Joshua 11:4 - Ohiatonhseratokénti

⁴ Wahón꞉newe ratikwé꞉kon shakothihiaʼtenhá꞉wi ne rahononhkweʼtashón꞉as ronhterí꞉ios—né꞉ne ronhterí꞉ios thonihonatióhkwas tsi nikonhtekatsinetharothà꞉rons natsáktha. Tánon ó꞉ni wé꞉so rotináskwaiens ne iakoshá꞉tens ó꞉ni rotiserethakátes notsónhkwas.

Joshua 11:4 Iomraidhean Croise

Genesis 22:17

kwáh kíʼ eniokwátstonke tsi enkoniaʼtaté꞉riste, tánon thóh niió꞉re tsi enkhetiohkó꞉wanahte tsi nienhsathwatsí꞉rine tsi ní꞉ioht tsi iotsistohkwahrónnion ne tsi karonhiá꞉te tánon tsi ní꞉ioht tsi tekatsiʼnehtarotáhrhonʼs noʼnehsarónhkwas naʼtsaʼktónties. Tánon tsi nienhsathwatsí꞉rine kwáh kíʼ enhsatiénawahste ne raotinataʼshón꞉ʼahs ne tehontátswenhs.

Genesis 32:12

Sasehiá꞉raʼn nétho tsi ní꞉senh, ‘kwáh orihwíioʼón꞉we tsi enkonianeráhsten, tánon tho ní꞉ioht tsi enkhehwatsirónnien tsi nienhsatwatsí꞉rine tsi ní꞉ioht tsi tekanehsaronhkotáhrhon ne kaniataraʼkehkó꞉wa, ne ne iáh thaón꞉ton nahonwanáhsehte ne tsi nihonatiohkowá꞉nen.’”

2 Samuel 17:11

Ók kíʼ tsi nikatenikonrá꞉wis ratikwé꞉kon nʼIsraerʼró꞉nons ronhnitsiokwarórok shonháke, thóh tewatásawen Dan tsi nióre ne Beer-sheba, kwáh ne ne onesarón꞉kwah natsiatʼtónhtse ne kaniatarakhekówane tsi nètho nahonatsió꞉kwaske, tánon thóh iaháse tsi tewaterí꞉io ní꞉se.

1 Kings 4:20

Nonhkweshón꞉as ne Judah ó꞉ni Nisraerʼró꞉nonhke thóh nihonatsókwas tsi níkonh tekanesaronhkótharon natsakʼtóntse; tehonskáhons tánon ratinekíra, tánon ronatʼtsenhnónhni.

Psalms 20:8

Kwáh enhatiʼiathakwenhtarane tánon enhatihiatsénenhne, ók kwáh kíʼ thentsitewátane tánon entsitewatsathakwahrísi.

Joshua 11:5

Ratikwé꞉kon kí꞉ken ronhtinonhtí꞉ios iathonnitioʼkwáieste tánon skátke tsi tahón꞉ne tánon wahonthatoserothón꞉nion ákta ne tsi kanawáhere ne Merom ne nahonterí꞉io NIsraerʼró꞉nons.

Judges 7:12

Ne Midianró꞉nons, ne Amalekró꞉nons, tánon ne iahonwenhtsiátʼtenhke ratitsiókwahien tsiatehonarénion nahonráhkwahkon tsi ní꞉ioht ne tsistárare iotihonwenhrenháwi, tánon thóh níkon rotinaskwahiéntons ne iotiniakwáhere tsi kíʼ níkonh tekatsinetaró꞉tarons nonesarónhkwas natsatʼthontse.

1 Samuel 13:5

Ne Philistine wahonnitiokónhni ne nahonterí꞉io NʼIsraerʼró꞉nons, áhsen niwáhsen tewenhniawehatserásen nikaseréhtakes otsiónkwas, tánon iáh-iak tewenhniawehetserásen nihá꞉ti ne kosátens rotisátens tsi ronterí꞉ios, tánon ne ronterí꞉ios kentió꞉kwas kwáh thóh níhonatiókwa tsi natekanesaronkótaron ne kaniatarakhekówa atsaktóntie; tahón꞉ne tánon watʼkonwahonwarón꞉ni ne Michmash, ne ne tsikʼkarakwínekens nokwáhti ne Beth-aven.