Joshua 13:3 - Ohiatonhseratokénti

³ ó꞉ni tsi tkanakerahserá꞉ien ne Avvim nenhtiè꞉ne nokwá꞉ti. (Ne iohontsá꞉ien tsi nitiawé꞉non ne kahionhatátie Shihor, ne tsit karistatátie ne Egypt, kwáh tsi nió꞉re nothorè꞉ke nokwá꞉ti tkaristatátie ne Ekron, akénhake né꞉ne Canaanite; ne ronhtinontí꞉ios Philistines ratinákereʼkwe ne Gaza, Ashdod, Ashkelon, Gath, ó꞉ni ne Ekron.)

Joshua 13:3 Iomraidhean Croise

Genesis 10:6

Ne Ham ne raonekenhteronʼtsheraʼshón꞉ʼa: ne Cush, Mizraim (Egypt), Put, tánon ne Canaan.

Genesis 15:18

Né eʼthó tewenhniserá꞉tehkwe ne Roiá꞉ner wahaianerenhserón꞉ni skát꞉ne ne Abram, rá꞉ton tsi “Nienhsathwatsí꞉rine takhé꞉ion kí꞉ken ohóntsa, thóh entewatáhsawen tsitkaniataratátie ne Egypt ièn꞉wawe ne kaniataraʼkehkowanén꞉ke, ne ne tsi kaniataratátie Euphrates,

1 Kings 8:65

Thóh nónhwe Nó꞉nonsatokentiʼkówaʼne, ne Solomon tánon nonhkweshón꞉as Nisraerʼró꞉nonke wahontenikonhró꞉ri ne tsi kakhwáheʼre ne ionthasehthákwah íken né꞉ne tsáta nónhta nikaríhwes. Kwáh íken tsi iotsiokwahtsánit tsi nónhwe nitsakawenónhsehron tsi nióre ne Hamath Pass né nothoréke nòkwahti tánon Egyptró꞉nonke tsi ronateristhatátse nenhtiéne nónhwe.

1 Chronicles 13:5

Ká꞉ti ne Táwit washaʼkoiataró꞉rohke nonhkweʼshón꞉as Nisraeʼró꞉nonke kwáh kanakeraseraʼkwé꞉kon tsi tá꞉ien, Né꞉ne Egyptró꞉nonke tsit karisthatáʼtse nón꞉we nonhtahiá꞉keʼseron né꞉ne entieʼne né Hamath Pass né꞉ne Othoréke, né nahónton nahontaʼhatíhawe Naʼterihwaʼseronhniátshera Oneró꞉kwah né Kiriath Jearim nón꞉we tánon Jerusalem nienhatíhaʼwe.

Isaiah 23:3

tánon thóh tsi niwé꞉so kanekónhnions; né sewatwistonhniátha ne ohnátsias ne Shihor, né꞉ne Nile nón꞉we tkaientwákwen; í꞉se sehiathenhnínonhse ne ronhnonhontsakeró꞉nons.

Jeremiah 2:18

Nahó꞉ten sahnonhthónnions tsi tashaténtsa ne Egypt niáhse né꞉ne ahsnekírahte ne Nile ahonékanos? Nahó꞉ten shaʼnonhthónnions tsi tashaténtsahaʼte ne Assyria niáhse né꞉ne ashnekírahte ne Euphrates tsi kontʼnekíne?

Deuteronomy 2:23

Nohóntsas ne ió꞉seron ne Mediterranean atiaʼthónties thóh nónhwe nihonatenaʼtón꞉ni nonhkweʼshón꞉ʼas ne Crete nithoné꞉non. Ronónha ronwanaʼthónton ne Avvim, né꞉ne thatinakerehónwekwe, tánon akwé꞉kon ronatienawáston ne raononhóntsas kwáh tsi nió꞉re nentiè꞉ne nokwáhti iotohesthákwen ne tsi kanatowá꞉nen Gaza.)

Joshua 13:13

Ók ki, Nisraerʼró꞉nons iáh teshakotihiaʼtinekén꞉en nonhkweshón꞉as ne Geshur nón꞉we ó꞉ni ne Maacah; shé꞉kon nón꞉wa Israerró꞉nonhke ratinákere.

Judges 16:5

Wísk-niháti rotinonhtí꞉ios iasakonátʼkenhse tánon wahonhníron, “Tetienikonhrakénhni ne Samson nahiaró꞉ri onh nihiotséren tsi nióre tsi rashástsʼte tánon onh nahiáwenhne natsitewashastsʼtenhserakénhni, ensné꞉rek, tánon né sahióten ne tó꞉sa othènen ahonsahástonhke. Kwáh tsakwahiatátʼtsons énska iawénhnre tewenniáwe nikawístakes kawistaráken enkwahkáriase.”

Judges 3:3

Tsi niká꞉ien ne iatehonathaténhrons ne tsi ionhwenhtsáien né꞉ne wísk nihotinátakes ne Philistiaró꞉nons, ratikwékon ne Canaanró꞉nons, ne Sidonró꞉nons, tánon ne Hivró꞉nons né꞉ne tsi iononhténions ne Lebanon nónhwe nihatinákeres thóh tsotásaʼwe ne tsi ionónhte ne Baal Hermon tsi nióre ne Hamath Pass.

1 Samuel 5:1

Nó꞉nen ne Philistine sahatiʼié꞉na ne raoʼneró꞉kwa ne Ní꞉io, Ebenezer nón꞉we tahatíhaʼwe tsi niahón꞉ne Ashdod;

1 Samuel 5:10

Káti Ekron nón꞉we iahonténieʼte ne raoneró꞉kwa ne sakoʼNí꞉io NʼIsraerʼró꞉nons. Ók nó꞉nen ne raoneró꞉kwa ne Ní꞉io iahón꞉we Ekron, nonkweʼókons ne Ekron kwáh watsiakohénrete, “Nontiéren tsi ontsónhake nontahatíhawe ne raoneró꞉kwa ne sakoʼNí꞉io NʼIsraerʼró꞉nons ne kén naionkhinonwarhiákhon ó꞉ni nontsonkwetaʼókons?”

1 Samuel 5:8

Káti iahonwanaténieʼte tánon ashakotiʼiataró꞉rohke ratikwé꞉kon ne Roʼtiiá꞉ners ne Philistines, tánon wahonní꞉ron, “Ó꞉kwa nahitewá꞉iere ne raoneró꞉kwa ne sakoʼNí꞉io NʼIsraerʼró꞉nons?” Ne Gath nón꞉we nihatinákere wathatiriwaserá꞉ko, “Há꞉ʼo ne raoneró꞉kwa ne Ní꞉io kénʼen niekahá꞉hak tsi tewaná꞉kere.” Sók kiʼ ne raoneró꞉kwa ne sakoʼNí꞉io NʼIsraerʼró꞉nons Gath niahatíhawe.

1 Samuel 6:4

Tánon wahonní꞉ron, “Nahó꞉ten nenhnéʼe ne kaní꞉kon teieriwaserakwátha nètho ne kwáh iahonsetewaténieʼte ne raonháke?” Waʼthatirihwaserá꞉ko, “Wísk ní꞉kons ohwistanó꞉rons takwahá꞉sons tánon wísk ní꞉kons ohwistanó꞉rons ohtsiʼnionká꞉rons, ne enhioianénhaʼwe tsi nihá꞉ti ne rotiʼiá꞉ners ne Philistines; asèken kwáh ne shaʼkánra tsi sewaʼkwé꞉kon wesewahiatórenhne tánon waʼohtiʼiatórenhne ne sewaiá꞉ners.