Joshua 2:9 - Ohiatonhseratokénti

⁹ tánon wahakawénhase, “Wakaterièn꞉tare né꞉tho Roiá꞉ner tsi thetsisewá꞉wi ki kén꞉en ionhontsá꞉ien. Kwáh onhkweʼtakwé꞉kon ne kén꞉en kanakerahserá꞉kon tsi ietsiʼtshiánis.

Joshua 2:9 Iomraidhean Croise

Genesis 35:5

Tsi tahontáhsawen ne tahontháhahkwe ne Bethel nón꞉we niahón꞉ne, kahteronhtsherowá꞉nen Rawenniió꞉ke non tá꞉we tánon ne wahotíhrahʼne ne kanatowá꞉nenʼs ne aktóntieʼs tsi nón꞉we nihón꞉neʼskwe, ne ká꞉ti ne tóhsa ónhka ahonwatíhsere ne Jacob raonekenhteronʼtsheraʼshón꞉ʼa.

2 Samuel 17:10

Ehʼthóhʼne shé꞉kon ne kwáh ronikonratsáni raterí꞉ios, thóh nihawerhiá꞉shote tsi ní꞉iot ne kénreks, kwáh í꞉ken tsi enhotitsiʼióhaʼne; asèken akwé꞉kon Israerʼronónke iakoteriéntare nètho ne ianíha tsi raterí꞉ios nahahiatóten, tánon tsi nikáien ne ratikwekonháties kwáh kíʼ rotinikonratsáni tsi ronterí꞉io nahatiʼiatóten.

2 Kings 5:15

Elisha tsi thénteron nionhsáre rónhne ne rahonkwetashón꞉ʼas tánon wahénron, “Ónen kíʼ onhkateriéntaraʼne tsi kwáh iáh tekáien nó꞉ia ne ní꞉io akénhake kwáh nék khók ne Raní꞉io Nisraerʼró꞉nonke; káti asatʼthonthátseke, sién꞉shion, tséna kí꞉ken athatawítsera né konhiá꞉wis.”

2 Kings 7:6

Né Roiá꞉ner né waʼrónhniate né Syriaró꞉nons ronhterí꞉ios tsi wahonatʼthóntene tsi ní꞉ioht ne tahotinenhríne rotiʼtsiokwatʼtsáni ronhterí꞉ios tahotisátenhtse tánon otsónkwah tahotihonwísere, ók né Syriaró꞉nons né꞉ne wahón꞉nere né ronnontí꞉io Nisraeʼró꞉nonke né wasakónaʼne ne Hitró꞉nons tánon ne Egyptró꞉nons rontinontí꞉ios ó꞉ni ne rahononkwetaʼshón꞉as ronterí꞉ios niaʼonwanatsatónhti.

Nehemiah 6:16

Tánon nó꞉nenh ratikwé꞉kon ne ionkhisonʼs wahatirihwarón꞉ke kí ken, ratikwé꞉kon nonkweʼshón꞉ʼahs ne iakwahiatattón꞉tses wahónt꞉kato ki ken, iáh thateshonthaterenssarons; aseʼken ronaterientarakwe nètho ki ken kahiothensera tsi nikahiothenhen ne tsi onhkwah ní꞉io rahón꞉ha rohiothenhen.

Esther 8:17

Tsi ní꞉kon kanataké꞉ron tánon kakorahseraké꞉ron tsi nón꞉we ronontí꞉io raoianerénhsera iotewennà꞉note, ne Sitaeró꞉non wahonnentanó꞉ronhste ronatshennón꞉ni tánon ronatonhnháhere wahatikhwà꞉ren. Tsi naʼá꞉wen é꞉so niiá꞉kon nón꞉kwe, Sitaeró꞉non wahontatón꞉ni tsi ó꞉nen wahonwatitshà꞉niʼke.

Job Tánon ne Raoronhiakensera 19:25

Asè꞉ken wakaterièn꞉tare ne Satiatákwen tsi rónhne, tánon kwáh tenʼthá꞉tane noná꞉ken enhiahónhniate ne kén꞉en ionwenhtsá꞉te;

Psalms 112:10

Ne ronhnonkwetaʼhétkens rontkáthos tánon rotinakwénhen; thenhonhnokaránie tánon eʼren enshón꞉nhete; tsi nahothénshons ronskáneks ne ronhnonkwetaʼhétʼkens iáh tehonaterihwaʼthentsénhnis.

Psalms 115:16

Né tsi karonhiáte né꞉ne Roiá꞉ner raówenk í꞉ken ne tsi karonhiátes, ók ne tsi ionhontsáte ónhkwe nenhné꞉e tesakówi.

