Joshua 3:1 - Ohiatonhseratokénti

¹ Nó꞉ia sahioʼrénhne Joshua tánon ratikwé꞉kon nonhkweshón꞉a Nisraerʼró꞉nonke oronhkéstsi wahontkétsko, sahontoserothakwenháton ne Acacia nón꞉we, tánon ákta ne Jordan niahónhne, thóh nón꞉we ionsahontaʼtohseró꞉ten tsi karí꞉wes rothiráhrekwe ne tahatihiáiake.

Joshua 3:1 Iomraidhean Croise

Genesis 21:14

Katí Abraham ohrhonʼkéhstsi wahatkétsko, wahshakokhwahserónnien ne Hagar tsi tenwatháhahkwe, tánon né kanéhon iotiaʼtawí꞉ton ká꞉iare wathnekaráhkhwa kahnenhsà꞉ke wahrotáhrhoke tánon skátne ne raksá꞉ʼa tsi wahshakoté꞉kwahthe. Tánon onhtén꞉ti, tánon thóh nón꞉we iaʼonatenʼawíhson ne iaonwentsathenhá꞉ke ne ne Beersheba nón꞉we.

Genesis 22:3

Ká꞉ti Abraham síiohrhonʼkéhstsi wahatkétsko, wahohkwenià꞉ren ne raotshé꞉nen tewahónhtes, tánon iahshakoiaʼténhawe tehniiáhse ne kenʼnithotiión꞉ha raonkweʼtaʼshón꞉ʼa, tánon ne roièn꞉á Isaac; waʼthaientià꞉kon nahateká꞉tahkwe tsi enhatsaʼáhtahkwe ne ienhá꞉tate, tánon thóh nón꞉we niaʼhón꞉ne tsi nón꞉we ne Rawenni꞉io nihohró꞉ri niá꞉re.

Psalms 119:60

Kwáh iáh tewakatenhniskwáhton tsi natewasteríhen nakatewénhnarahkwe ne satsiawenhráhseras.

Jeremiah 25:3

“Ne ne tewáhsen-áhsen nihiosehráke, tkènne ne ne áhsenʼiawénhre shiʼiosehratátie nètho Josiah ne ne roʼníha Amon shiʼhononhtí꞉ioʼkwe ne Judah nónhwe ne ne tsi nióre ne kwáh nónhwa wenhnisehráte, ne Roiá꞉ner ratʼtharáni, tánon iáh nonhwénhton tewahkerihwanóronhse nakwahró꞉rike tsi nahó꞉ten ráwenh. Ók iáh othènen karíhhwah tetiónni.

Jeremiah 26:5

tánon né tsi wesehwaʼtennikonhráhren ne raotiʼwenhnasónhas nakenhátsheras, ne rotiʼtokénse, tsi nikáien ne tiotkonhónwe iekhehiateniéthaʼkwe ne tionháke. Iáh nonhwénhton tesehwatewenhnaráhkwen tsi nihónenh.

Jeremiah 7:13

Oriwahkwékon kí꞉ken wahsheriwahneráhatʼthe, tánon ethohʼsáne tethewahkatʼnahnéten tsi konhtharáhni, iáh tesatʼthontháton nahishatahonshatháton. Iáh thateshá꞉rihwahsehrahkwen shiá꞉konnahton.

Micah 6:5

O akonkweʼtashón꞉as, sasewehiáran ó꞉nen tsi nahó꞉ten ne Ronhnontí꞉io Balak ne Moab sakotenikonrá꞉wi, tsi nahó꞉ten ne Balaam ne roiénha ne Beor waʼthorihwaʼserá꞉kwahse, tánon tsi nitsawénhen ne Shittim tsi nió꞉re ne Gilgal, ne nahónton ahisewahterienʼtá꞉rahne ne iakonónstats rahoiaʼtaterí꞉tsheras ne Roiá꞉ner.”

