Joshua 22:4 - Ohiatonhseratokénti

⁴ Ó꞉nen ki, tsi ki nihorahrátstons, ne Roiá꞉ner Sewaní꞉io thashaká꞉wen ne ronátiaʼkes Nisraerʼró꞉nons ne skén꞉non. Káti wás thóh nionhsásewe ne tsi tionhontsá꞉ien tsi niká꞉ien ne sewá꞉ton í꞉se sewáwenk, ne tsi ionhontsá꞉ien ne nà꞉kon nòkwah ne Jordan, né꞉tho Mahís, ne Roiá꞉ner rahonhátshera, thetsisewá꞉wi.

Joshua 22:4 Iomraidhean Croise

1 Chronicles 22:18

Wahénron, “Né Roiá꞉ner Sewaní꞉io í꞉ken tsi sewakonhátieskwe tánon tetsisewá꞉wi ne skénnon ne kwáh tsík nahontahiotserahtónhake. Wahakeríhon ratiʼkwé꞉kon akʼkhesén꞉ni né kén nón꞉we nihiohontsáien nihatiʼnákereʼkwe, tánon kíʼ ó꞉nen í꞉se shonwetaʼshónhas ronatónhon tánon ne Roiá꞉ner.

Exodus 33:14

Ne Roiá꞉ner wahénron, “Kwáh Í꞉i éntenʼne, tánon kwáh entkónhion natesenhniétshera.”

Numbers 32:18

Iáh thaʼhonsahiakwahténhti ne tsi tsionkwahnonhsóhtons niahonsáhiakwe tsi nióre ratikwékon ne ronátsiakes NʼIsraerʼró꞉nons enhonatienawastónhake nonhóntsa ne ronhwanáwi.

Deuteronomy 12:9

Tiorí꞉wa tsi arè꞉kok tietsonhontsará꞉hon né꞉tho Roiá꞉ner sewaNí꞉io tsisewawì꞉re, tsi nón꞉we nenhwá꞉ton ne skénhnonk tahisewanákerehke.

Deuteronomy 29:8

wetewatié꞉nawatste ne rahononhóntsas, tánon wahithihiakhónhase ne tsi ratiʼtaraiéntons ne Reuben ó꞉ni ne Gad, tánon ne satekanenhrí꞉hen ne Manasseh.

Deuteronomy 3:20

Ieʼtsisnié꞉non ne otià꞉kes NʼIsraerʼró꞉nonhs tsi nió꞉re ienhontié꞉nawatsʼte nohontsaʼshón꞉a ne Roiá꞉ner enteshakowí꞉hon né꞉ne tsi iaʼtewatshénthos nokwá꞉ti iotohetsʼtákwen ne Jordan tánon ne tsi nió꞉re ne Roiá꞉ner enshakorí꞉hon ne skén꞉non tsi ahatiʼterón꞉take, tsi ó꞉nen thóh ne nihoié꞉ren ne kén nónhwe ne sewariwà꞉ke. Ken ienwatásawen, enwá꞉ton ne kén꞉en tsi iohontsá꞉ien natahonʼté꞉sehwe né꞉tho ohóntsa tkwá꞉wi.’

Hebrews 4:8

Tóhka ne Joshua ahontashakówike nonkwesónha tsi nihorahrátsʼton ne Rawenni꞉io, ne Rawenni꞉io iáh tahoshaotharáhkwen nohnakènke nó꞉ia wennihseráthe.

Joshua 1:15

tsi nió꞉re nenhatihiathakweʼní꞉ioke nonhóntsa ne tsi iaʼtewatshénhtos nokwá꞉ti ne Jordan né꞉tho Roiá꞉ner Onhkwaní꞉io teshakowì꞉re. Nó꞉nen enteshakó꞉wike ratikwé꞉kon ne rahothitióhkwas ne Israerró꞉nonhke, ethò꞉ne enwá꞉ton thenthí꞉shewe tánon kén꞉en nón꞉we nashewatená꞉taien ní꞉se sonhontsà꞉ke né꞉ne tsitʼkarahkwí꞉nekens nokwá꞉ti ne Jordan, tsi niká꞉ien ne Mahís, ne Roiá꞉ner rahonkwè꞉tha, thetsisehwá꞉wi.”

Joshua 12:6

Kí꞉ken teninonhtiiotsherá꞉ke né꞉ne Mahís ó꞉ni nonhkweshón꞉ʼas Nisraerʼró꞉nonhke ronhwathisénhnion. Mahís né꞉ne Roiá꞉ner rahonhátshera, ne rahononhóntsa ne thashaká꞉wen ne tsi ratiʼthá꞉raien ne Reuben ó꞉ni ne Gad tánon ne satehothitiokwí꞉hen ne Manasseh, né꞉ne ronónha ahontié꞉nawatste.

Joshua 13:15

Ne Mahís ostónha shakahontsá꞉wi ne kahwá꞉tsires ne rahotitióhkwas ne Reuben nahonawenhkhón꞉weke.

Joshua 13:8

Ne rahotitióhkwas ne Reuben ó꞉ni ne gad ó꞉ni nó꞉ia tióhton nihotitióhkwakes ne Manasseh ó꞉nen nénhne rotiienàhon nonhóntsas né꞉tho Mahís teshakó꞉wi, né꞉ne Roiá꞉ner raonhátsera, theshakó꞉wi; né꞉ne tsitʼkarahkwí꞉nekens nokwá꞉ti ne Jordan Kaniataratátie.

Joshua 22:3

Kwáh thóh náhe iáh nonhwénton naieʼtsihiatewenhthétons ne ronátiaʼkes Nisraerʼró꞉nons. Kwáh sewathateʼnikonráhraʼkwe nahisewatewénhnaraʼkwe tsi nihorihwathátons ne Roiá꞉ner Sewaní꞉io.