Exodus 18:11

Ónenh kíʼ onhkateriéntarahʼne nètho Roiá꞉ner tsi sénha roshaststenseroʼwá꞉nen tsi ní꞉ioht nakwékon ne ratiní꞉ios, tsoríwa tsi thóh kí ken nahá꞉iere nónenh ne Egyptró꞉nons wahonwanaʼtewenienʼnakʼsá꞉ten ne lsarerʼró꞉nons tsi nióre tsi ronahʼtenontsisʼtaniráhton.”

Exodus 23:27

“Kwáh enkhehiónhnien nonhkweshón꞉ʼa ne hiesahiotátis nahionketsianíhsheʼke; kwáh tenkhehianithonhniáten nonhkweshón꞉ʼa tsi nikáien nensehwaterí꞉io, tánon kwáh rathikwékon enkhehiónhnien ne iesháshons ne tahonsahontkaraténi tánon nahiesatékwahse.

Ecclesiastes 8:12

Né roriwáneren tó꞉ka enskatewenhniáwe nihioriwáhke né ahohióten ne kariwahétken tánon shé꞉kon kíʼ enrónhnheke. Oh hén, Wakateriéntare tsi nahó꞉ten rónhton: “Tó꞉ka entiewénhnarahkwe ne Rawenni꞉io, kwáh oriwahkwékon tsi tienhioianeréhake,

Isaiah 19:1

Nateriwanoʼtátshera ne aorihwàke Egypt. Satkátho, ne Roiá꞉ner ne rohonwí꞉sere ne tehiotsaʼtáka tánon wáhraʼwe ne Egypt nón꞉we; nahohiatonhniʼsónhas ne Egypt kwáh thenhiowí꞉shonkwe ne rahohénton, tánon ne raonerhiaʼnéshon ne Egyptró꞉nons kwáh enhotiʼwistanáwenhse ronhnonháke.

Isaiah 23:5

Nó꞉nen noríwahse iénhwahwe ne Egypt, kwáh kíʼ enhatiʼnikonraronhiáken tsi nihotirihwarónhken ne Tyre aorihwàke.

Jeremiah 27:5

“Né nakeshastsʼténsera ó꞉ni tsi nikeshástsʼte né wakátston tsi wahkonhontiónni, khehiatísons nonhkweshón꞉a, tánon konhtiʼkwékon ne katʼtshénens ne nonhwenhtsiáke nónhwe nikonhnónnhe; tánon kwáh tsík ónhka entekhéhion tsi nenhtkheráhko.

Nahum 2:10

Enwatsesatón꞉ke, enkarihwaiésa, tánon enwatkarón꞉ni! Enhiakoteronhiénhten tánon thenhiakosiníshonkwe, akwé꞉kon enhonteshatstenhserókten, ratikwé꞉kon thenhonskenhnenhnatónhten!

Numbers 20:14

Ne Mahís iashakoténiete ne ratirihwakarénies Kadesh tahonténhti ronhnontiʼióke niahón꞉ne né꞉ne Edom nónhwe. Wahonníron, “Kí꞉ken oríhwa sewatátenons nónhwe nonhtá꞉we, né tsi kentiókwahiens NÍsraerʼró꞉nonke. Sateriéntare tsi nahonkwahrihwanorónsten tánon tsi ní꞉ioht tsi wahakwahronhiáken,

Numbers 20:24

“Ne Aaron iáh nènhne tshiahatáwehiate ne tsi tsiohontsáien tsi nikhehiararatsʼténhni nahontatkhéhion NʼIsraerʼró꞉nons; enrénheie nènhne, tsioríhwa tsi iáh tetsiatewenhnarákwen nakerihwatátʼtshera ne Meribah nónhwe.

Matthew 20:15

Kanekhere ȣahi entkanonton tsini ienhenkhaȣe tsi nahoten ȣakien? ohia ken nitisatierase tsi teȣakeriȣaieri?

Deuteronomy 11:25

Kwáh tsikʼnonwéhson nienhénsewe nonhontsá꞉kes, ne Roiá꞉ner sewaNí꞉io ensakahón꞉nien nonhkweshón꞉as naietsitsaʼníseke, kwáh ki tsi nihorahrátston, tánon kwáh iáh ónhka tahatikwé꞉ni ne taietshitáste.

Deuteronomy 2:25

Kén꞉en ienwatáshawen kwáh tsit nonhwéson tsi enkheión꞉nien nonkweʼshón꞉ʼas naiesatsaní꞉sehke. Onhkweʼtakwé꞉kon tsi enhotihiatiʼtshónkwe tsi nenhotiʼterónhne nenieshasenhnà꞉ronhke.’

Deuteronomy 28:10

Ethò꞉ne ki kwáh ohontsakwé꞉kon enhiontkátho né꞉tho Roiá꞉ner tsi í꞉se tsisewahiaʼtarákwen ne rahonkwè꞉ta ahisewá꞉ton, tánon káti enietsitshaʼní꞉sheke.

