Joshua 2:10 - Ohiatonhseratokénti

¹⁰ Hionkwariwarón꞉ken tsi ní꞉ioht tsi roniatarásthaton ne kaniatarakeʼkowáhne ne Roiá꞉ner ne sewahénton ne shathontesewahténhti ne Egypt. Hionkwarihwarónhken ó꞉ni tsi ietsinonhwarià꞉kon ne Sihon tánon ne Og, ne teʼnihiáse Amorʼró꞉nons shakothinonhtí꞉iokwe ne nà꞉kon nòkwah ne Jordan.

Joshua 2:10 Iomraidhean Croise

Psalms 74:15

Í꞉se thóh ná꞉tsa nahionaweró꞉taʼne tánon nakahionhatátseke; í꞉se iastéon ne watnekíne.

Numbers 20:14

Ne Mahís iashakoténiete ne ratirihwakarénies Kadesh tahonténhti ronhnontiʼióke niahón꞉ne né꞉ne Edom nónhwe. Wahonníron, “Kí꞉ken oríhwa sewatátenons nónhwe nonhtá꞉we, né tsi kentiókwahiens NÍsraerʼró꞉nonke. Sateriéntare tsi nahonkwahrihwanorónsten tánon tsi ní꞉ioht tsi wahakwahronhiáken,

Numbers 23:22

Rawenni꞉io tethesakohiaʼtinekénhʼen ne Egypt nónhwe; Rahónha sakoteriʼióse tsi ní꞉ioht ne karhakónha tehoná꞉kares.

Numbers 24:8

Rawenni꞉io tetheshaʼkohiatinekénhen ne Egypt nónhwe, Shakoteriʼióse tsi ní꞉ioht ne karhakhónha tehonákares. Shakowénhthos ne tehontáʼtshons, Tehanénstsiake ne rahotistsiensónhas, tenhahiákhon ne rahotiʼiénkwires.

Deuteronomy 2:30

“Ók ki ne rononhtí꞉io Sihon iáh ne teshonkwariwá꞉wi nahiakwató꞉hetste ne raonakeraʼsehrá꞉kon. Ne Roiá꞉ner sewaní꞉io wahononhtsistaʼní꞉rate ó꞉ni wahaterihioseranonhwè꞉ne, ne káti nahónton nashakwaʼsén꞉ni tánon aiakwatiénawatste ne raonakeráhsera, tánon shé꞉kon ki nihionkwatienawáston.

Joshua 24:12

Tsi niahisehwe, watekhehionniaritkon né nahónton nakhehiatinekenwe thí꞉ken tehotinonhtí꞉iotserake Amorʼró꞉nons. Tánon iáh ki i꞉se tesewashaststensera ó꞉ni ne sewateriiosthakwa thóh tehiotiieren.

Joshua 4:24

Ne aorì꞉wa kí꞉ken kwáh onhkweʼtakwé꞉kon nonhontsá꞉ke kwáh enhiakoterienʼtaráne tsi naʼtehiotenonhianì꞉ton ne Roiá꞉ner Raoshatsténhsera, tánon kwáh enskwéniensthe ne Roiá꞉ner Sewaní꞉io ne tsi nénhwe.”

Joshua 5:1

Ratikwé꞉kon ne Amorʼró꞉nons ronhtinonhtí꞉ios né꞉ne entiè꞉ne nokwáhti iotiéton ne Jordan ó꞉ni ratikwé꞉kon ne Cannanites ronhtinonhtí꞉ios ne aktónhtie ne Mediterranean Kaniatarakeʼkó꞉wa wahatiriwarónhke né꞉tho Roiá꞉ner tsi rostatʼtháton ne Jordan kaniataratátie tsi nió꞉re nonhkweshón꞉ʼas Nisraerʼró꞉nonke iathatihiá꞉iake. Wahonateronhiénten ó꞉ni wahonnikonhrókten né꞉ne Israerʼró꞉nons rahotiríhwa.

Joshua 9:10

Tánon tsi nishakoieráse ne teninonhtihioʼtserá꞉ke ne Amorʼró꞉nons né꞉ne ná꞉kon nokwá꞉ti ne Jordan: ne ronhnonhtí꞉io Sihon ne Heshbon ó꞉ni ne ronhnontí꞉io Og ne Bashan, ne raónha Ashtaroth nón꞉we nihanákereʼkwe.