Numbers 25:1

Nó꞉nen ne Israerʼró꞉nons Acacia nónhwe iehonatathosehró꞉tonkwe, né ronhnónhkwe tahontáhshawenh ne skát꞉ke ahonrákʼtseke ne Moabró꞉nons konhnónhkwe né nónhwe.

St. Mark 1:35

Nok, sekon ok tetiokaras ȣahatkestsko, tsinonȣe shatitken niiahare eh iahaterennaien.

Joshua 2:1

Ethò꞉ne ne Joshua teʼnihiáse iashakotóri né꞉ne tsi thonataʼtóserote ne Acacia nonhthá꞉ne ronhwatináhon ne iáhne tánon akariwasèhtonhke tsi ianirihwíshake ne tsi iohontsá꞉ien ne Canaan, sénha ne tsi kanatowanénhne ne Jericho. Shiahánewe ne tsi kanatowanénhke, thóh niahà꞉ne tánon thóh nón꞉we iahiasonhtíhiake ne tsi tionónhshothe ne iorihwahiataʼtónhon né꞉ne Rahab konwáiats.

Joshua 6:12

Ne Joshua tsi sahiórenhne oronhketstsi wahatketsko, tánon né꞉ne tekeníhaton ionhshonteratsthe ne ró꞉thikares ó꞉ni ne ronhterí꞉ios thonsahonhnathatase ne kanató꞉wanenhke kwáh ki tsi nihó꞉thiieren ne tenhtherene: ne ohénton ró꞉natohesthakwen, né꞉ne skanenhra nohenton ronhne rathinikonhrare; noia né꞉ne ró꞉thikhares ró꞉thihonrawaton ne tsáta níkon kahonrawatskowa; ethòne, ónenh né꞉ne ró꞉thikhares ne ratihawi ne Roiá꞉ner Raonerokwa Nateriwaseronhniatshera et iwa; tánon nó꞉nakenkha, né nonahken tahó꞉thinenhrine. Kwáh ki thó꞉nahe tsi kawenhnó꞉the ne kahonrawatskowa.

Joshua 6:15

Né tsathakhaton siwenhniserakehaton wahontketsko ne satonhthontharenho tánon wahatinenhraseronhni ne tsáta nihioriwake wathonhnathatase ne kanató꞉wanenhne kwáh né saken tsi nihotiieren ne tsiotserénhton—nekʼkok kiken wenhniserátekwe ne ne wahatinenhrasehronhni wathonkwatase ne tsáta nihioriwake.

Joshua 7:16

Oronhkéstsi nohiasahiorénhne ne Joshua ne Israel ákta niasakohiaʼténhawe, shothitiokwatʼtsions, tánon né꞉ne raotitióhkwa ne Judah wahonwathihiaʼtará꞉ko.

Joshua 8:10

Sihioronhkéstsi ne Joshua wahatkétsko tánon iashakò꞉nonhke ne ronhterí꞉ios. Ethò꞉ne ne raónha ó꞉ni ne shakotihenténhse Nisraerʼró꞉nons iashakotihéntense Ai niahón꞉ne.

Judges 20:19

Káti nʼIsraerʼró꞉nons nó꞉ia sahiórenhne tahonthásawen niahónhne tánon thóh iahonthathosehróhten ákta tsi kanatowanénhke ne Gibeah.

1 Samuel 17:20

Ne Táwit oronhkéstsi wahatkétsko, ne wahorihónten asakotenhnikonrá꞉ren ne teiotinakarontón꞉ʼa ne ó꞉ia ranónh꞉ne, iahatenatserénhawe, tánon thóh niahá꞉reh tsi kiʼ ne Jesse tsi nihoríhonte. Iahá꞉rawe tsi tewatoseró꞉tons kwáh ó꞉nenh ne ronterí꞉ios thóh niahonenonhátie tsi tewaterí꞉io tekanenhríson, tehotihenréhtha nateriʼiósera tsi nihatiwenhnó꞉te.