Joshua 14:10 - Ohiatonhseratokénti

¹⁰ Ók nón꞉wa, Satkátho. Ó꞉nen kaié꞉ri-niwáhsen-wísk nihioserá꞉ke tsi náhe ne Roiá꞉ner thoró꞉ri ne Mahís. Thóh shikahá꞉wi ne Israerʼró꞉nons iahonwentsathèn꞉ke niehoné꞉non, tánon ne Roiá꞉ner, tsi ki nihorarátston, tonáhe sihakónhnetie. Tatkenhénhion! Shaʼté꞉kon-niwáhsen-wísk naʼtewakoserià꞉kon

Joshua 14:10 Iomraidhean Croise

Psalms 107:4

Ótiakes waʼhontsiathá꞉ton ne iahonwenhtsiatʼthénhake nón꞉we tsi iáh othé꞉nen tehiohaténion, iáh tehatitʼtsénhreskwe thóh niahónhne tsi nón꞉we tsenakeréhnion ne kanatowaʼnénhke;

Psalms 91:7

Tewenhniawehetʼtserásen niháti tiatákʼta ahatihiatiénenhne, oiéri tewennhniawehetʼserásen niháti taiesahonwaʼrónhni iáh kíʼ taiesakaréwaʼte.

Numbers 14:30

Waʼkarahrátston tsi enhkwahríhon né thóh nónhwe iahisewanákerehke, ók iáh nónhka ne tsi nítsion thóh tahiáwenhne, nék khók ne Caleb tánon ne Joshua.

Numbers 14:38

Né tekeniʼiawénhre nihatíne ne ronhterihwatóratskwe nek khók ne Joshua tánon Caleb iathonsahonatáhtere.

Joshua 13:1

Ne Joshua ó꞉nen kwáh thóh tsi nithó꞉hion. Ne Roiá꞉ner wahawénhase, “Ó꞉nen saksténha, ók shé꞉kon wé꞉so ionhontsá꞉ien ne iakáhake:

Joshua 14:11

tánon kwáh shé꞉kon é꞉tho nikeʼshátste nó꞉nen ne Mahís shahakató꞉ri. Shé꞉kon é꞉tho tsi nikeʼshátste nakaterí꞉io tó꞉ka ó꞉ni nó꞉ia nahorihó꞉ten akénhake.

Joshua 14:9

Ne tsi thóh nátiere, Mahís wahakararátsten ne kheienʼokónhas tánon ní꞉i tsi kwáh oriwihiohón꞉we tsi enhiakwaié꞉na nahionkwawenhkónhweke nonhóntsa tsi nón꞉we nonhtháke nón꞉wa.