Joshua 13:5 - Ohiatonhseratokénti

⁵ ne rahononhontsà꞉ke ne Gebalró꞉nons; ohontsakwé꞉kon ne Lebanon né꞉ne tsitkarahkwí꞉nekens nokwá꞉ti, tánon ne Baalgad nitiawé꞉non, né꞉ne entiè꞉ne nokwá꞉ti ne tsi Ionónhte ne Hermon, tsi nió꞉re ne Hamath Iehiotohétston.

Joshua 13:5 Iomraidhean Croise

1 Kings 5:18

Ne Solomon tánon ne Hiram rahotinhatserasónhas tánon ne ronhnónhkwe ne Byblos nónhwe nithonénons ronónha wahatiʼnenhiasehronhniánion tánon ne ohkonrétshas tsi enkanonsonhniátonhke Nononsatokentiʼkówa.

1 Kings 8:65

Thóh nónhwe Nó꞉nonsatokentiʼkówaʼne, ne Solomon tánon nonhkweshón꞉as Nisraerʼró꞉nonke wahontenikonhró꞉ri ne tsi kakhwáheʼre ne ionthasehthákwah íken né꞉ne tsáta nónhta nikaríhwes. Kwáh íken tsi iotsiokwahtsánit tsi nónhwe nitsakawenónhsehron tsi nióre ne Hamath Pass né nothoréke nòkwahti tánon Egyptró꞉nonke tsi ronateristhatátse nenhtiéne nónhwe.

Psalms 83:7

Gebalró꞉nons tánon Ammonró꞉nons tánon ne Amalekró꞉nons, Philistiaró꞉nons tánon ne skát꞉ne ratinákere ne Tyreró꞉nons;

Isaiah 10:9

Iáh kèn ne Calno kwáh né꞉ne Carchemish akénʼhake? Iáh kén ne Hamath kwáh né꞉ne Arpad akénʼhake? Iáh kén ne Samaria kwáh né꞉ne Damascus akénʼhake?

Jeremiah 52:9

Ethóhʼne Ronhnonhtí꞉ioʼke niaʼhonwahiaténhaʼwe ne꞉ne tsít kanatowahnénhke ne Riblah thóh nónhwe iéresʼkwe ne Nebuchadnezzar ne꞉ne tsi wathonwénhtsiaien ne Hamath, tánon thóh nónhwe ne Nebuchadnezzar tahoriwénhte.

Ezekiel 27:9

Né rathiswenhkarahkétas ne kahonwehiakówahne Né꞉ne kwáh karihonniénhnis ronónhkwe né꞉ne Byblos nónhwe nitonénon. Né rontʼtsirótʼthas ne nènhʼne ne kwáh tsók niaʼtekahonwáhkes nónhwe nihotihiótenhskwe Thóh nonh nihonteriwahtenhtsáthasʼkwe ne tsi satenhninonhsehróte.

Amos 6:2

Iatetsá꞉hiat ne Calneh, tánon satkáto; thóh hionhsahsathénti kanatowanénhke ne Hamath nionhsáse; ethò꞉ne thóh hionhsahsathénti Gath nionhsáhse né꞉ne Philistiaró꞉nons ratotinatowanénhke. Sénha ken ne ioiáneres tsi ní꞉ioht kí꞉ken kanakeráhseras? Khés í꞉se ken sénha sanakerahserowá꞉nen tsi ní꞉ioht ne rahotinakeráhsera,

Numbers 13:21

Káti ne ronhnónhkwe othorèke niahónhne tánon iahonthonhontsiátʼkense ne karahkonhkówa nokwáhti ne Zin né꞉ne entiéne kwáh tsi níó꞉re ne Rehob, ákta ne Hamath Iotohetstáhkwen nothó꞉reke nokwáhti.

Numbers 34:8

tánon thóh thentewatásawen tsi nióre ne Hamath Pass. Kwáh ienkakónhthakwe Zedad niénhenwe

Deuteronomy 1:7

Thonshasewanáhtak tánon sesewahténhti. Wás tsi tsionhniarónhnion ne Amorʼró꞉nons rahononhontsà꞉ke niahá꞉sewe tánon akwé꞉kon ne tehiokwahtasèhton ne kanahkerásehras—tsi nió꞉re ne Jordan ahonráhkwakon, ne tsi tionhniarónhnions ó꞉ni ne ahonráhkwakonhs, tsi nió꞉re ne entiè꞉ne kanakerahseraké꞉rons, tánon tsi nió꞉re ne Mediterranean kaniatarakʼtóntie—tsi tiohontsá꞉ien ne Canaan niahásewe tánon iasehwató꞉hets ne tsi ionnonhtaʼrónhnions ne Lebanon kwáh tsi nió꞉re ne tkaniatarowá꞉nen Euphrates.

Deuteronomy 3:25

Takerí꞉hon ne Takeniaʼtarí꞉hiake ne Jordan, Saiá꞉ner, tánon nakatká꞉tho ne iohontsí꞉io ní꞉se nakaniatará꞉ti, ne watkaʼtotsherí꞉ios iononhtaʼrón꞉nion ó꞉ni ne Lebanon Iononhtaʼrón꞉nions.’

Joshua 11:17

Ne tsi kanakerahserá꞉ien thóh tsioténtion ne tsi Ionónhte ne Halak ne nenhtiè꞉ne ákta ne Edom, tsi nió꞉re ne Baalgad ne othorè꞉ke nokwá꞉ti, nahonráhkwakon ne Lebanon ne nenhtiè꞉ne nokwá꞉ti ne tsi Ionónhte ne Hermon. Ne Joshua né꞉ne karí꞉wes ronaterí꞉iokwe ne ronhnontí꞉io ne tsi kanakerahserá꞉ien, ók ratikwé꞉kon washakoié꞉na tánon washakononwarià꞉kon.

Joshua 11:3

Tánon ó꞉ni iashakoteriwaniéten ne Canaanites né꞉ne tetsarónhkwen nokwá꞉ti ne Jordan, ó꞉ni ne Amorʼró꞉nons, ne Hitró꞉nons, ne Perizró꞉nons, ó꞉ni ne Jebusites ne tsi ionhnontharón꞉nions kanakerahseraké꞉rons, ó꞉ni ne Hivró꞉nons né꞉ne tsi iononhthaienthàhon ratinákere ne tsi ionhnónte Hermon né꞉ne tsi wathonwenhtsá꞉ien ne Mizpah.

Joshua 12:7

Ne Joshua tánon nonhkweshón꞉ʼas Nisraerʼró꞉nonke washakotisén꞉ni ratikwé꞉kon ne ronhtinontí꞉ios ne tsi kanakerahserá꞉iens ne tsi iaʼtewatséntos nokwá꞉ti ne Jordan, né꞉ne Baalgad tsiothásawe iéhio nahonráhkwakon ne Lebanon thóh nietsawè꞉non tsi Tionónte ne Halak ne nentiè꞉ne nokwá꞉ti ne Edom. Ne Joshua watenhnaríthe kí꞉ken ohóntsas tsi naʼtehóntere ne rahothitióhkwas tánon thashaká꞉wen ne tsi nénhwe enhonawenhkón꞉weke.