Joshua 16:2 - Ohiatonhseratokénti

² Bethel nitsawé꞉non eʼnietsawé꞉non né꞉ne Luz, iehiotohétston ne Ataroth Addar, thóh nón꞉we ne Archró꞉nons nihatiʼterónhthakwe.

Joshua 16:2 Iomraidhean Croise

Genesis 28:19

Neh nón꞉we niwatenà꞉taien Bethel wahanà꞉tonhkwe; ók neh nón꞉we ne kanatowanén꞉ke Luz tkonwá꞉iatskwe.

2 Samuel 15:32

Nó꞉nen ne Táwit iahanontawénhrate, tsi nón꞉we ne Ní꞉io nihonwasenhnaʼientákwah, Hushai ne ne Archró꞉non tá꞉re ne tahiatát꞉ken ne raotsiátawi ioterátion tánon roʼkénrare ne ranontsíne.

2 Samuel 15:37

Káti ne Hushai, ne ne Táwit roʼnaténro, tá꞉re tsi kanatowanénhke, kwáh ne Absalom tsi nihanahtará꞉sere ne Jerusalem.

2 Samuel 16:16

Nó꞉nenh ne Hushai ne ne Archró꞉non, Táwit roʼnatén꞉ro, wahoiatórenhne Absalom, Ne Hushai wahawénhase ne Absalom, “Ronhnhesón꞉ak ne ronnontí꞉io! Ronhnnhesón꞉hak ne ronnontí꞉io!”

1 Chronicles 27:33

Né Ahithophel né nénhne ne ronnontí꞉io roʼtenikonhrashonteránisʼkwe, tánon ne Hushai né Archró꞉non né꞉ne ronnontí꞉io ronaténhroʼkwe tánon né tehorihwakenaséhaʼkwe.

1 Chronicles 7:28

Né kanakerásera né wahontsénawasʼte tánon thóh nón꞉we nahontatíteron thóh í꞉kare ne Bethel tánon nak tatsesonhas kanataiéntons, kwáh tsi niió꞉re ne tsi-karakwínekens nòkwahti ne Naaran tánon tsi niió꞉re ne tsi-iatewatʼtsénthos nòkwahti ne Gezer ó꞉ni ne kanataiéntons aktatsesónhas. Thóh ó꞉ni í꞉kare ne kanatowánens Shechem ó꞉ni ne Ayyah, tánon ne akta tsesónhas kanataiéntons.

Joshua 18:13

Ne tsi karisthatátie ethò꞉ne thóh nietsawé꞉non tsi ionhnontakárenhne ne entiè꞉ne nokwá꞉ti ne Luz (ne ó꞉ni konhwanaʼthónkwa ne Bethel), ethò꞉ne ietionhnonhtatsnénhton ne Ataroth Addar nón꞉we, ne tsi iononhtáhere nenhtiè꞉ne nokwá꞉ti ne Beth Horon nón꞉we.