Joshua 19:40 - Ohiatonhseratokénti

⁴⁰ Ne tsatákhaton niwatká꞉wen né꞉ne tsi ratiwatsí꞉raiens ne rahotitióhkwakons ne Dan.

Joshua 19:40 Iomraidhean Croise

Genesis 35:25

Tánon nakoioʼokón꞉ʼahs ne Rachel aohnhá꞉tshera Bilhah ne ne Dan, tánon ne Naphtali.

Ezekiel 48:1

Né othoréke nokwáhti karisthatátie tsi ionhontsáien tsitʼkarahkwínekens nokwáhti nieiawénon né꞉ne Mediterranean Kaniatarakhekówa tsiotásawe tsi nióre ne tsit kanatowáhne ne Hethlon, né꞉ne Hamath pass nietsawénon, ó꞉ni ne tsit kanatowáhne ne Enon, né tsit karisthatátie tsi natetsátere ne kanakerahseráiens ne Damascus tánon ne Hamath. Né skentára énska iokwénrahre enhatiʼiéna nohóntsa thóh entewatásawen tsi karisthatátie ne tsitʼkarakwínekens nokwáhti né꞉ne tsi iatewatʼtsénthos nokwáhti ne Mediterranean Kaniatarahkhekówa; né entsiohianénhawe othoréke entewatásawen tsi nióre nentiéne: Dan Asher Naphtali Manasseh Ephraim Reuben Judah

Joshua 10:40

Ne Joshua washakosenhniónko nonhontsakwé꞉kon. Wahosénhni ne ronhnonhtí꞉io ne tsi iononhténion kanakerahserá꞉ien, ne tsitkarahkwí꞉nekens nokwá꞉ti iononhtakarenhrénions, tánon ne tsi iaʼtewatsénhtos iononhthaientáserons, kwáh ó꞉ni tsi niká꞉iens ne ionakeraserà꞉iens ne entieʼné꞉sons nokwahtí꞉son. Iáh ónhka tesakohiaʼthanonstá꞉ton; kwáh onkweʼtakwé꞉kon wahontatenonhwariaʼkónhnion. Thóh ki ní꞉ioht ne Roiá꞉ner Raní꞉io ne Israerʼró꞉nonke tsi rotenhnàhon.

Joshua 19:39

Kí꞉ken kanatowá꞉nens ó꞉ni ne kenʼnikanatà꞉sas thóh tsi ionhontsá꞉ien né꞉ne tsi ratiwatsí꞉raiens ne rahotitióhkwakons ne Naphtali rotiienàhon nahonawenhkónhweke.

Joshua 19:41

Tsi niwatenáskwa thóh í꞉kare ne Zorah, Eshtaol, Irshemesh,

Judges 18:1

Né shiʼkaháwiskwe iáh tekanontiʼiotseraiénthaʼkwe Nisraerró꞉nonhke. Né siʼwenhniseraté꞉nionskwe ne tsi ratiʼtsiókwahien ne Dan ratinakeraserí꞉sakʼskwe nahontsénawasʼthe tánon thóh nónhwe nahonthatíteron tsioríhwa tsi iáh arèko tehotiʼienáhon né thènen nonhóntsa tsi skát꞉ke ratinákere nʼIsraerʼró꞉nons ne tsi ratitsiókwahiens.