Joshua 17:15 - Ohiatonhseratokénti

¹⁵ Ne Joshua watarihwaʼserá꞉ko, “Tó꞉ka thóh nió꞉re tsi sewenhtiohkowá꞉nen tánon ne tsi ionhniarónhnions kahetà꞉kes ne Ephraimke soh tsi niahà꞉ne sewarihwà꞉ke, ki karákon niahásewe tá꞉non sehwathathonhontsaserónhnien ne tsi ionhontsá꞉ien ne Perizró꞉nons ó꞉ni ne Ephraimke.”

Joshua 17:15 Iomraidhean Croise

Genesis 13:7

tánon waʼthonterihotaʼhrók꞉kon kíʼ tsi naʼtehóntere ne shakotí꞉nonhne Abram raotshenenʼó꞉konʼs tánon ne Lot raotshenenʼó꞉konʼs. Neʼthó shontakahá꞉wi ne Canaanites ó꞉ni ne Perizró꞉nons tho nón꞉we tionhwentsá꞉ien nihatinákerehkwe.

Genesis 14:5

Ne kaieríhaton iawén꞉re shiiohserakehátie ne Chedorlaomer tánon ratikwé꞉kon ne rontinontí꞉ioʼs né skátne ratikwekonhátie wahshakotishén꞉ni ne Rephaim né꞉ne Ashteroth Karnaimʼke nón꞉we, ó꞉ni ne Zuzim né꞉ne Ham nón꞉we í꞉ken, ó꞉ni ne Emim ne ne Shaveh-Kiriathaim nón꞉we í꞉ken.

Genesis 15:20

ne Hitró꞉nons, ne Perizró꞉nons, ne Rephaim,

2 Samuel 18:6

Káti ne ronterí꞉ios iahatiʼiákenʼne thóh niahónne kahentá꞉ke niasakonatsaʼtónhti nʼIsraerʼró꞉nons; tánon thóh nón꞉we nahonterí꞉io ne karakonkówa ne Ephraimke.

2 Samuel 5:18

Nón꞉wa ne Philistines thóh nènon tánon wathonréhni thóh ahonrakwákon ne Rephaim.

2 Samuel 5:22

Shé꞉kon ionsónteratste ne Philistines tontahónhne, tánon thóh nón꞉we natehonahréhnion aonrakwáhkon ne Rephaim.

Ezra 9:1

Nó꞉nen nakwé꞉kon kí꞉ken thóh saháwenhne, ótiaʼkes ne sakotihéntenhs nonkweshón꞉as Nisraerró꞉nonke tahónhne tánon wahontʼró꞉ri nonhkweshón꞉as, né꞉ne ratitsihénstatsis, tánon ne Levites tsi iáh nehonatiathotháron tsi nokwáh ne tehonthonhontsanekʼkhánions né꞉ne Ammon, Moab, tánon ne Egypt ók ó꞉ni ne Canaanró꞉nons, Hitró꞉nons, Perizró꞉nons, Jebusró꞉nons, tánon ne Amorʼró꞉nons. Kwáh ki etʼnihotiierenhátie ne ioterihwatehathénions tsi ki nihotiiéren ki onkweshón꞉as.

Exodus 33:2

Kwáh raronhiakeró꞉non ienhiʼhiaténieʼte nahiahéntense, tánon kwáh enkhehiatínekenʼwe ne Canaanites, ne Amorʼró꞉nons, ne Hitró꞉nons, ne Perizró꞉nons, ne Hivró꞉nons, tánon ne Jebusites.

Luke 12:48

Kenh kaien ne iah tohonikonraienteri, tanon neh kenh niiehoieren tsinahoten ne teiotenstson nahonȣareȣate, karoki tanon nehne tsi nenhonȣanonȣareke: Aseken onka eso enhonȣaȣi, esoki enshonȣariȣanontonse: oni nisinonȣe tsi nenhonȣatakȣennia ienni ihsiki nonȣe nenshonȣariȣanontonse.

Joshua 17:14

Tsi nitonatwasirí꞉non ne Só꞉se wahónwenhse ne Joshua, “Onhnihiotié꞉ren tsi énskska khók iokwénhrare tsi nón꞉we nistsionhontsá꞉wi nahionkwawenhkónhweke? Kwáh í꞉ken tsi hionkwentiohkowá꞉nen ne tiorì꞉wa ne Roiá꞉ner tsi nisonhkwahiaʼthateríston.”

Joshua 17:16

Wathatirihwaʼsehrá꞉ko, “Ne tsi ionhniarónhnions ne kaheʼthá꞉kes iáh tsiaʼtekaié꞉ri tsi nahónske nonhkwarihwà꞉ke, Ók ki ne Canaanites ne tsi ionhtonhontsakwaríhshions ó꞉ni nahonrahkwakónsons nón꞉we nihatiʼterónhtons. Tánon kwáh ratikwé꞉kon rotisehrethaiéntons ne konhterí꞉ios otsónhkwas karísthatis ionhniáton. Tsi nihá꞉ti ne tsi kanatowá꞉nens ratiʼterón꞉tons ne Beth Shan tánon ne aktatieʼshón꞉as kanataién꞉tons, tánon tsi niháti ne ahonráhkwakon ne Jezreel ratiʼterón꞉tons kwáh ratikwé꞉kon rotiserehthaién꞉tons ne konhterí꞉ios otsónhkwas.”

Judges 17:1

Thóh rónhkwe raná꞉kereʼkwe Micah ronhwaiátskwe, thóh nónhwe nihanákerehkwe tsi ionhniarónhnion kanakeraseráien ne Ephraim.