Deuteronomy 32:8

Nó꞉nen ne Rawenni꞉io ne naonhà꞉a tháshatste tsi ní꞉ioht nakorénhson nihiohokón꞉as, wasakahontsawí꞉hons ne niaʼteiakahontsà꞉kes. Waharakwenhá꞉ton tsi nonwéhson nahienákereʼke. Thasakowí꞉hon ne sohthitiokwà꞉tsons nahotinihioseraién꞉take,

Hebrews 11:31

Tewehtákwen seh wahonónstathe ne tiotakwahkaréni Rahab tsi iáh tekonwahnonwariákon tsi niháti ne iáh tehonwahwenhnaráhkwaʼkwe ne Rawenni꞉io, asèken watiakoróhton ne Israerʼró꞉nons ne ronteriwahtórats.

Joshua 2:11

Hionkwáteronskwe tsi nihiostó꞉re sahakwarihwà꞉ronhke; hiakwakwé꞉kon wahakwaʼnikonhrókten tsi í꞉se sewaríhwa. Ne Roiá꞉ner Sewaní꞉io ne karonhià꞉ke ténhteron ó꞉ni ne kén꞉en ohontsà꞉ke.

Joshua 2:24

tánon ethò꞉ne waní꞉ron, “Orihwí꞉io onhkenónhni ne Roiá꞉ner tsi teshonkwá꞉wi kí꞉ken kanakerahserakwé꞉kon. Ratikwé꞉kon ne nón꞉we nonhkweshón꞉as kwáh hionkhitsà꞉nis.”

Joshua 2:8

Nohén꞉ton ne iaterihwató꞉rats nahiathatewehienénhthaʼne nahothì꞉tawe noʼkarasné꞉ha, ne Rahab hiakarà꞉then ne karonhkweʼnà꞉ke

Joshua 5:1

Ratikwé꞉kon ne Amorʼró꞉nons ronhtinonhtí꞉ios né꞉ne entiè꞉ne nokwáhti iotiéton ne Jordan ó꞉ni ratikwé꞉kon ne Cannanites ronhtinonhtí꞉ios ne aktónhtie ne Mediterranean Kaniatarakeʼkó꞉wa wahatiriwarónhke né꞉tho Roiá꞉ner tsi rostatʼtháton ne Jordan kaniataratátie tsi nió꞉re nonhkweshón꞉ʼas Nisraerʼró꞉nonke iathatihiá꞉iake. Wahonateronhiénten ó꞉ni wahonnikonhrókten né꞉ne Israerʼró꞉nons rahotiríhwa.

Joshua 6:2

Ne Roiá꞉ner wahawénhase ne Joshua, “Shatsià꞉nake éntsien ne Jericho, skátke nahonhnonhtihiótsera tánon ratikwé꞉kon ne ronhtinikonhraʼtsánis nahonkweʼtashónhas ronhterí꞉ios.

Joshua 9:10

Tánon tsi nishakoieráse ne teninonhtihioʼtserá꞉ke ne Amorʼró꞉nons né꞉ne ná꞉kon nokwá꞉ti ne Jordan: ne ronhnonhtí꞉io Sihon ne Heshbon ó꞉ni ne ronhnontí꞉io Og ne Bashan, ne raónha Ashtaroth nón꞉we nihanákereʼkwe.

Joshua 9:24

Tsi wathatirihwaʼserá꞉ko, “Thóh nahakwáiere, shén꞉shion, tiorì꞉wa tsi wahakwarihwà꞉ronke tsi kwáh tósken í꞉ken né꞉tho Roiá꞉ner Saní꞉io tsi rohró꞉ri ne raonhátsera Mahís tsi ohontsakwé꞉kon ahontáhion tánon nashakononhwariaʼkónhnion nonhkweshón꞉as tsi nihatinakeré꞉nions tsi nienhénse. Thóh nahakwáiere tiorì꞉wa tsi kwaʼtsá꞉nis; hionkwatéronskwe tsi nihiatsionhnhiénion.

Joshua 9:9

Ethò꞉ne wahonwakaratónhase: “Kwáh í꞉ken tsi ahí꞉nonh nió꞉re tionhontsá꞉ien nitionhkwè꞉non, Shé꞉shion, tiorì꞉wa tsi washakwasenhnáronhke ne Roiá꞉ner Saní꞉io. Kwáh akwé꞉kon hionkwariwarónhken tsi nihoié꞉ren ne Egypt nón꞉we.

Judges 7:14

Né ronaténro watharihwasehráko, “Né thíken ne rahonasarekówa Israerʼró꞉nons, Gideon né roʼníha né꞉ne Joash! Iáh nóia thènen tekéntons! Ne Rawenni꞉io tahá꞉wen natesehniétshera nashakosénhni ne Midianró꞉nons tánon tewakwékon nonhkwenhtsókwah só꞉tar!”