Dead Sea nentiè꞉ne nokwá꞉ti iotohetstákwen tánon ne tsi iaʼtewashì꞉taien ne tsi Ionónhte ne Pisgah né꞉ne nà꞉konh nokwá꞉ti iotohetstákwen.

Joshua 12:3

thóh nietsawè꞉non ne tsit kaniátaro ne Galilee ne nentiè꞉ne nokwá꞉ti ne Beth Jeshimoth (né꞉ne tsitkarahkwí꞉nekens nokwá꞉ti ne Dead Sea) tánon thóh nietsawè꞉non tsi Tionónthe Pisgah.

Joshua 15:2

Kí꞉ken entieʼné꞉sons karistatátie tiotohétston nentiè꞉ne nokwá꞉ti ne tsi iehiotʼthe ne Dead Sea,

Joshua 16:7

Ethò꞉ne ietiotsnénhton ne Janoah tánon Ataroth tánon ne Naarah nietsawé꞉non, iéhio ne Jericho tánon thóh nón꞉we iatehiothàhon ne Jordan.

Joshua 3:13

Nó꞉nen ne rokhá꞉res ne ranorokwenhá꞉wi nateriwaʼseronhniá꞉tshera né Roiá꞉ner rahoneró꞉kwa né꞉ne ohontsakwé꞉kon akoriʼwá꞉ke iatenhonrashì꞉towe nawénhke, ne Jordan enwátkaʼwe tsi watnekí꞉ne, tánon noné꞉kanos ne tsi nonthahiotnekinónhatie kwáh enskakʼkok tsi nón꞉we nakaniátoʼne.”

Joshua 4:22

kwák ki enieʼtsiró꞉ri nó꞉nen ne Israerʼró꞉nons shiathatiniatarihiáke ne Jordan kwáh ki iostaʼténhen nonhóntsa.

Joshua 5:1

Ratikwé꞉kon ne Amorʼró꞉nons ronhtinonhtí꞉ios né꞉ne entiè꞉ne nokwáhti iotiéton ne Jordan ó꞉ni ratikwé꞉kon ne Cannanites ronhtinonhtí꞉ios ne aktónhtie ne Mediterranean Kaniatarakeʼkó꞉wa wahatiriwarónhke né꞉tho Roiá꞉ner tsi rostatʼtháton ne Jordan kaniataratátie tsi nió꞉re nonhkweshón꞉ʼas Nisraerʼró꞉nonke iathatihiá꞉iake. Wahonateronhiénten ó꞉ni wahonnikonhrókten né꞉ne Israerʼró꞉nons rahotiríhwa.

Judges 7:22

Tsi nikaríhwes ne Gideon rahonkwetaʼshón꞉as rotihonrawáton, ne Roiá꞉ner washakahónhnien ne tehontátʼtsons rahotitsiókwah ronónhak khók thonsahontatʼkári rahonasareʼkówa wáhonste. Zarethan nòkwah niahatítatʼke kwáh tsi nióre ne Beth Shittah, ó꞉ni kwáh tsi nióre ne tsi tkanátaien ne Abel Meholah ákta ne Tabbath.