Joshua 11:17 - Ohiatonhseratokénti

^17-18 Ne tsi kanakerahserá꞉ien thóh tsioténtion ne tsi Ionónhte ne Halak ne nenhtiè꞉ne ákta ne Edom, tsi nió꞉re ne Baalgad ne othorè꞉ke nokwá꞉ti, nahonráhkwakon ne Lebanon ne nenhtiè꞉ne nokwá꞉ti ne tsi Ionónhte ne Hermon. Ne Joshua né꞉ne karí꞉wes ronaterí꞉iokwe ne ronhnontí꞉io ne tsi kanakerahserá꞉ien, ók ratikwé꞉kon washakoié꞉na tánon washakononwarià꞉kon.

Joshua 11:17 Iomraidhean Croise

Genesis 32:3

Né Jacob ratirihwakarénieʼs ohén꞉ton iahshakotó꞉ri naontahón꞉ion norí꞉wa ne iatateʼkén꞉ʼa Esau ne ne tsi tiohontsá꞉ien ne Seir, ne ne Edom kanakerahserá꞉kon.

Psalms 89:12

Í꞉se sarihwaʼkanonhníhon tsi nihioterihwaʼtséren notoré꞉ke tánon nenhtié꞉neʼ né Tabor tánon ne Hermon atʼtsenhnonhniaʼtsherákon tsi tetsiatenonhweráton ne sasénhna.

Deuteronomy 1:7

Thonshasewanáhtak tánon sesewahténhti. Wás tsi tsionhniarónhnion ne Amorʼró꞉nons rahononhontsà꞉ke niahá꞉sewe tánon akwé꞉kon ne tehiokwahtasèhton ne kanahkerásehras—tsi nió꞉re ne Jordan ahonráhkwakon, ne tsi tionhniarónhnions ó꞉ni ne ahonráhkwakonhs, tsi nió꞉re ne entiè꞉ne kanakerahseraké꞉rons, tánon tsi nió꞉re ne Mediterranean kaniatarakʼtóntie—tsi tiohontsá꞉ien ne Canaan niahásewe tánon iasehwató꞉hets ne tsi ionnonhtaʼrónhnions ne Lebanon kwáh tsi nió꞉re ne tkaniatarowá꞉nen Euphrates.

Deuteronomy 2:1

kharehó꞉nen thonsahiakwatʼkarahté꞉ni tánon iohontsathèn꞉ke niahà꞉kwe, né꞉ne tsi nihiothahí꞉non tsitʼkanéksker ne Aqaba, kwáh ki tsi niháwenh ne Roiá꞉ner, tánon kwáh í꞉ken tsi karí꞉wes waʼtsiakwahtawénhrie tsi iononhtaʼrón꞉nions ne Edom.

Deuteronomy 3:9

Ne tsi Ionónhte ne Hermon ne Sidonró꞉nons nahatihiaʼtó꞉ten Sirion konhwanaʼtónkwa, ók ne Amorʼró꞉nons Senir ne konwanaʼtónkwa.)

Deuteronomy 33:2

Ne Roiá꞉ner tsi ionónhte ne Sinai nón꞉we nonhtá꞉re; thóh ní꞉ioht tsi tahoké꞉tote tsi ní꞉ioht ne tahiorakwinekenhenhátie é꞉neken ne tsi ionónhte ne Edom tánon tsi tionónhte ne Paran nón꞉we thontashakoswaʼthé꞉ten ne rahonkweʼtashón꞉as. Oié꞉ri tewenhniaweheʼtseráhsen niháti ratironhiakeró꞉non ratikwekonhátie, iotsiró꞉te ne saweienthethákwen.

Deuteronomy 7:24

Ne rahotinontihió꞉tsheras sewashatstenhserá꞉kon nónhwe nenshakótkaʼwe. Akwáh í꞉se enieʼtsinonhwarià꞉kon, tánon kwáh enhonwatihiataʼnikónhren. Iáh ónhka tahiekwé꞉ni ne taietsí꞉taste; akwáh ratikwé꞉kon tsi enieʼtsinonhwarià꞉kon.

Joshua 1:4

Ne tsi sewateristatátie iénwahwe ne tsi tsotáshawe ne iahonwentsathènhken né꞉ne entiè꞉ne nokwá꞉ti ne tsi ionhnontaʼrón꞉nions ne Lebanon né꞉ne othorè꞉ke nón꞉we; thóh entewatáshawen ne Kaniatarohwanénhke ne Euphrates né꞉ne tsitkaraʼkwí꞉nekens nón꞉we, iatenhiótkaʼwe tsi kanakerahserá꞉ien ne Hitró꞉non, thóh niénhsewe né꞉ne Mediterranean Kaniatarakeʼkó꞉wa né꞉ne tsi iaʼtewatshénthos nón꞉we.

Joshua 11:3

Tánon ó꞉ni iashakoteriwaniéten ne Canaanites né꞉ne tetsarónhkwen nokwá꞉ti ne Jordan, ó꞉ni ne Amorʼró꞉nons, ne Hitró꞉nons, ne Perizró꞉nons, ó꞉ni ne Jebusites ne tsi ionhnontharón꞉nions kanakerahseraké꞉rons, ó꞉ni ne Hivró꞉nons né꞉ne tsi iononhthaienthàhon ratinákere ne tsi ionhnónte Hermon né꞉ne tsi wathonwenhtsá꞉ien ne Mizpah.

Joshua 13:5

ne rahononhontsà꞉ke ne Gebalró꞉nons; ohontsakwé꞉kon ne Lebanon né꞉ne tsitkarahkwí꞉nekens nokwá꞉ti, tánon ne Baalgad nitiawé꞉non, né꞉ne entiè꞉ne nokwá꞉ti ne tsi Ionónhte ne Hermon, tsi nió꞉re ne Hamath Iehiotohétston.