Joshua 17:7 - Ohiatonhseratokénti

⁷ Ne raotinakeráhseras ne Manasseh ié꞉was ne Asher tsi nió꞉re ne Micmethath, né꞉ne tsitkarahkwí꞉nekens nokwá꞉ti ne Shechem. Ne tsi karisthatátie thóh nietsawé꞉non nentiè꞉ne nokwá꞉ti né꞉ne iahiakokwékte nonhkweshón꞉as ne Entappuah.

Joshua 17:7 Iomraidhean Croise

Genesis 34:2

Ne Hamor ne roièn꞉ʼa ne Shechem ne ne Hivró꞉non, ráonha roterihón꞉tahkwe neh nón꞉we niiohontsá꞉ien, wahshakó꞉ken, iahshakoiaʼténhawe tánon thontahshakonónhtonʼse skátne wahiá꞉rate.

Genesis 37:12

Énskat wenniserá꞉tehkwe nó꞉nen ne Só꞉se rontateʼkoʼokón꞉ʼahs kahentà꞉ke iekonwatiʼnikón꞉rarahkweʼ ne ronwaʼníha raotshenenʼó꞉konʼs teiotinaʼkarontón꞉ʼa tánon ne kaiaʼtákeras ákta ne Shechem,

Genesis 37:14

Katíʼ wahawènhahse, “Wáhs kíʼ ó꞉nenk, satkenʼsé꞉ra tókaʼ kenh ne sewatateʼkoʼokón꞉ʼahs iáh thé꞉non tehotiiá꞉tawens tánon ó꞉ni ne teiotinaʼkarontón꞉ʼa tánon ne kaiaʼtákeras; tánon tontahskerihwenhawíten.” Sók kí tho nón꞉we tahoténniehte aonhráhkwakon ne Hebron. Kiʼ iahá꞉rawe ne Shechem,

1 Kings 12:1

Né Rehoboam Shechem niahá꞉re, thóh nónhwe ratikwékon ne othoreʼkeʼró꞉nons nòkwahti Israerʼró꞉nonke nihonatsatharó꞉ronhne nahonwanontí꞉iosthe.

1 Kings 12:25

Né Ronhnonhtí꞉io Jeroboam ne Israerʼró꞉nonke wathanathánake ne tsi kanáthaien ne Shechem né꞉ne tsi ionhnonhtharónhnions kanakeraseráien ne Ephraim tánon thóh nónhwe nikarihwésha iehanákereʼkwe. Ethòne ónenh sahathénhti tánon iahathenhenhrónhni ne tsi tkanátaien Penuel.

1 Chronicles 6:67

né Shechem, thóh né nón꞉we nihontasetákwahkwe tsi ionhnonhtarónhnions ne Ephraim, Gezer,

Psalms 60:6

Rawenni꞉io rorahráts꞉ton thóh raoʼnonsatokentiʼkówaʼne: “Né꞉ne watsenhnonniatserowáʼnen tsi ní꞉ioht tsi thenkhekháshion ne Shechem, tánon enkatenientennion tsi iahonrá꞉kwahien ne Sukkoth.

Joshua 17:6

tiorì꞉wa ne tionaʼthonwí꞉sen tsi nitionatwatsirí꞉nons ne ó꞉ni shá꞉ka ne rotiskenrakéhte tsi nitonatwatsirí꞉nons tonhwanawí꞉hon nonhóntsas. Ne tsi iohontsá꞉ien ne Gilead nón꞉we ne thonwaná꞉wi ne tsi nitotwatsirí꞉non ne Manasseh.

Joshua 17:8

Ne ionhontsá꞉ien nakthónties ne Tappuah né꞉ne rahoná꞉wenk ne Manasseh, ók ne tsi kaná꞉taien ne Tappuah, ne kwáh tsi karisthatátie, né꞉ne rahoná꞉kwenk tsi ratiwatsiratátie ne Ephraim.

Joshua 20:7

Káti nonhkweshón꞉as ne Israerʼró꞉nonhke iá꞉iak nikaná꞉thakes wahonthaterákwahse, áhsen nikaná꞉thake né꞉ne tsi iaʼtewatsénhtos nòkwah ne Jordan Kaniataratátie né꞉ne Kedesh né꞉ne Galilee nón꞉we, ne tsi ionhniarónhnions kanakerahseraké꞉rons né꞉ne Naphtali; Shechem, ne tsi iononhtharónhnions ne kanakerahseraké꞉rons né꞉ne Ephraim; tánon ne Hebron, né꞉ne tsi ionhniarónhnions kanakerahseraké꞉rons ne Judah.

Joshua 21:21

Kaié꞉ri ní꞉kons ne kanatowá꞉nens thonwanawí꞉hon: né꞉ne Shechem í꞉kare ne watenhenrowá꞉nens né꞉ne tsi iononhtharónhnions kanakerahserá꞉iens ne Ephraim nón꞉we (ne á꞉re nénska ne kanatowá꞉nen ronhthasehthákwa ne sohnaterihwatewá꞉tons), tánon ne Gezer,

Joshua 24:1

Joshua kahnenhrahkwekon wahshá꞉kohiatahrorohke ne Israerró꞉nonhke ne꞉ne Shechem nónhwe. Hiashá꞉kononhke ne thotiions, ne ohénton iehonʼnetons, ne rathiriwenhtas, tánon ne ronahterihontons ne Israerʼró꞉nonhke, tánon rahohénton ne Rawenni꞉io wahthathitahne.

Joshua 24:32

Ne rahó꞉ieronhtha ne Sose, né nonhkweshón꞉ʼa tethó꞉tiha ne Egypt nónhwe, Shechem né nónhwe nihonwahiathaten, né꞉ne ken nihiohonsa ne Jacob ró꞉ninon ne Hamor roiénha, né roní꞉kenʼen ne Shechem, né꞉ne énska tewenhniáwe nikawisthake kawistharaken rokarhiakon. Ki ken ohontsa né꞉ne Sose rahowatsires rotiienahon.

Judges 9:1

Ne Gideon roiénha Abimelech tsitʼkanátaien ne Shechem niaháre, tsi nónhwe ne ronisténha akowátsires thatinákere, tánon washakoró꞉ri